jgt fyrir 20 árum, 7 mánuðum Fjöldi lestra: 367

Á döfinni á næstu BJJ æfingum

Fyrir þá sem æfa BJJ með mér, og þá sem eru að pæla í að skella sér í ókeypis prufutíma, þá langaði mér til að segja ykkur frá sumu af því sem við munum taka fyrir á næstu æfingum.

Eftirfarandi spurningum og mörgu fleira verður svarað:

- Hvernig er hægt að plata mann til að falla fyrir “keylock frá side mount”, ef hann veit að maður vill ná þessu bragði á hann OG hann er góður að sleppa úr side mount í þokkabót?

- Hvaða brögð frá “side mount” virka hvað oftast í grappling keppnum?

- Hvaðan kemur aðal vogaraflið sem þarf til að klára “kimura” lásinn?

- Er hægt að gera eitthvað sem virkar mjög vel þegar andstæðingur minn stígur yfir mig þegar ég hef hann í “omo plata” lás?

- Hvernig get ég minnkað TIL MUNA líkurnar (nánast því útiloka þær) á því að vera settur í lása þegar andstæðingur minn er ofan á mér?

- Er mikið hægt að gera þegar maður reynir að kyrkja andstæðinginn frá “back mount” (þ.e.a.s. maður er fyrir aftan hann) og hann togar höndina manns niður?

- Hvernig get ég orðið betri í því að sleppa frá “mount” stöðunni (andstæðingur ofan á manni með hnéin sín sitt hvoru megin við mann)?

- Hvaða grip get ég notað þegar andstæðingur minn hefur ekki Júdó- eða Karategalla sem ég get gripið í?

- Ég reyni að toga andstæðinginn niður til að klára “triangle choke” en hann togar svo fast til baka? Er ég ekki nógu sterkur eða get ég gert eitthvað í þessarri stöðu?

- Hvað get ég gert þegar ég reyni að fella andstæðing minn í gólfið með því að grípa með báðum höndum utan um löppina á honum en hann leggst bara ofan á mig, hálf-kremur mig undir sér og spyrnir löppinni afturábak í burtu frá mér?

…svo eru náttúrulega fleiri UFC partí á döfinni. Að sjálfsögðu.

Kveðja,

Jón Gunna

Einarm fyrir 20 árum, 7 mánuðum

Hvenær eru æfingar og hvað kostar að æfa?

Fyrra álit

jgt fyrir 20 árum, 7 mánuðum

Kíktu á svarið sem ég gaf cent fyrir ofan.

Kveðja,
Jón Gunnar.

Fyrra álit

FenrirMMA fyrir 20 árum, 7 mánuðum

blessaður jón, ég ætla mér nú að mæta þarna aftur til ykkar er bara að vinna út þessa viku á kvöldin, var að spá hvort það yrði eitthver helgar æfing hjá ykkur á döfinni?

ætla bara að koma því að, að ég hef verið í submissions í 2 ár en þau jafnast ekki á við kennsluna þarna hjá strákunum í faxafeni, svo þeir sem hafa áhuga ættu hiklaust á skella sér þangað og prufa

ingþó

Fyrra álit

[Notanda eytt] fyrir 20 árum, 7 mánuðum

Hvar og hvenær er þetta batterí hjá ykkur og hvað rukkiði fyrir?

Fyrra álit

jgt fyrir 20 árum, 7 mánuðum

Þetta er í Faxafeni 8, í hnefaleikasalnum (ekki í Aikido salnum sem stendur). Gengið er inn bakdyramegin. Við æfum klukkan 21:30 á þriðjudögum og fimmtudögum. Reyndar verður næsta fimmtudagsæfing klukkan 22:00. Hugsanlegt er að við getum fært tímana aðeins og haft þá klukkan 21:00 en það er ennþá í vinnslu.

