Ég hef aðeins verið að skoða umræðuna á þessu svæði og hef tekið eftir því að flestir hérna eru á því máli að þessar búrabardagaíþróttir séu eini sannleikurinn þegar kemur að bardagalistum. Ég vildi bara koma þeirri skoðun minni á framfæri að þetta er alrangt.

Taijiquan, sem ég mun hér með frá kalla Tai Chi sem einföldun, hefur allt sem þarf til að vinna bug á BJJ. Tai Chi hleður upp afl innra með manni, orku sem sumir kalla chi. Í miðjum líkamanum er orkusvið sem hleður upp og gefur líkama þínum jafnvægi. Orka þessu flýtur um líkama manns og heldur manni við jörðina. Þar sem BJJ er grappling list sem hunsar algjörlega andlegu hliðina á bardögum vantar iðkenndum þeirrar íþróttar þessa andlegu fullkomnum. Þetta eru einföld náttúrulögmál, ef einhver reynir að ýta þér er hægt að gera það afl óvirkt með því að virkja orkusöfnunina í brjóstholinu á réttan hátt og þarmeð gera BJJ tæknina óvirka.

Taijiquan virkar flókið og jafnvel asnalegt fyrir augu þeirra sem sjá það í fjarska. En málið er að það tekur bara miklu lengri tíma að verða góður í því. Það tekur um það bil áratug af þrotlausum æfingum að læra að virkja orkuna á þennan hátt. Og þegar maður er kominn á það stig hefur maður náð slíkri andlegri fullkomnum að það er engin þörk í hjarta manns til að sanna neitt fyrir neinum og þess vegna hafa þeir bestu aldrei haft neina þörf á að taka þátt í búrabardögum og slíkum viðbjóði.