Það er engum greiði gerður að skoðanir hans séu virtar séu þær rangar.

Ef spjallborð eins og þessi eru ekki til að ræða skoðanir þá veit ég ekki til hvers þau eru.

Nú get ég alveg ímyndað mér að einhver hafi komið með skot á einhverjar íþróttir og dregið gildi þeirra sem sjálfsvarnaríþrótt í efa. En mér finnst skrítið að þú nefnir einmitt þessar 3 íþróttir, þar sem ég efast um að nokkur SBG maður myndi efast um ágæti þessara íþrótta sem þú nefnir. Það sem er oftast talið ábótavant hjá öðrum eru alive æfingar, og allar þessar íþróttir sem þú nefnir (Judo/box/kickbox) eru allar hörkuíþróttir sem æfa mjög alive (allt keppnisiþróttir), og margir MMA bardagamenn notast við tæknina úr þessum greinum.

Það eur margir í mjölni sem æfa bara BJJ og ekkert striking, þannig ég á erfitt með að ímynda mér að einhver sé með leiðindi útaf því.

Það er nú enginn gróði í þessu Mjölnir er að gera…

Það er ekki til nein ein ákveðin orðabóks skilgreining á mcdojo hugtakinu en ég skal reyna að útskýra í grófum dráttum hvað er verið að eiga við.

Mcdojo hugtakið átti fyrst við uppsprettu hundraðra ef ekki þúsunda karateklúbba í uppgangi karate í Bandaríkjunum.

Þegar Karate varð mjög vinsælt þá spruttu allt í einu upp hellingur af svartbeltingum sem enginn vissi hver var og þeir voru allir að kenna “alvöru” karate og dauðlega list. Í flestum tilvikum voru þetta einstaklingar sem höfðu kannski æft einhverja bardagalist, karate eða eitthvað svipað sem hægt væri að selja sem Karate.

Þeir áttu það flestir sameiginlegt að vera góðir sölumenn og það er gengið jafnvel svo langt að í dag eru til heil samböndin í Bandaríkjunum af svona mönnum með skóla í mörgum fylkjum og hafa þeir þannig öðlast í raun réttlætingu í eigin samtökum.

Það sem skilgreinir í dag Mcdojo er í rauninni að verið sé að selja eitthvað sem það er ekki. Þá er ég ekki að tala um vörur heldur bara tæknina sjálfa. Nemendum er talið trú um að það sem þeir séu að gera sé alvöru sjálfsvörn og alvöru hlutar úr því sem þeir segjast vera að kenna hvort sem það er Karate, Taekwondo eða Jeet Kune Do eða eitthvað annað.

Í rauninni eru þessir einstaklingar ekki að kenna neitt úr því nema að litlu leyti og ef svo er þá er það yfirleitt mjög útvatnað.

Á sama tíma þá er peningaplokkið gífurlegt og ávallt tengt sýnilegum árangri í bardagalistinni. T.d. þarf maður að borga ákveðið gjald fyrir hvert belti sem maður tekur og maður verður að kaupa beltið af félaginu og búninginn af félaginu.

Það er ekkert slíkt í gangi hjá Mjölnir þér til ábendingar.

Annað sem er líka ágætis ábending að um Mcdojo sé að ræða er nokkurs konar trúarbragða keim. Það líkist oft persónudýrkun á kannski stofnanda einhverra sambanda eða bara á ákveðna hugmyndafræði.

Það eru til fleiri vísbendingar að um Mcdojo sé að ræða en besta leiðin til að komast að því er bara að mæta á staðinn og sjá hvernig andrúmsloftið er.

Mcdojo eru oftast nær mjög þrúgandi og mikið um meting. Þeir sem eru með svörtu beltin eru oftast nær fyrirmenni mikil inn á staðnum og maður verður að sýna þeim ákveðna virðingu sem stundum gengur full langt. Svo er það líka mjög algengt að þegar nýr óþekktur einstaklingur gengur inn í Mcdojo þá gengur strax sölumaðurinn á hann og reynir að fá hann til að skrifa undir eins árs samning frá byrjun sem hann getur síðan aldrei fengið borgað til baka ef honum líst ekki á blikuna.

Sum Mcdojo sambönd eru jafnvel með kennslu í því hvernig á að fá fólk til að skrifa undir eins árs samning fyrir sig og/eða börnin sín frá byrjun.

Í rauninni bara til að taka þetta saman í lokin þá eru Mcdojo skipulagðar peningamaskínur þar sem verið er að selja þér ranghugmyndir.

Ef þú heldur að Mjölnir sé það þá er þér velkomið að halda það en fyrst myndi ég aðeins skoða staðinn, hitta fólkið og sjá hvernig þér líkar.

Rock on.
Daníel.

Bara svo það sé á hreinu, þá fær enginn kennari, stjórnarmeðlimum, afgreiðslumaður eða þeir sem sjá um að þrífa borgað. Stofnfélagar Mjölnis sjá um alla þessa vinnu í sjálfboðavinnu.

Valhöll (Mjölnisbúðin) er engongu til styrktar félaginu eins og æfingargjöld. Mjög lítið er lagt á allar vörur í Valhöll því að við lítum á þetta fyrst of fremst sem þjónustu fyrir félagsmenn okkar. Það sem við seljum í búðinni er nánast bara það sem þú notar til æfingar eins og boxhanskar, mmahanskar, BJJgi, rashgaurds, vafningar, gómar, punghlífar. Einnig seljum við svo fæðubótarefni, powerrade og svoleiðis. Í sambandi við Mjölnihettupeysurnar og Mjölnisbolina þá er brjáluð sala á því, einfaldlega vegna þess að þetta er TÖFF bolir og peysur. Það er enginn að skipa fólki til þess að kaupa þetta, þetta kaupir fólk vegna þess að það vil styrkja frábært félag (félagið þeirra) og að sjálfsögðu auglýsa það, venga þess að það er stolt að því að æfa í Mjölni! Auk þess er margir sem æfa bæði í bolunum og peysunum…

Jón Viðar Arnþórsson
www.mjolnir.is

Ástæðan fyrir þessu mjög svo “jaded” og kaldhæðna svari mínu var/er sú að ég taldi mig einmitt knúinn til þess að varna þessum dreng frá því að taka þátt í Bujinkan. Og ég skammast mín ekkert fyrir það.

Ég hef EKKERT á móti Diðrik “Nekron” (hann er bara svalur og hefur aldrei verið neitt annað en kurteisin uppmáluð hér á Huga) eða hverjum þeim einstaklingum sem að stunda Ninjitsu…..en byggt á því sem ég hef séð af Bujinkan samtökunum, því myndefni sem þeir senda frá sér og hina neikvæðu vitnisburði fjöldamargra fyrrverandi iðkenda, margra til ára ef ekki áratuga um hvernig kaupin gerast á eyrinni þar get ég bara ekki með góðri samvisku mælt með því við nokkurn mann að leggja lag sitt við það batterí.

Ég er að eðlisfari tiltölulega kurteis maður en ég get bara ekki skrifað upp á “ef þú hefur ekkert gott að segja segðu þá ekki neitt” lífsspekina sem mér sýnist menn vilja að maður hegði sér eftir á þessu spjalli.

Ef að menn koma með opnar spurningar þá segi ég mitt álit. Ég einfaldlega hafði ekki tíma til þess að skrifa langt svar akkúrat þarna, þannig að ég varpaði þessu svona fram til þess að geta byggt á því seinna. Það ætla ég að gera núna á eftir.


Meðan ég var stjórnandi hér þá reyndi ég náttúrulega eftir fremsta megni að gæta hlutleysis og misbjóða engum, en nú er ég það ekki lengur og segi mína meiningu bara eins og hún kemur fyrir á þann hátt sem mér sýnist. Ef það fer fyrir brjóstið á einhverjum þá verður bara að hafa það. Ég skal reyna að gera það á eins kurteisan hátt og mér er unnt, en ég get bara alls ekki sniðið framhjá þeirri basic staðreynd að Bujinkan er eitthvað sem að myndi ekki mæla með undir neinum kringumstæðum við nokkurn einasta mann, nokkurnveginn sama hvað það er sem að hann er að leita að(sjálfsvörn, gott form, andleg styrking eða fræðsla um japanskar hefðir)í sinni bardagalist. Bujinkan hefur AFSKAPLEGA slæmt orð á sér í bardagalistaheiminum almennt, og það eru ansi góðar ástæður fyrir því. Ég skal útlista þær ástæður nánar í svari mínu við hinum þræðinum, eða kannski sendi ég inn grein ef að þetta blæst eitthvað út, af nægu er að taka allavega.