Við æfum í venjulegum íþróttafötum og erum berfættir. Best er að vera í langermabol og stuttbuxum en fólk getur þó haft þetta eins og það vill og mætt t.d. í Karate galla. Bara að það sé innan skynsamlegra marka. Brandarinn sem ég segi gjarnan við þetta tækifæri um Kára “Kimura” í neónbleikum speedos og mullet er orðinn svolítið gamall svo ég ætla ekki að hafa hann eftir hér - sér í lagi vegna þess að Kári er núna kominn með blátt belti í BJJ og gæti lamið mig. Mjög fast.

BJJ-ið er núna búið að vera í gangi í rétt tæpt eitt ár og hefur gengið mjög vel.

Kveðja,
Jón Gunnar.

Fyrra álit

jgt fyrir 20 árum, 7 mánuðum

Já - og þetta kostar 2900 kr á mánuði, 8000 kr fyrir þrjá mánuði. Ég held að þetta sé með því allra ódýrasta sem gengur og gerist í bardagalistum og íþróttum hérlendis. Fyrstu 2 tímarnir eru ókeypis, svo að fólk getur komið og prufað þetta og ákveðið hvort að Brazilian Jiu Jitsu sé eitthvað sem henti þeim.

Fyrra álit

qeySuS fyrir 20 árum, 7 mánuðum

lol ég held ég hafi ekki heyrt þennan brandara :)

Fyrra álit

jgt fyrir 20 árum, 7 mánuðum

Þakka þér fyrir þessi orð, Ingþór! Ég kann vel að meta þau. Það væri ekki verra að fá jafn reyndan submission mann og þig á æfingar til okkar. Þú ert alltaf velkominn. Við stefnum að því að hafa bæði eina helgaræfingu á næstunni og einnig að halda annað “UFC partí” (þar sem við kíkjum á MMA/submission grappling spólur/mpeg, sötrum kók og gleypum kartöfluflögur).

Jón Gunnar.

Fyrra álit

[Notanda eytt] fyrir 20 árum, 6 mánuðum

Bara stíft íþróttarfæði :j Er annars ekki lagi að koma þarna við og fylgjast bara með rétt eins og farí prufutíma?

Fyrra álit

jgt fyrir 20 árum, 6 mánuðum

Já, það er mjög mikilvægt að borða mikið af kartöfluflögum. Annars gæti fólk haldið að bardagalistageta manns væri styrknum manns eingöngu að þakka. Það er líka svakalega niðurlægjandi að vera gjörsigraður af krónískri kartöfluflöguætu.

Svona án gríns, þá er sjálfsagt að koma að horfa á. Ekki málið.

Kveðja,

Jón Gunnar.

Fyrra álit

jgt fyrir 20 árum, 7 mánuðum

Fyrir áhugasama, þá voru eftirfarandi spurningum svarað í seinasta tíma:

- Hvernig er hægt að plata mann til að falla fyrir “keylock frá side mount”, ef hann veit að maður vill ná þessu bragði á hann OG hann er góður að sleppa úr side mount í þokkabót?

Svar: Ein mjög góð leið er að leggja framhandlegg manns þvert yfir háls andstæðingsins og pressa hægt niður, til að fá fjær hendina til að ýta hausnum manns upp. Það er mikilvægt að hafa þyngdarpunktinn neðarlega þegar maður gerir þetta, svo að andstæðingurinn rúlli manni ekki yfir sig og einnig svo að hann noti ekki NÆR höndina til að verja sig. Um leið og fjær höndin byrjar að ýta hausnum manns upp - þá keyrir maður höndina niður með enninu og grípur hana síðan með “keylock” gripinu til að læsa honum. Athugið til að þetta verði ekki algjör ritgerð hjá mér, neyðist ég til að nota hugtök sem við notum á æfingu, þannig að margir munu sjálfsagt ekki hafa hugmynd um hvað ég er að bulla.

- Hvaða brögð frá “side mount” virka hvað oftast í grappling keppnum?

