jgt fyrir 21 árum, 7 mánuðum Fjöldi lestra: 285

Auglýsing

Smá auglýsing fyrir BJJ (brasilískt jiu jitsu) tímana okkar í Faxafeni 8 til að fá fleira fólk inn:

Fyrir þá sem eru ekki alveg vissir um hvað BJJ er, kannski það hjálpi að kíkja á eftirfarandi linka, þar sem bræðurnir Royce og Ralph Gracie hreinlega rústa öllum þeim sem á vegi þeirra verða með brasilísku Jiu Jitsu, þar á meðal boxurum, Muay Thai mönnum, Karate mönnum, Kung fu mönnum, wrestling mönnum, streetfighters, júdómönnum og fleirum.

Þetta var að mörgu leyti því að þakka að fyrir mörgum bardagalistum eru gólfslagsmál óþekkt eða lítið útpælt svið og BJJ er 90% gólftækni með lásum og kyrkingum. Það kom líka í ljós í UFC (Ultimate Fighting Championship) bardögunum að það er MIKLU auðveldara að ná mönnum niður í gólfið með takedown eða kasti en menn héldu, jafnvel á móti mjög góðum strikers (fólk sem leggur áherslu á kýlingar og/eða spörk, eins og t.d. Karate, TKD og box) og þegar í gólfið var komið voru það gólfglímusérfræðingarnir, eins og BJJ mennirnir, sem réðu ferðinni algjörlega. Bardagalista-heimurinn var í sjokki eftir fyrstu nokkrar UFC keppnirnar: Í sennilega fyrsta skipti mátti SJÁ, í sjónvarpi, lítinn mann (Royce Gracie var yfirleitt léttasti keppandinn) sigra fullt af stærri og sterkari mönnum auðveldlega. BJJ er MJÖG effektíft á móti stærra og sterkara fólki. Og þetta var gert með gólfglímu, einhverju sem fáir höfðu pælt mikið í. Standandi bardagar voru fátíðir, hvað þá Jackie Chan style bardagar. Flest allt virtist enda í gólfslagsmálum.

Hérna eru linkarnir:

http://bjj.org/movies/royce.mpg (fyrir betri gæði en lengra download, prufiði http://static.hugi.is/martial_arts/movies/04-RoyceGracieHQ.zip eða http://www.sherdog.com/download.cfm?dl=highlights/04-RoyceGracieHQ.zip)

http://bjj.org/movies/ralphtapes.mov

Hér er svo samantekt úr bardögum hans Antonio “Minotauro” Noqueira, sem er BJJ maður með góða reynslu í Muay Thai (Þessi maður er talinn vera einn besti þungaviktar MMA (Mixed Martial Arts) maður í heiminum í dag, eins og Royce Gracie var talinn á sínum tíma):

http://static.hugi.is/martial_arts/movies/25-AntonioNogueiraHQ.zip

- - - - - - - - - - - - - - - - - - - - -

Þetta sem þið sjáið er það sem við erum að æfa í Faxafeni 8, þó að fyrstu mánuðina verður þetta ekki nærri eins brútalt eins og á þessum linkum að ofan. Við munum t.d. ekki leyfa kýlingar og spörk af fullum krafti og “anything goes” bardaga nema kannski seinna og þá á milli tveggja einstaklinga sem eru til í það og hafa góða reynslu í gólfglímu ÁN högga.

BJJ hefur orð á sér fyrir að vera ein af þeim bardagalistum sem geta gert mann að sem bestu bardagamönnum á sem stystum tíma. T.d. er það ekki sjaldgæft að BJJ með 6-7 mánaða reynslu í BJJ geti sigrað mun sterkari byrjendur AUÐVELDLEGA þegar slagsmálin fara í gólfið.

Afsakið að ég hef þetta svolítið dramatískt, en ég verð að auglýsa þetta svolítið því þetta er nýtt hérlendis og það er mikilvægt að koma upp góðum byrjendahópi. Það er ekki meiningin að gera lítið úr neinni bardagalist. ALLAR bardagalistir geta gert ykkur að góðum fighterum. Hins vegar er það staðreynd að þegar BJJ var fyrst að verða frægt, þá voru BJJ menn og þá sérstaklega Gracie fjölskyldan bókstaflega ósigrandi í “anything goes” eða Vale Tudo bardögum, þar sem allt er leyfilegt þangað til annar gefst upp. Spilin fóru ekki að snúast öðrum í hag fyrr en þeir fóru sjálfir að stúdera BJJ og taka það besta úr því.

