Mega Freestyle og Greatness bara spá í úrslitin?

Jæja, hérna er mín spá. Ég verð samt að viðurkenna að með marga af þessum bardögum er ég ekki viss þar sem ég hef ekki séð alla þessa menn berjast.

Mitsuhiro Ishida - Marcus Aurelio

Báðir þessir menn unnu síðustu bardaga sína og leit Marcus Aurelio mjög vel út í síðasta bardaga sínum á móti Takanori Gomi. Marcus Aurelio hefur einungis tapað tveimur bardögum á ferli sínum og í hvorugum þeirra var hann kláraður með rothöggi eða lás. Marcus Aurelio hefur einnig barist við marga topp menn í þyngdarflokki sínum. Ishida er sömuleiðis búinn að standa sig vel á ferli sínum en ég hef bara því miður séð hann berjast einu sinni.

Ég verð að spá Marcus Aurelio sigri hér. Hann mun örugglega koma mjög vel stemdur eftir sigur sinn á Takanori Gomi. Ishida virðist samt ekki vera auðveldur biti.

Tatsuya Kawajiri - Charles Krazy Horse Bennett

Ég held að það sé nokkuð auðvelt að spá Tatsuya sigri hér. Hann er mun hæfileikaríkari bardagamaður en Bennett og er einu möguleikar Bennett að rota Kawajiri. Tatsuya hefur ennfremur einungis tapað á móti topp mönnum og er hægt að setja hann án skömm á topp tíu lista yfir menn í þessum þyngdarflokki.

Ég spái því að kawajiri taki þetta á rear naked choke eða armbar.

Hayato mach Sakurai - Olaf Alonso

Ég hef aldrei séð Olaf Alonso berjast og miðað við feril hans á sherdog.com þá virðist hann ekki hafa nægilega mikið upp á að bjóða fyrir reynslubolta eins og Hayato Mach Sakurai. Ætli það sé ekki bara verið að fóðra Sakurai.

Sakurai klárar þennan bardaga líklegast með tæknilegu rothöggi.

Jason Black - Eoh Won Jin

Hérna er sömuleiðis verið að fóðra menn. Jason Black er frægur bardagakappi sem fáir fyrir utan Bandaríkin hafa séð berjast. Hann mun líklegast ávallt sitja í skugganum af Matt Hughes því á meðan Matt Hughes er meistari og poster boy fyrri UFC þá munu þeir líklegast aldrei ráða Jason Black. Það hefur náttúrulega líka áhrif að þeir koma frá sama liðinu.

Jason Black er hérna að þreyta frumraun sína í Pride og býst ég við því að hann mun sigla í gegnum þennan mótherja. Ég hef náttúrulega aldrei séð mótherja Black berjast en hann hefur einungis barist þrjá professional bardaga og með reynsluna hans Jason Black þá held ég að Kóreumaðurinn eigi ekki möguleika.

Grand Prix.

Þetta er frábært mót og gaman að sjá svona mörg og stór nöfn þarna. Þarna verða menn að berjast sem mig hefur lengi langað til að sjá í sviðsljósinu.

Denis Kang - Murilo Ninja

Ég var svolítið hissa á því að sjá þessa tvo mætast hvor öðrum í fyrstu umferð en gaman engu að síður. Báðir þessir menn eru gríðarlega hæfileikaríkir og koma frá frábærum liðum. Ég hef lengi haft dálæti á Denis Kang og er vert að benda á að hann hefur ekki tapað bardaga í þrjú ár. Murilo er hinsvegar mun mistækari en Kang og er það líklegast ástæðan fyrir því að hann er að koma niður í 185.

Ég held að Denis Kang sé nægilega hæfileikaríkur og snjall til að sigra Ninja. Það kæmi mér heldur ekki á óvart ef að hann subbaði hann.

Murilo Bustamante - Amar Suloev

Hérna er einn af uppáhalds bardagaköppum mínum að keppa á móti mjög hæfileikaríkum striker. Ég hef samt fulla trú á Murilo og held ég að reynsla hans sem og tækni munu yfirvinna Suloev. Bustamante er á síðustu árum ferils síns og hef ég fulla trú á því að hann reyni að gera það sem hann getur til að hafa þessi ár eftirminnileg eftir erfiða byrjun í Pride.

Phil Baroni - Kazuo Misaki

Þegar það var fyrst tilkynnt um hverjir væru að berjast á þessu móti þá var einnig tilkynnt Phil Baroni myndi berjast við Paulo Filho. Ég varð mjög hissa á því þar sem að Baroni er það vinsæll í Japan. Hefði sá bardagi átt sér stað hefði ég fastlega búist við því að Baroni hefði tapað. Núna á Baroni meiri möguleika.