Þau eru nú mörg en einna helst eru það “keylock”, “kimura” og “step over armbar” sem maður sér. Þar að auki virkar vel að fara í “kneebar” (jafnvel “heel hook” eða “ankle lock”) og að færa sig yfir í full mount. En kannski það mikilvægasta að læra frá side mount er að SJÓRNA andstæðingnum því án þess er frekar vonlaust að ná neinum lásum. Svo að lokum er ENN mikilvægara að vera góður í að SLEPPA úr slæmum stöðum, eins og t.d. side mount, því að maður sem er góður í að sleppa, nær YFIRBURÐA stöðum aftur og aftur og getur prufað sig áfram með lása sem hann/hún hefur verið að læra í tímunum - án mikils ótta við að mistakast og enda í slæmri stöðu. *byrjar að anda aftur vegna langrar setningar*

- Hvaðan kemur aðal vogaraflið sem þarf til að klára “kimura” lásinn?

Ef þú notar mikinn styrk til að reyna að klára “kimura” lásinn með því að SNÚA hendinni (sem er lokastigið í lásnum), þá er í fyrsta lagi meiri hætta á því að þú slasir andstæðinginn óvart (í staðinn fyrir að fá hann til að gefast upp) OG einnig er vogaraflið ekki svo gott í þessarri loka-snúningshreyfingu). Betra er að nota kraftinn (ef einhvers kraftar þarf) til að toga olnbogann eins nálægt hausnum (og þá fjær mjöðm) og hægt er, ÁÐUR en maður byrjar að snúa upp á hendina til að klára lásinn. Því kjósa margir kimura sérfræðingar að klára lásinn frá “north-south” stöðunni þó þeir byrji lásinn frá “side mount” stöðunni.

Málið er að maður þarf að snúa hendinni MIKLU minna til að klára lásinn þegar olnboginn er svona hátt upp en þegar hann er niðri. Prufiði þetta, þeir sem kunna þennan lás og sjáið hvað ég á við.

- Er hægt að gera eitthvað sem virkar mjög vel þegar andstæðingur minn stígur yfir mig þegar ég hef hann í “omo plata” lás?

Það að stíga yfir andstæðinginn þegar maður er að lenda í omo plata er eitt besta gagnbragðið við omo plata og þar að auki er eðli bragðsins það að maður hefur talsvert vogarafl til að geta stigið yfir andstæðinginn. Því er mikilvægt að vita hvað maður getur gert þegar þetta gerist, því það gerist frekar oft að þetta sé reynt.

GAGNBRAGÐIÐ VIÐ GAGNBRAGÐINU er að vefja handlegg manns í kring um læri andstæðingsins þegar hann reynir að stíga yfir mann og velta honum síðan yfir sig. Maður heldur svo áfram að snúa sér og endar ofan á honum. Ok, maður kláraði ekki omo plata lásinn en er þó kominn ofan á hann og er í betri stöðu en maður var (var í “guard” stöðunni, reyndi omo plata og endaði ofan á í “side mount” stöðunni).

Það er að sjálfsögðu mjög erfitt að útskýra svona brögð vel í rituðu máli og ég hef sleppt hinum og þessum smáatriðum hér að ofan til að stytta mál mitt. Allt þetta og miklu meira er útskýrt aftur og aftur á æfingum okkar.

Bestu kveðjur,

Jón Gunna

Fyrra álit

jgt fyrir 20 árum, 7 mánuðum

Til að útskýra aðeins betur þetta með vogaraflið og kimura lásinn, þá er “verri” leiðin þannig að maður notar hliðar-magavöðvana en “betri” leiðin þannig að maður notar bakvöðvana, sem eru náttúrulega miklu sterkari. Til að fá jafnvel ENN meiri vogarafl í lásinn, þá er best að hafa báða þumalputtana OFAN á úlnliðum andstæðingsins.

Fyrra álit

jgt fyrir 20 árum, 6 mánuðum

…og í gær var þessarri spurningu svarað á æfingu:

- Hvernig get ég minnkað TIL MUNA líkurnar (nánast því útiloka þær) á því að vera settur í lása þegar andstæðingur minn er ofan á mér?