Sjáumst sem flest á næstunni, bæði strákar og stelpur. Ég lofa ykkur að þetta er meiriháttar gaman. Ég ætla svo að skrifa niður brögðin og fjölfalda fyrir ykkur sem mætið til að þið eigið auðveldara með að muna þau. Kannski að við getum reddað myndavél og/eða vídeókameru líka til að taka upp brögðin.

Æfingarnar eru sem fyrr í Faxafeni 8 (bakdyramegin í Aikido salnum) klukkan 21:00 á þriðjudögum og klukkan 15:00 á laugardögum. Þetta er venjulega í klukkutíma til 1 1/2, til 2 tíma í senn. Í raun og veru getur hver og einn hætt þegar hann vill. Fyrstu tímana mun ekkert kosta að vera með. Seinna munum við bæta við fleiri æfingum í viku.

Og Einar, ef þú ert að lesa þetta: Já, ég talaði við sætu vinkonurnar mínar eins og þú baðst mig um og - já, þær sýndu áhuga á því að mæta á æfingar með okkur á næstunni :) Þannig að núna hefur þú enga afsökun fyrir því að mæta ekki :)

Er ég ekki *svakalega* góður að auglýsa?

FenrirMMA fyrir 21 árum, 7 mánuðum

þetta er bara vel skrifað og ætti að vekja áhuga hjá mörgum.. hvað eruði margir að æfa reglulega (kjarninn) og hverjir?

Fyrra álit

jgt fyrir 21 árum, 7 mánuðum

Hingað til hafa mætt ca. 4-10 á hverja æfingu. Þetta eru bara hinir og þessir. Fæsta hef ég hitt áður. Ég hef séð qeySuS nokkrum sinnum. Skúli í boxinu hefur mætt tvisvar, minnir mig. Salvar hefur mætt eitthvað. 2 strákar úr TKD hafa mætt nokkuð vel. Khan hefur látið sjá sig. Strákurinn sem kennir World Jiu Jitsu í Faxafeni (svartbeltingur) hefur mætt og einhverjir nemendur hans hafa mætt og fleiri sýnt áhuga, þar á meðal einn strákur og ein stelpa sem horfðu eitthvað á seinustu æfingu. Ég hef heyrt að þú sért nokkuð fær í gólfinu þannig að það væri gaman að fá þig á æfingu (farðu bara rólega fyrst í okkur hina, hehe).

Við erum bara búnir að hafa nokkrar æfingar. Þetta er rétt að byrja.

Fyrra álit

Fleebix fyrir 21 árum, 7 mánuðum

veistu, það er ekkert ólíklegt að ég komi á morgunn. Þú vaktir áhuga minn, og maður tapar ekkert á því að kíkja right? Það sem mér finnst helst skorta er nú samt náttlega kennari með gráðu, en ég spjalla bara við ykkur á morgunn.
Svo lengi sem þetta er ekkert of ruff sko…
kv. Fleebix You know, there's a million fine looking women in the world, but they don't all bring you lasagne at work. Most of them just cheat on you.
- Silent Bob (Clerks)

Fyrra álit

jgt fyrir 21 árum, 7 mánuðum

Mættu endilega og prufaðu hvort þetta hentar þér. Á næstu æfingu förum við einmitt í formúluna sem BJJ hafa notað hvað oftast til að klára bardaga.

Það er síðan þitt að dæma hvort það sé endilega nauðsynlegt fyrir byrjendur í BJJ að hafa kennara með gráðu. Ég hef talað sjálfur við svartbeltinga í BJJ í gegn um netið og spurt þá út í þetta og alltaf fengið sama svarið: “Með einbeitingu og góðri mætingu á æfingar er hægt að læra grunninn í BJJ af spólum og bókum, án þess að hafa kennara. Þetta getur fleytt ykkur áfram fyrstu 2 árin en þá er best að fara að reyna að finna mann/konu með kennaragráðu. Fólk um víða veröld hefur reynt þetta sem þið eruð að gera og náð undraverðum tökum á brasilísku jiu jitsu.”

Menn eins og ég og qeySuS erum líka forfallnir áhugamenn um BJJ og kunnum BJJ grunninn alveg nógu vel til að kenna hann (og það er yfirleitt þessi grunnur sem þið sjáið í UFC og Pride), þó að enginn hérlendis hafi mikla reynslu í þessu. Ég lít persónulega á það sem kost, því þá verð ég og þeir sem eru að æfa þetta þeir fyrstu (held ég) hérlendis til að læra BJJ.

Þetta er akkúrat ekkert ruff hjá okkur, þó að tæknin sé algjör snilld og virki ótrúlega vel (horfiði bara á UFC og þessa linka sem ég gaf ykkur í gær). Þegar við erum lengra komnir með þetta gæti verið að einhverjir vilji setja í hærri gír en það verður þá með samþykki þeirra sem um ræðir.

Fyrra álit

crotsted fyrir 21 árum, 7 mánuðum

Ég hef áhuga á því að prófa en ég var bara að brotna á fætinum. É er að æfa jiu jitsu og finnst það bara gaman en hver er munurinn á þessu og hvar kynntist þú þessu?

Fyrra álit

jgt fyrir 21 árum, 7 mánuðum

Munurinn á þessu tvennu er einna helst það að í BJJ er miklu meiri áhersla lögð á gólftækni (lása, kyrkingar, fastatök, að sleppa úr fastatökum, plús varnir gegn höggum og einhver högg þegar BJJ er notað í frjálsum bardögum). Svo er sparrað talsvert meira í BJJ en yfirleitt ekki alveg fyrstu tímana (nema ef fólk vill) á meðan fólk er að læra brögðin. BJJ hefur líka verið prufureynt miklu meira í frjálsum bardögum (Freefight, Mixed Martial Arts (MMA)) og brögðum sem virka ekki vel hent út.

Vona að þetta hjálpi!
Kv. Jón Gunna

Fyrra álit

crotsted fyrir 21 árum, 7 mánuðum

Í jiu jitsu hjá mér er okkur kennt að verjast í gólfi gegn spörkum og lásum líka að gera lása og allt það við spörrum stundum líka.. Kannski er munurinn bara sá að jiu jitsu er sjálfsvarnar íþrótt en ekki keppnis eða árásar íþrótt…

Fyrra álit

jgt fyrir 21 árum, 7 mánuðum

Ég veit það. Ég æfði jiu jitsuið sem þú stundar í eitt ár og fór síðan að prufa Júdó. Ég meiddist í hnénu eftir tæpt hálft ár þar.

Munurinn liggur í áherslum og ég er ekki einn af þeim sem nennir eða vill tala um hvort ein bardagalist sé betri en önnur. Þegar á botninn er hvolft þá er málið að reyna að nota það sem maður kann á andstæðinginn og gera það betur en það sem andstæðingurinn er að reyna að gera við þig.

BJJ er reyndar bæði sjálfsvarnaríþrótt og sport. Árásaríþrótt er þetta ekki vegna þess að í þessu eins og í öðrum bardagalistum/sportum, ef það fréttist að menn séu að nota þetta til árásar fyrir utan æfingar, kemur það slæmu orði á BJJ á Íslandi og þar af leiðandi er sá einstaklingur ekki velkomin(n) aftur á æfingar. Þetta er glænýtt hérlendis og við viljum ekki þetta deyji strax vegna þess að löggan lokaði á þetta út af slíku máli. Svo hefur Faxafen 8 helvíti góða aðstöðu fyrir að fá útrás fyrir þá sem þurfa.

Mjög bráðlega (1-3 æfingar) verður farið í gólfglímu sparring fyrir þá sem vilja í svona 15-30 mínútur á hverri æfingu.

Einn af stærstu mununum á BJJ og JJ er sá að BJJ gengur mikið út á það að koma sér í yfirburðastöðu áður en farið er í lása, kýlingar eða kyrkingar, vegna þess að annars er of auðvelt að sleppa eða koma með gagnbragð. Þetta á sér í lagi við á móti stærri andstæðingum þar sem þú vilt ekki vera að elta hann í hringi og fá á þig þung högg á meðan þú reynir að ná honum í “bent armlock” (ude garami í Júdó) standandi. Í gólfinu getur hann ekki flúið í eins margar áttir og hann er of nálægt til að geta notað yfirburðaþunga sinn og/eða styrk í höggin.

Ég býst við því að ég muni bæta við mig Muay Thai eða box æfingum seinna til að verða góður í standup, en eftir að hafa séð Royce Gracie hreinlega KÁLA öllum sem urðu á vegi hans og voru ekki meistarar í gólfinu í UFC, varð ég hooked á brasilísku jiu jitsu og sór að einn daginn myndi ég læra það. Fyrir nokkrum vikum nennti ég ekki lengur að bíða og langa, heldur kom ég saman þessum BJJ hópi. Við erum að læra þetta saman og ég virkilega vona að fólk sýni þessu þolinmæði, því þetta er ennþá á byrjunarstigi.

HINSVEGAR, í haust, þegar við erum orðnir betri í þessu, segi ég: Kíkið á hversu langt þetta er komið, prufiði einn tíma og lærið svo að slást í alvöru. Allt og það eina sem við kennum eru þau brögð sem virka oftast í frjálsum bardögum. Þið getið verið með þeim fyrstu sem læra þetta á Íslandi. Hafið gaman af æfingunum, slappiði af, ekki taka bardagalistir of alvarlega (ég er nú bara gítarleikari sjálfur) og verið það besta sem þið getið orðið. Út á þetta gengur BJJ. Og það að geta valtað yfir fólk í gólfinu sem heldur að það sé nóg að vera bara stór og sterkur :)

Sjáumst á þriðjudaginn (á morgun) (það verður frí á laugardaginn, vegna páska)!

Kveðja,
Jón Gunna

Fyrra álit

crotsted fyrir 21 árum, 7 mánuðum

Mér líst vel á þetta en ég ætla ekki að hætta í hinu, kannski koma og prófa þetta, hins vegar er besta sjálfsvörnin að hlaupa, hlaupa í burtu.

Ef maður gerir andstæðingnum eitthvað meira en hann gerði manni sjálfur er maður sjálfur orðin árásarmaðurin og ef maður er árásarmaður er maður einnig óvinur þeirra sem æfa sjálfsvarnaríþróttina. Þannig að málið er ekki að geta barið hinn heldur að verjast andstæðingnum og koma sér í burtu eða að ná honum í lás og hringja í 112 og bíða….

Allir þeir sem eru að keppa í UFC hljóta að vera veikir á geði, það fer enginn að keppa í svona með þeirri vitund að maður geti drepið einhvern og þá er þetta ekki sjálfsvarnar íþrótt þannig að maður á ekki að taka svona menn sér til fyrimyndar..

Fyrra álit

jgt fyrir 21 árum, 7 mánuðum

“Mér líst vel á þetta en ég ætla ekki að hætta í hinu, kannski koma og prófa þetta, hins vegar er besta sjálfsvörnin að hlaupa, hlaupa í burtu.”

Sammála þessu. Enn betri sjálfsvörn er að hafa tilfinningu fyrir hvort umhverfi manns er hættulegt eða ekki og panikka ekki í hættulegu umhverfi. Góðir hlaupaskór skaða ekki :) Hins vegar finnst mér sjálfsvörn vera frekar svona skemmtilegur aukapakki sem kemur með bardagalistum, þar sem aðalatriðið er hvað þetta er skemmtilegt.

“Ef maður gerir andstæðingnum eitthvað meira en hann gerði manni sjálfur er maður sjálfur orðin árásarmaðurin og ef maður er árásarmaður er maður einnig óvinur þeirra sem æfa sjálfsvarnaríþróttina. Þannig að málið er ekki að geta barið hinn heldur að verjast andstæðingnum og koma sér í burtu eða að ná honum í lás og hringja í 112 og bíða….”

Jepp.

