Varðandi hvað við tökum fyrir í næsta tíma, þá hef ég líka svolítinn áhuga á hafa næsta tíma svona “armbar” tíma, þar sem ég fer í sömu tvo handleggslása (beinan og boginn) frá guard, mount og side mount stöðunum. Það verður bara að koma í ljós hver lendingin á þessu verður á morgun :)

Ef við gerum það, þá er sjálfkrafa innifalið í því smá upprifjun frá því í síðasta tíma, plús bogni handleggslásinn frá guard (auka bragð = meiri möguleikar frá þeirri stöðu), plús það að í sparring getið þið þá reynt þessa tvo handleggslása frá sirka öllum stöðum.

Í tímanum þar á eftir gætum við farið í það að nota tvær leiðir (sem kallast bridge og elbow-knee escape) til að sleppa frá bæði mount og side mount. Það mun gefa ykkur góðan grunn til að sleppa úr verri stöðu.

Þar á eftir getum við farið í kyrkingar frá hinum og þessum stöðum sem mun þýða það að það er sama í hvaða stöðu þið eruð í sparring, svo lengi sem að hún er betri en sú sem andstæðingurinn er í, getið þið reynt að kyrkja hann/hana.

Síðan getum við tekið fyrir eina stöðu, eins og guard, mount, side mount, back mount eða standup og farið í gegn um seríu af brögðum sem virka vel í samsetningu, þ.e.a.s. ef fyrsta bragðið klikkar þá er annað bragð mjög nálægt.

Eins og þið heyrið og vitið ef þið hafið mætt á æfingar, þá er þetta ekkert jók hjá okkur sem mun deyja út eftir stutta stund. Þetta á að vera til frambúðar. Faxafen 8 mun verða miðstöð til að skapa góða BJJ/Box/Muay Thai/WJJ/Aikido o.s.frv. bardagamenn og konur. Lærum nýjustu bardagalistirnar sem hafa verið að umbylta bardagalistaheiminum undanfarin ár í Faxafeni og skemmtum okkur kongunglega á meðan. That's all.