“Magnús Óskarsson, ninjameistari fer af landi brott í fyrramálið á vit ævintýranna, en hann hyggst freista gæfunnar meðal Tamil-tígra á Sri Lanka.

„Ég svaraði nú bara atvinnuauglýsingu í tímaritinu Popular Ninja. Svo fór ég í atvinnuviðtal í síðasta mánuði og það gekk bara svona glimrandi vel - ég kenndi þeim nokkur fantabrögð og svona. T.d. tvöfalda drekakló og lótuskrumlu,“ sagði Magnús í samtali við Baggalút í morgun.

Magnús hefur verið í björgunarsveit í mörg ár og er því ýmsu vanur: „Jájá - maður hefur prófað ýmislegt sko sem ætti að búa mann undir starfið. Mér skilst t.d. að ég verði settur beint í að sprengja upp munaðarleysingjahæli strax annað kvöld og þá kemur sér vel að hafa reynslu af meðferð flugelda.“”

- Af hinum mikla eðalvefmiðli Baggalutur.is
Lifi sannleikurinn!