“Allir þeir sem eru að keppa í UFC hljóta að vera veikir á geði, það fer enginn að keppa í svona með þeirri vitund að maður geti drepið einhvern og þá er þetta ekki sjálfsvarnar íþrótt þannig að maður á ekki að taka svona menn sér til fyrimyndar..”

Ég veit ekki, ég held að ástæðan fyrir því að sumt fólk fílar að horfa á UFC sé svipuð ástæðunni fyrir því að sumt fólk fílar að horfa á box, nema hvað að UFC er meira tengt martial arts svona að meðaltali. Mjög margir sjá svona bardaga bara sem ofbeldi en hjá meirihluta bardagamannana sem taka þátt í þessu er mikil martial arts hugsun í gangi hjá þeim, þeir taka þetta mjög alvarlega og martial arts andinn sem gengur út á að virðingu fyrir öðru fólki og sjálfu sér er til staðar sem sést kannski betur þegar maður les viðtöl við mennina en þegar maður sér þá slást.

Hver og einn verður að hafa sína skoðun á þessu. Persónulega finnst mér stundum svolítið rosalegt að horfa á suma bardagana sem verða grófir og ofbeldisfullir og þá viðurkenni ég að mér getur fundist þetta svolítið “sick”. En mér finnst gaman að horfa á bardaga þar sem menn hafa upp á meiri tækni að bjóða heldur en pura árásargirni og styrk, eins og Royce Gracie, Frank Shamrock, Minotauro, Randy Couture, Elvis Sinosec, Sakuraba og fleiri. Ég hef alltaf haft áhuga á því hvernig mönnum úr mismunandi bardagalistum myndu ganga að keppa á móti hvorum öðrum. UFC hefur komið með fullt af svörum þó ekki sé kannski öllu svarað enn.

Sjáumst!
Jón Gunna

Fyrra álit

crotsted fyrir 21 árum, 7 mánuðum

Ég segji ekki að ég horfi ekki á þetta en e´g er sammála því sem þú segir. En stundum gengur þetta bara allt allt of langt…
Ég hef séð Royce Gracie lúbarinn í nokkrum badögum..

Fyrra álit

FenrirMMA fyrir 21 árum, 7 mánuðum

ég kem og kíki fyrstu lau. æfinguna eftir páska (verð nebbla á akureyri um páskana :)

Fyrra álit

Pooky fyrir 21 árum, 7 mánuðum

Ég hef áhuga á þessu bara málið er það að ég er á æfingu báða þessa daga þannig það væri gott að vita hvort að það séu mikil hreifing á þessum æfingum eða hvort ég geti tekið þetta í beinu frammhaldi af hinum æfingunum? Svo var það þetta með peninga málin…ég skildi ekki alveg hvað þú meintir með þessu fyrir ofan (örugglega því ég er svo tregur) þannig það væri gott að fá það alveg á hreint því ég er að borga slatti há æfingargjöld annarstaðar og er ekki tilbúinn að hætta þar.
Annars gæti verið að ég líti við næsta laugardag og spjalli við ykkur (og kanski taka þátt). Eða verður ekki annars æfing næsta laugardag (páskafrí að byrja)? I killed the cat.

(\_/)

Fyrra álit

jgt fyrir 21 árum, 7 mánuðum

“Ég hef áhuga á þessu bara málið er það að ég er á æfingu báða þessa daga þannig það væri gott að vita hvort að það séu mikil hreifing á þessum æfingum eða hvort ég geti tekið þetta í beinu frammhaldi af hinum æfingunum?”

Ég veit ekki hvaða “hinar” æfingar þú ert að tala um. Okkar BJJ æfingar eru komnar á fast á þriðjudögum klukkan 21:00 og á laugardögum klukkan 15:00. Stundum æfum við í 1 klukkutíma, stundum 2. Hver og einn/ein getur í raun hætt eða byrjað þegar hann/hún vill, þó að maður fái meira út úr meiri tíma, náttúrulega.

“ Annars gæti verið að ég líti við næsta laugardag og spjalli við ykkur (og kanski taka þátt). Eða verður ekki annars æfing næsta laugardag (páskafrí að byrja)?”