Svar: Ein MJÖG góð leið er að læra undirstöðuatriðin í “half guard” stöðunni. Half guard er sú staða þegar þú ert undir andstæðingnum en hefur vafið löppunum þínum utan um annað lærið hans/hennar og crosslagt ökklana þína.

Munurinn á því að hafa “veitt” aðra löpp andstæðingsins svona og að hafa EKKI gert það er ROSALEG. Maður hefur minnkað líkurnar TIL MUNA að vera settur í alla lása með því að gera þetta - EF maður veit hvað maður á að gera frá “half guard”.

Það eru í grundvallaratriðum til tveir flokkar af half guard stöðum - ein þar sem maðurinn á botninum er í betri stöðu og ein þar sem maðurinn ofan á hefur yfirhöndina.

Þegar botn-maðurinn er í betri stöðunni, þá hefur hann góðan séns í að koma sér í ENN betri stöðu (til dæmis ofan á hinn), þar sem hann getur sett andstæðing sinn í alls konar lása. Þegar topp-maðurinn er í betri stöðunni, þá ER SAMT MJÖG ERFITT FYRIR TOPP-MANNINN AÐ SETJA BOTN-MANNINN Í LÁS - ef botn maðurinn grípur höndunum sínum saman og ýtir undir hálsinn. Með því að gera það er erfitt að kyrkja botn-manninn (því hann skapaði fjarlægð) og erfitt að setja hann í einhverskonar handalás (því hann heldur höndunum sínum saman). Þar að auki hefur botn-maðurinn allt of mikla stjórn á mjöðumum andstæðingsins með löppunum til að hægt sé að lenda í submission auðveldlega. Og krafturinn fyrir flest í bardagalistum kemur frá mjöðmunum og löppunum.

Þegar botn-maðurinn kemur sér í þessa góðu stöðu sem ég minntist á að ofan, þá snýst dæmið all verulega við og fólk með litla reynslu af half guard á iðulega í MIKLUM erfiðleikum með að eiga við botn-manninn. Og þetta virkar á reynt fólk líka því svarbeltingar í BJJ og submission grappling nota half guard mjög mikið.

Hver er svo þessi góða half guard staða sem ég er alltaf að minnast á? Þessi staða er svo góð að það mætti hugsa sér sem svo að maður hafi tekið “ódrepandi pilluna” eins og maður gerði sem lítill gutti í denn í byssuleiki :) No kidding. Ok, maður er aldrei ódrepandi, en þessi staða kemst þokkalega nálægt. Það er eiginlega ekki SÉNS að lenda í lásum héðan. Alla vegna ekki segja neinum frá því ef það gerist :)

Ég hef ekki tíma til að fara í hana í smáatriðum hér, en ég get sagt ykkur hver SLÆMA staðan er (fyrir botn-manninn). Svona á maður EKKI að vera þegar maður er á botninum í half-guard:

Flatur á bakinu, klesstur niður af topp manninum svo það er erfitt að anda, með hausinn langt frá mjöðmum andstæðingsins, beinar fætur og hinn grípandi undir handakrikann manns á sömu hlið og fasta löppin hans.

Við fórum ÍTARLEGA í það í gær hvernig maður getur komist hjá því að lenda í þessarri stöðu og hvað maður getur gert frá half guard - bæði frá botn og topp stöðunni. Einnig gerðum við æfingar sem kenna manni að ná stöðunni og gera ýmist brögð þaðan á móti andstæðingi sem streytist á móti. Fyrst er félagi manns látinn streytast mjög lítið á móti og svo örlítið meira, sem er tilvalið fyrir byrjendur sem eru að læra hlutina og allt er nýtt fyrir þeim.

Kveðja,

Jón Gunnar.

Fyrra álit

Bardagaíþróttir

Bardagaíþróttir

Ofurhugar

Stjórnendur

Hverjir eru inni

Korkar - Allt um bardagaíþróttir

Á döfinni á næstu BJJ æfingum

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi