Fyrir utan þessa keppendur fóru eftirfarandi: Trausti Már, Fjölni, hann keppti við sterkan en aðallega stóran Dana, Alan Petersen og tapaði 6-3 ef ég man rétt en Alan var kominn með tvö og hálft mínustig þannig að þetta var frekar tæpt. Þorri Birgir, Fjölni stóð sig vel á móti Finna sem hét guðmávitahvað. Bardaginn fór 15-13 þannig að þetta var frekar jafnt. Sverrir Ingi, Ármanni, stóð sig mjög vel, tapaði 3-2 gegn sterkum Svía. Magnea Kristín, Fjölni tapaði sínum bardaga 6-0 en tölurnar segja ekki alla söguna, þó nokkur stig hjá Möggu virtust bara alls ekki koma fram á stigatöflunni. Sigrún Nanna, ÍR tapaði 3-0 og virtist sama upp á teningum þar. Ég náði ekki nöfnunum á öllum keppendunum en hverjum er ekki sama hvað þetta fólk heitir, aðalmálið er hvernig fór.
Rut var valin besti keppandi í junior kvenna, sannarlega frábær árangur hjá henni og verður vonandi til þess að meiri áhugi á TKD geri vart við sig á Akureyri.
Hlynur Örn Gissurarson var dómari á mótinu og stóð sig með prýði. Það er mjög gott að íslenskur dómari dæmi á svona stórmótum og fái verðmæta reynslu. Sú reynsla ætti að nýtast öllum vel á Íslandsmótinu í apríl.

friður sé með yður
SeungSang