Kíktu endilega til okkar og prufaðu helst eða þá horfðu á. Það eru allir velkomnir að gera það. Hvaða bardagalista reynslu hefurðu annars? Ekki að það skipti nokkru máli fyrir BJJ-ið, bara forvitni. Það verður æfing í kvöld og á laugardaginn, jú.

Jón Gunna

Fyrra álit

Pooky fyrir 21 árum, 7 mánuðum

það sem ég meinti var að ég er að æfa nannarstaðar á sömu dögum og það er beint á undan eginlega (halftími-3 korter á milli). það var það sem ég meinti með hinar æfingarnar. Þetta er semsagt spurning um hvort að það sé það mikil áreinsla á þessum æfingum að það þíði ekkert fyrir mig að fara þar sem ég er orðinn þreittur eða hvort þetta væri aðalega bara tækniþjálfun?

Ég æfi Kung-fu, 3 mánuðir hjá Jimmy í Pumping Iron og 2 í Heilsudrekanum (www.heilsudrekinn.is). I killed the cat.

(\_/)

Fyrra álit

jgt fyrir 21 árum, 7 mánuðum

Varðandi áreinslu á þessum æfingum, þá fer það bara eftir einstaklingnum. Byrjendur munu sennilega vilja læra grunn tæknina og brögðin fyrst og fara seinna út í meiri áreynslu eins og sparring (frjáls glíma). Ef þið voruð að koma af æfingu fyrr um kvöldið, þá er ekkert mál fyrir ykkur að mæta og taka það rólega á meðan þið æfið BJJ brögðin sem eru kennd.

Mér hefur sýnst eins og að sumir séu ekki alveg með það á hreinu hvers vegna við erum að leggja áherslu að halda og sleppa úr þessum stöðum (positions) í BJJ, eins og t.d. mount, guard, side mount og back mount, í staðinn fyrir að læra bara fullt af lásum og kyrkingum. Málið er að ef þið reynið að setja andstæðing í lás frá slæmri stöðu, eins og t.d. undir mount, og andstæðingurinn er ekki algjör byrjandi, þá hafið þið einfaldlega ekki nógu gott vogarafl (leverage) til að klára lásinn. Vegna þess að þið eruð ekki í yfirburðastöðu er of auðvelt fyrir andstæðinginn að sleppa úr lásnum.

Svipað gildir um ástæðuna fyrir því að BJJ brögðin eru nær alltaf framkvæmd í gólfinu en ekki standandi. Í gólfinu hefur andstæðingurinn ekki eins marga staði til að sleppa til. Gólfið er einfaldlega fyrir.

Ástæðan fyrir að BJJ inniheldur mest lítið af kýlingum og spörkum þegar maður er standandi er sú að stórt fólk slær yfirleitt fastar en minna fólk (þó vel þjálfaðir einstaklingar hafa sýnt sig sem undantekningar frá þessarri reglu, eins og t.d. Igor Vovchanckin).

Þetta er vegna þess að höggkraftur er = massi * hraði. Stórt fólk hefur meiri massa en minna fólk. Ef allur líkaminn er notaður til að kýla, eykst massinn líka. Þetta er það sem Igor gerir. Til að kýla af hraða þarft þú að kýla af smá fjarlægð og nota allan líkamann. Þegar fólk er komið í glímustellingar, hvort sem það er standandi eða á gólfinu, minnkar þessi fjarlægð verulega og maður getur ekki snúið líkamanum almennilega inn í höggið. Þar að auki er haus andstæðingsins hreinlega of nálægt manni til að hitta hann af einhverjum krafti. Þarna ertu búinn að taka massa og hraða andstæðinsgins tímabundið í burtu.

Þetta er náttúrulega bara teóría eins og fyrirfinnst í öllum bardagalistum, bara á öðru formi með öðrum áherslum. Það sem gerir þessa fræði svolítið sérstaka er að hún er ekki bara orð á blaði, heldur hefur hún verið margreynd, prufuð og fullkomnuð í frjálsum bardögum um allan heim.

Þið sem horfið á box kannist við það að þegar hnefaleikamenn lenda í vandræðum fara þeir oft í “faðmlög”, þ.e.a.s. glímustellingar, til að það sé ekki hægt að kýla þá í nokkrar sekúndur og safna orku. Eins og ég sagði áður, hausinn, og önnur veik skotmörk eru bara of nálægt. Á þessum stundum kemur dómarinn og slítur mennina í sundur til að þeir geti haldið áfram að lumbra svolítið á hvorum öðrum.