Ef ég get forðað einum manni frá því að pikka það upp sem hobbý með því að móðga tíu manns þá tel ég það ágætis dagsverk.

Ég hef æft hjá Mjölni(reyndar mest áður en félagið var formlega stofnað og lítið eftir það af ýmsum ástæðum), en satt er það að ég er “skoðanabróðir” þeirra í sambandi við lifandi æfingar og hvað virkar og virkar ekki…..en menn þurfa samt að gera greinarmun á póstum og skoðunum
einstaklinga sem æfa hjá Mjölni og þeirra yfirlýsinga sem að félagið sendir frá sér opinberlega. Annað er ekki sanngjarnt gagnvart þeim félögum sem kjósa að tjá sig EKKI um þessi mál. Margir hjá Mjölni æfa hjá öðrum félögum meðfram, hvort sem það er Þórshamar, JR eða Pumping Iron og fíla það bara alveg í botn, og engum er tekið illa á æfingum hjá félaginu þó að þeir æfi líka hjá “andstæðingunum”……þeir fáu félagar sem hafa (undir sínu eigin nafni) lýst yfir efasemdum um hæfileika og “credentials” Jimmy tala í sínu eigin nafni og engra annarra. Og þó svo að ég vilji ekki útlista það neitt sérstaklega veit ég að þeir sem hafa neikvætt álit á honum hafa ágætis ástæður til þess vegna beinna samskipta við hann. Þeir útskýra það betur sjálfir ef þeir svo vilja.

Þó að menn séu með nafn, símanúmer og “Mjölnir MMA” í undirskriftinni sinni þýðir ALLS EKKI að þeir séu að tala í nafni klúbbsins eða að tjá sig eftir einhverri flokkslínu.

Alveg eins og núna tala ég bara í nafni sjálf míns og engins annars.

Sæll VincentVega,

Þarna komstu orðum nokkuð vel að því sem ég hef verið að bruðla á og hugsa um, en ef orðstír Bujinkan á eitthvað erfitt fyrir - skemmdur eða ei - á Íslandi í dag, þá tel ég það eitthvað sem á örugglega eftir að jafna um sig þegar á er liðið og fólk sér hvernig þetta virkilega er.

…Og talandi um peningaplokk, þá get ég ekki varið suma hverja innan Bujinkan (eða utan) sem - svipað öðrum bardagalistum - selja gráður á netinu fyrir okurpening og allt hvað annað. Ég gæti einnig farið útí að rakka niður ákveðin ‘Ninja félög’ sem halda fólki við sitt ‘curriculum’ og láta það standa í stöðum og æfa gagnslausar kötur í minnst 5 ár áður en talað er um svart belti… Heldur læt ég það bara duga að reyna að vísa fólki vel og beina því í rétta átt, enda tel ég það þá betra en að það ruglist í ríminu og fari að æfa eftir td. Ashida Kim (Reynolds eða hvað hann heitir nú…)

…En ég held ég reyni svo að einbeita mér og gera Hr. Freestyle til geðs með vel settu svari…

…To be continued.

Kv,

D/N

Það sem gremur Mjölnismönnum mest er það að sumar íþróttir eins og Karate flokka sig sem sjálfsvörn og er það sem fer mest í pirrurnar á þeim. Ef fólk talar um Karate sem íþrótt, þá mundi Mjölnismönnum eflaust vera sama og samkjafta vel um það enda margir gamlir karate menn þar á bæ. Ég held samt sem áður að skoðanir Mjölnismanna á hvað þeim finnst um aðrar bardagaíþróttir dylst engum, enda hafa þeir allan rétt á að henda fram skoðun sinni.

En hins vegar er það leiðinlegt ef fólk þorir ekki að pósta hérna af hræðslu við að vera skotið niður.