Það er aldrei hægt að vera viss um hvað muni eiga sér stað þegar að Baroni berst. Hann getur rotað flesta menn enda með þungt högg og hann er með ágætis wrestling hæfileika. Hann er hinsvegar ekki frábær í neinu og hrint ömurlegur í sumum vettvöngum MMA. Ég hef séð Kazuo Misaki bara einu sinni berjast og þar sem þeir setja þess tvo saman þá verð ég að reikna með því að Phil Baroni fari áfram. Svo er bara að vonast eftir því að hann fái að berjast við Dan Henderson fljótlega. Það yrði gaman:)

Svo er ég orðinn þreyttur á því að skrifa og ætla því bara að segja beint út restina.

Ryo chonan - Joey Villasenor

Ryo Chonan vegna þess að hann hefur mætti betri mótherjum á ferli sínum.

Akihiro Gono - Hector Lombard.

Akihiro Gono þó svo að það sé erfitt að segja til því Hector Lombard gæti orðið það næsta stóra í þessum þyngdarflokki. Ég held að Akihiro hafi bara of mikla reynslu og muni taka þetta.

Paulo Filho - Yoon Dong Sik

Paulo Filho er ósigraður og hann verður það enn eftir þessa nótt.

Makoto Takimoto - Gegard Mousassi

Ég held að Gegard Mousassi taki þetta. Hann er búinn að eiga góðan feril og býst ég við því að hann muni ná að halda þessu standandi og roti Makoto.


Annars þá er það ekkert fleira.

rock on.
Daníel.

Regular Fights

Mitsuhiro Ishida vs Marcus Aurelio Aurelio á submission eftir hörkubardaga

Tatsuya Kawajiri vs Charles “Krazy Horse” Bennett Kawajiri er betri on paper og er sigurstranglegri en Bennett er þessi óþekkta stærð….hefur alltaf smá séns. Eitt veit ég þó að hvað sem gerist verður þetta sniðugt sjónvarpsefni ;)

Hayato Sakurai vs Olaf Alonso
Þeir sem ekki vita hver THE OLAF er þá er auðvelt að útmála hann sem einhverja fjandans dós - en þetta er einn kjarkaðasti og svalasti MMA maður í heimi. Aftur á móti hefur Olaf allt á móti sér, hann er léttari og andstæðinguinn reynslubolti mikill. Annar bardagi sem er ójafn á pappír en gæti orðið meira close en menn grunar.


Jason Black vs Eoh Won Jin

Meh….hér er ég alveg strand. Segi bara Jason Black vegna þess að ég hef heyrt lítið um afrek Jin, en MMA er að springa út í Kóreu þessa dagana.

WW GP Fights

Denis Kang vs Murilo Ninja

Svaka bardagi, sérstaklega miðað við fyrstu umferð. Ég segi Kang á því að vera svalur og í miklu uppáhaldi hjá mér fyrir að vera geysilega well-rounded, Ninja lítur alltaf vel út þegar hann fær að stappa á minni spámönnum en koðnar niður þegar menn eru ekki hræddir við hann.

Murilo Bustamante vs Amar Suloev

Busta á reynslunni einni saman. Spái því að þetta verði hægasti og leiðinlegasti bardagi kvöldsins í augum hasarfíkla en augnakonfekt mikið fyrir þá sem fíla grappling.


Phil Baroni vs Kazuo Misaki

Misaki ef hann nær að hanga á lífi í 30 sek á meðan Baroni tekur graðnautarútínuna sína. Eftir það þá á Baroni ekki neitt í neinn. Hingað til hefur hann samt náð að standa í japananum með fátt á bakvið sig nema slagkraft og kjaftshátt. Búúú!!! Misaki á Submission/Unanimous decision.

Ryo Chonan vs Joey Villasenor

Villasenor er held ég mjög hungraður og búinn að bíða lengi eftir séns á sviðsljósinu. Strákur sem ég held að eigi mikið inni ennþá og Chonan á eftir að vanmeta hann. Upset kvöldsins

Akihiro Gono vs Hector Lombard

Lombard er annar nýliði sem ég held að eigi mikið inni. Hann hefur liðið fyrir takmarkaða samkeppni í Áströlsku MMA senunni og þar vilja menn ekkert keppa við hann lengur. Segir allt sem segja þarf. Lombard er líka ekki þessi týpíski Sport Judo meistari sem er að fikta við MMA. Hann er með góðan knockout power, er ekki hræddur við að standa og boxa og er tilbúinn að taka sénsa til að ná submission. Einnig hefur Lombard líkamlega yfirburði. Eina sem Gono hefur framyfir er gríðarleg reynsla, gaurinn er líka búinn að vera að slást síðan 93 eða eitthvað, en hann er líka að verða gamall. Lombard á brutal knockout/technical knockout í jörðinni.

Paulo Filho vs Yoon Dong Sik

Filho á nokkurnveginn hverju sem hann vill. Filho á a.m.m eftir að enda í úrslitunum gegn annaðhvort Kang eða Bustamente. Hann er það góður.

Makoto Takimoto vs Gegard Mousassi

Takimoto hefur ekki náð að sanna sig í minum augum , en ég veit ekkert um Mousassi. Þannig að ég segi bara pass.