Nær enginn box bardagi fer fram án þess að svona glímutök sjáist a.m.k. einu sinni áður en bardaganum líkur. Ef að “grappler” eins og BJJ maður, júdó maður eða wrestler fær eitt svona tækifæri, hefur hann góðan séns til að taka andstæðinginn í gólfið og það hefur komið í ljós að með smá þjálfun er furðulega auðvelt að taka jafnvel mjög sterkt fólk niður í gólfið og halda því þar. Það sleppur bara ekki upp nema ef það kann einhverjar leiðir til þess.

Gólfglíma/gólfslagsmál hafa þetta sameiginlegt með standandi bardögum: Ef þú hefur ekki æft bardagatækni frá þessari tegund af bardagafjarlægð, þá er þetta eins og óþekktur vefur sem þú munt ekki sleppa út og tapa að lokum. Hver og einn bardagamaður/kona ætti að spyrja sig hvort hann/hún finnist skemmtilegast eða henta sér best að slást í gólfinu eða standandi, verða mjög góður í því, og svo læra undirstöðuatriðin í hinu til að geta varist svoleiðis árásum og komast nær því að vera fullkomin(n) bardagakappi.

Fyrra álit

Pooky fyrir 21 árum, 7 mánuðum

Ekki það að ég ætla að rakka það niður sem þú varst að segja en í mörgum bardagalistum er kennt að koma sér frá því að andstæðingurinn komist alveg ofan í mann.

Svo ætlaði ég bara að endurtaka það að ég mæti líklega á laugardag. I killed the cat.

(\_/)

Fyrra álit

jgt fyrir 21 árum, 7 mánuðum

Það væri frábært ef þú mættir á laugardaginn. Við þurfum á sem flestum að halda á meðan þetta er á byrjendastigi. Þið getið þá orðið með þeim fyrstu til að læra þetta af einhverju viti hérlendis, að því er ég best veit.

Ég veit það að mjög margar bardagalistir KENNA leiðir til að sleppa úr fastataki frá gólfi. Hins vegar er heill eilífðarmunur á því að framkvæma slíka tækni á móti manni sem streitist á móti og einhverjum sem gerir það ekki. Það sama gildir um það að maður sem kann að framkvæma Karate högg út í loftið á ekki eftir að geta beitt því neitt sérstaklega vel á móti alvöru andstæðingi ef hann hefur ekki prufað það í sparring. Það er SÉRGREIN BJJ að sleppa úr og halda fastatökum og ná lásum og kyrkingum í gólfinu, rétt eins og að það er sérgrein TKD að sparka (finnst þó rétt að minnast á Muay Thai og Karate líka hér). Ekki það að neinn okkar sé neitt snillingur í þessu, en bíðiði bara í svona ár og þá get ég lofað þeim sem mæta vel að þeir verði baneitraðir í gólfglímu.

Eftir því sem við á BJJ æfingunum náum betri tökum á grunn brögðunum munum við byrja að sparra meira og meira og að lokum gera eitthvað af því á hverri æfingu. Ég sé fram á að þetta gerist tiltölulega fljótlega.

Fyrra álit

TheCore fyrir 21 árum, 7 mánuðum

Er ekki málið að hafa MMA keppni á næstunni?

Fyrra álit

Pooky fyrir 21 árum, 7 mánuðum

Eða að þú myndir skjóta þig….. nei nei segi sona…heldurru að það yrði eikker þáttaka?…ég meina yrði það ekki bara TKD keppni þar sem það er lang vinsælasta greinin þótt ég haldi að sigurveigarinn yrði ekki TKD gaur…

Þetta þarna sem e´g sagði fyrst ekki taka því persónulega….minns bara á eikkerju flippi… =Þ I killed the cat.

(\_/)

Fyrra álit

Bardagaíþróttir

Bardagaíþróttir

Ofurhugar

Stjórnendur

Hverjir eru inni

Korkar - Allt um bardagaíþróttir

Auglýsing

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi