Ég hélt nú að Kabóeira (skrifa svona til að vera hlutlaus) væri skrifað eins og fyrri skrifaði það en ekki sá seinni, allavega hef ég séð það í bókum???

Ég gæti trúað að full-contact box hafi verið öflugt. Ætti að gera mann að ultimate barfighter :)

Grikkir glímdu (naktir… ugh) á ólympíu leikunum í den :)

Það má líka benda á það að t.d. víkingarnir norrænu voru víst snillingar í að berjast með vopnum. Þetta hélst líka svona hér á landi lengi vel. Fáir áttu sverð hér á landi en þeir sem þau áttu voru jafnan mjög leiknir á þau. Aðal vopnið var að sjálfsögðu gamla góða öxin. Þessar axir voru með mun lengri sköftum en við þekkjum í dag en svo áttu sumir líka minni axir, einhvers konar „vasaaxir“ sem mátti nota í smærri verk. Síðan voru líka notuð spjót hér en ég veit lítið um þau. Þó eiga menn að hafa verið leiknir í að kasta spjótunum af mikilli nákvæmni. Svo áttu allir auðvitað skjöld. Algengast var því að menn berðust með skjöld í annarri og öxi í hinni. og það var ekki bara einhver tilviljanakennd bardagatækni sem notuð var heldur var mönnum af góðum ættum kennd vopnalistin frá æsku.
Svo má til gamans geta nokkurs sem fáir vita. Flestir bardagar hér á landi hófust á gríðarmiklu grjótkasti. Það þótti svo lítil sæmd í því að deyja með því að fá stein í hausinn áður en sjálfur bardaginn hófst. Í Flóabardaga var það liðið sem hafðu hlaðið skip sín betur grjóti sem sigraði.
Þeir voru engir aukvisar, víkingarnir.