loco fyrir 21 árum, 8 mánuðum Fjöldi lestra: 968

Hnefaleikanefnd ÍSÍ leyst upp

Samhvæmt fréttatilkynningu frá ÍSÍ, og frétt á mbl.is, hefur formaður Hnefaleikanefndar ÍSÍ sagt upp starfi sínu, og nefndin leyst upp. Ástæðan er ákvörðun forsvarsmanna Hnefaleikafélags Reykjavíkur (HR), en tveir þeirra sitja í nefndinni, að hundsa eigin samþykktir og marg gefin loforð um að efna ekki til keppni í Muay Thai og Frjálsum bardaga MMA. Enn eins og allir vita hér á huga fór þetta mót fram 8. mars í Laugardalshöllinni.

Muay Thai er bannað samhvæmt eldgömlum landslögum á Íslandi, eða frá 1956. Ólympískir hnefaleikar (áhugahnefaleikar) eru hinsvegar leyfðir sérstaklega með lögum frá 2002.

Málin voru rædd á framhvæmdastjórnar fundi ÍSÍ á hádegi í dag. Þetta mál þykja mjög alvarlegt innan ÍSÍ og segist framhvæmdastjórn skilja ákvörðun Ágústs Ásgeirssonar varðandi uppsögn sína. Hann sagði af sér sem formaður Hnefaleikanefndar ÍSÍ í dag.

Nú spyr ég:
Er þetta eitthvað sem kemur til með að skaða umfjöllun um Boxið? Eða kemur þetta til með að skaða allar bardagalistir?

Það væri gaman að heyra hvað forsvarsmenn 8. mars hafa að segja um málin.

Athugið að ég er ekki á móti einu eða neinu persónulega, hefði sjálfur vilja sjá þessa sýningu/keppni en komst ekki. Ég vil bara fá málefnalega umræðu hérna varðandi málið.

Komið með ykkar mat á málinu hérna.

Nánari upplýsingar eru á www.isisport.is og www.mbl.is.

loco fyrir 21 árum, 8 mánuðum

Ég sé að Salvar hefur sent fréttatilkynningu frá sér.

Sjá á mbl.is undir íþróttir:
“Segir HR ekki hafa staðið fyrir sýningu á bardagaíþróttum”

Fyrra álit

qeySuS fyrir 21 árum, 8 mánuðum

Mér finnst þetta mjög sorglegt. Sorglegt að þeir skuli fela sig á bak við skjöld frelsisins þegar þeim hentar það, en skilja síðan aðrar bardgaíþróttir eftir úti í kuldanum, og vinna beinlínis gegn þeim þegar það hentar ekki þeirra máli að tala um frelsi til að stunda þær íþróttir sem þeir vilja.

Svo er minnst á að það væri hægt að túlka þetta sem svo að þetta væri bannað út af hnefaleikaákvæðinu, hvaða rugl er það? Þetta eru ekki hnefaleikar. Eru þá allar bardagaíþróttir sem eru með einhverjum kýlingum flokkaðar sem hnefaleikar? Muay Thai er sér bardagaíþrótt, þjóðaríþrótt Tælendinga. Ég efast ekki um að þeir yrðu frekar móðgaðir ef þeir yrðu flokkaðir undir vestræna hnefaleika allt í einu (það er frábær íþrótt, en allt annar hlutur).

Ef þeir vilja banna MMA og Muay Thai þurfa þeir að gera það með nýrri löggjöf, og það fer ekki í gegn baráttulaust. Eins og staðan er í dag eru bara atvinnumannahnefaleikar bannaðir á Íslandi, og ég vil helst að þau lög verði lögð niður líka.

Og með meiðslin, mér þætti gaman að sjá meiðslatölur úr fótbolta, hversu margir skaðast alvarlega vegna fótbolta. Örugglega ekki margir lífshættulega, en þó nokkrir slasast illa og þurfa að fara undir læknishendur, og ekki nóg með að það sé leyfð íþrótt. Heldur er fólk á ríkisstyrk að spila fótbolta hægri og vinstri.

Frelsi í bardagaíþróttir sem annað segi ég!

Fyrra álit

obsidian fyrir 21 árum, 8 mánuðum

Ég verð að segja að ég skil ekki hvernig er hægt að halda því fram að lögin frá 1956 banni Muay Thai. Því að það eina sem þar segir er þetta:

Lög um að banna hnefaleika (nr.92/1956)

1. gr. Bönnuð er öll keppni eða sýning á hnefaleik. Enn fremur er bannað að kenna hnefaleik.
2. gr. Bönnuð er sala og notkun hnefaleiksglófa og annarra tækja, sem ætluð eru til þjálfunar hnefaleikara. Í reglugerð skal ákveða, hvernig fara skuli með slík tæki, sem nú eru til í landinu.
3. gr. Brot gegn lögum þessum og reglugerð, settri samkvæmt þeim, skal varða sektum …1) ef ekki liggur þyngri refsing við brotinu samkvæmt öðrum lögum.
1)L. 116/1990, 27. gr.

og áhugahnefaleikalögin eru svona

Lög um áhugamannahnefaleika(nr. 9/2002)

1. gr. Heimil er keppni og sýning á áhugamannahnefaleikum. Enn fremur er heimilt að kenna áhugamannahnefaleika.
2. gr. Heimil er sala og notkun hnefaleikahanska og annarra tækja sem ætluð eru til þjálfunar áhugamannahnefaleika.
3. gr. Íþrótta- og Ólympíusamband Íslands setur reglur um áhugamannahnefaleika. Við samningu reglnanna skal leitast við að taka mið af ýtrustu öryggisreglum í nágrannalöndum.
4. gr. Lög þessi öðlast þegar gildi.

Svo að það er ekkert í lögunum sem beinlínis bannar aðrar keppni eða kennslu í öðrum íþróttum en hnefaleikum í lögunum frá 1956. Vissulega mætti túlka þetta þannig að ALLAR íþróttagreinar sem mögulega geta flokkast undir hnefaleika af einhverju tagi (t.d. Muay Thai, Kickbox, Karate o.s.frv.) séu bundnar af lögunum og eina undantekningin sé sett fram í lögum um áhugamannahnefaleika.

Hins vegar verður að taka mið af því að meginreglan hefur verið sú að túlka lögin mun þrengra en svo. Leyfð hefur verið athugasemdalaust kennsla og keppni í fjölmörgum íþróttagreinum af þessu tagi. Auk þess er það augljóst að vilji löggjafans 1956 stóð til að banna íþróttina box, enda lögin sett í kjölfar hörmulegs dauðsfalls sem rekja mátti til þeirrar íþróttagreinar sérstaklega. Ekki verður sýnt fram á að löggjafinn hafi ætlast til að orðið hnefaleikar næði yfir allar mögulegar bardagaíþróttir enda hefur túlkun laganna jafnan verið í samræmi við það.

Það er þess vegna verulega undarlegt ef nú á allt í einu að fara að flokka þetta allt undir sama hatt. Ef svo er þá þurfa menn að gera þetta:

Loka Pumping Iron og banna Jimmy að kenna…

Banna alla þjálfun og keppni í austurlenskum bardagalistum eins og karate og taekwondo…

gera upptækan lagerinn af gi æfingagöllum hjá útilífi og fitness sport…

…og svo framvegis. það sér hver maður að þetta er ekki í samræmi við þann skilning sem menn hafa hingað til lagt í þessi hnefaleikalög.

Það er ekki hægt að standa upp núna og ætla að flokka bardagalistir niður eftir geðþótta í hnefaleika eða ekki hnefaleika. það vita allir hvað þessi lög áttu að banna. og það er ekki Muay Thai frekar en Karate eða taekwondo.

Það er hins vegar kannski skiljanlegt að menn vilji koma í veg fyrir MMA bardaga en þar erum við þá farin að tala um allt aðrar forsendur og til þess þyrfti löggjafinn líka að taka sérstaklega á því máli. frjáls bardagi er ekki “hnefaleikar” í lagalegum skilningi þess orðs frekar en ég veit ekki hvað.

Íþróttafrömuðir hér á landi þurfa að gera svo vel að gera sér grein fyrir því að bardagaíþróttir eru nákvæmlega það: íþróttir sem byggja á sjálfsaga, reglum, dómurum, viðurkenndum þjálfurum og þjálfunaraðferðum, og ómældri vinnu þeirra sem eru að berjast við að ná árangri í sinni íþróttagrein.

Takið nú puttana úr eyrunum gott fólk og hlustið á það sem ég segi: Það er fleira íþróttir en fótbolti!

P.S. svona til gamans má geta þess að meðaltalstölur erlendis frá sýna að boltaíþróttirnar eru alltaf efstar á blaði varðandi fjölda sjúkrahússheimsókna vegna íþróttameiðsla. taflan frá 1997-8 er í grófum dráttum einhvern vegin svona:

Körfubolti og fótbolti á toppnum með 17% allra heimsókna
Hjólreiðar 16,1%
Skautaíþróttir 5,7%
Cheerleading 5,6%
Skíðaíþróttir 4,2%
Sundíþróttir 3,8%
Bardagalistir 2,3%

og dæmi svo hver fyrir sig :-)

obsidian

Fyrra álit

qeySuS fyrir 21 árum, 8 mánuðum

Væri gaman að hafa tölu yfir ástundendur, því það eru án efa fleiri sem æfa fótbolta og körfu heldur en bardagaíþróttir.

Fyrra álit

[Notanda eytt] fyrir 21 árum, 8 mánuðum

qeySuS : þú gefur í skyn að þeir séu að banna þetta útaf meiðslum, en ég held að það sé meira útaf áhrifum íþróttarinnar. Oft þegar ég er búinn að horfa á fótbolta þá langar mig út í fótbolta eftir á. Afhverju skyldi því ekki verið þannig háttað með bardagaíþróttirnar?

Fyrra álit

qeySuS fyrir 21 árum, 8 mánuðum

Það er ekki bannað að horfa á box, það er bannað að æfa það. Þegar allt box var bannað á Íslandi þá var ennþá sýnt bandarískt box, ef það var ætlun löggjafarvaldsins að banna áhorfsefni því þetta hefði slæm áhrif þá ættu þeir að banna það sér.

Bardagaíþróttir hafa ekki slæm áhrif. Ekki frekar en tölvuleikir. Það má vel vera að ofbeldishundar fíli að horfa á box/bardagaíþróttir, en þú verður ekki ofbeldishundur á því.

Ef þú villt banna áhugamál annarra en leyfa þín eigin ertu hræsnari og hefur engan rétt til að stunda eigin áhugamál.

Fyrra álit

Sokrates fyrir 21 árum, 8 mánuðum

Skv. þessum tölum að Körfubolti OG Fótbolti eru þarna SAMAN á toppnum og það með aðeins 0.9% “forystu” á næstu íþrótt, það segir mér bara að það er ekki eins mikil meiðsli í gangi í fótbolta og ég hélt…og náttúrulega líka það að það eru miklu fleiri sem stunda fótbolta og körfu hér á landi heldur en box og aðrar bardagaíþróttir….og ég held að hlutfallið þarna á milli meiðsla og ástundunar séu allavega nokkuð jafnt….

Sokrates

Fyrra álit

skyage fyrir 21 árum, 8 mánuðum

Sælt veri fólkið.

Mig langar að tala um íþróttarmeiðsli.

Ég er 23 ára gamall og hef æft hinar ýmsu íþróttir í gegnum tíðina: Körfubolta, fótbolta, frjálsar, karate, tae kwon doo, muay thai.

Þegar ég fer að hugsa til baka, þá voru aðal meiðslin sem ég hef orðið fyrir; í körfubolta: snúið mig illa nokkrum sinnum og þau meiðsli eru 100x verri en öll þau sem ég hef orðið fyrir í bardagaíþróttum.

Vissulega er hægt að slasa sig í bardagaíþróttum, og þeir sem hafa haldið annað ættu að halda sig frá þeim…ég veit nú ekki hvað fólk er að tala um slæm áhrif á ungviðið að sjá keppni í Muay Thai,,,, ef þú labbar inná landsleik í fótbolta þá heyrir þú ljótustu orð sem fyrir finnast og þar má sjá fjölskyldufeður springa af reiði og með með ofbeldis glampa í augum.

Svo langar mig að tala um keppnina,,,, alvarlegustu meiðslin þar voru í boxinu,, mesta blóðið allavega.

Fyrra álit

salvar fyrir 21 árum, 8 mánuðum

Viðm skulum ekki fara út í meiðsla umræðuna, það var fariðí gegnum hana þegar að boxið var lögleitt, box og “blóðug slagsmál” eins og forysta ÍSÍ kalla muay thai eru EKKI hættumeiri en aðrar íþróttir og þótt þær væru það er það þá ekki ákvörðun einstaklingsins sem stundar íþróttin, en í guðana bænum ekki svara þessu ég nenni ekki út í þessar umræður eina ferðina enn.

Hvejta til ofbeldis og ekki fyrir viðkvæma o.s.f.v. hjó ég eftir í máli ÍSÍ, hefur þessi maður aldrei kveikt á sjónvarpinu sínu á kvöldin eða hvað??? maður sér að meðaltali 2-3 drepna, nokkra limlesta, skotárásir o.s.f.v. og það að képpa í bardagaíþrótt er tekið fyrir og gert slæmt, er þetta eðlilegt?

Síðan vil ég benda á að Muay thai og freefight fór fram klukkan 23:30 á laugardagskvöldi og ég veit ekki um mikið af krökkum sem eru úti á þeim tíma.

Reyniði nú að koma með eitthver rök frekar en að skella á mig gömlum klisjum, ágætu forsvarsmenn ÍSÍ.

Fyrra álit

drekinn fyrir 21 árum, 8 mánuðum

Samkvæmt tölum frá FIFA þá stundar 1 af hverjum 25 knattspyrnu reglulega.
Salvar: Sérð þú í alvörunni ekki mun á ofbeldi eins og það er sett fram í bíómyndum og sjónvarpsþáttum þar sem menn nota byssur og alls konar vopn sem ekki eru algeng á íslandi og boxi, þar sem ekki fer fram hjá neinum að um er að ræða alvöru bardaga með hnefum?
Ég er eins og ég hef sagt annars staðar hérna áhugamaður um ólympíska hnefaleika en maður má samt ekki alveg tapa sér í rökleysunni!

If you start the day doing nothing, when do you know when you've finished?

Fyrra álit

salvar fyrir 21 árum, 8 mánuðum

Íþróttir og ofbeldi eru ekki það sma, er ekki íslenska glíman þá líka ofbeldi þegar að menn skella hvor öðrum á bakið á hörðum gólfum? Hvort heldur þú að sé hollara að horfa á menn berjast í hring, heilsast fyrir og eftir, sýna íþróttamennsku o.s.f.v. eða horfa á fólk skotið i sjónvarpi???????

Fyrra álit

drekinn fyrir 21 árum, 8 mánuðum

Samkvæmt rannsóknum um áhrif fjölmiðla á hegðun fólks er hættulegra að horfa á ofbeldi sem þú getur tengt þig við heldur en ofbeldi sem er fjarlægt þér.
Hvort helduru að það sé auðveldara fyrir íslendinga að tengja sig við menn sem eru að boxa niðri í laugardalshöll eða við bruce willis þar sem hann hleypur um með desert eagle og skítur hausinn af fólki!
Ég hef ekkert sagt um hvort það sé hollara að horfa á eitt eða annað, bara bent á að sumt er hættulegra en hitt.
En þetta er nottla ekki það sem umræðan snýst um. Hún snerist um hvort muay thai og free fighting væri leyft og hvort rétt væri að sýna það í laugardalshöllinni og hvort það væri ólympískum hnefaleikum á íslandi til framdráttar.
Mín skoðun er sú að það er íþróttinni ekki til framdráttar.
Ég virði það að þú ert ekki sammála mér en miðað við hvernig staðan er núna held ég að ég ætti að draga mig til baka og bíða þangað til þessi mál þróast lengra og leyfa þér að sinna þínum málum.

If you start the day doing nothing, when do you know when you've finished?

Fyrra álit

drekinn fyrir 21 árum, 8 mánuðum

Mig langar bara að bæta því við að ég lít ekki á ólympíska hnefaleika sem ofbeldi, aftur á móti finnst mér muay thai og free fighting vera mjög nálægt því!

If you start the day doing nothing, when do you know when you've finished?

Fyrra álit

qeySuS fyrir 21 árum, 8 mánuðum

Það er þá í verkahring foreldra að ala börnin sín upp og banna þeim að horfa á efni sem þau telja vera þeim skaðlegt. Þetta er ekki á tíma sem yngstu börnin eru vakandi, og alls ekki á tíma þar sem börn eru án yfirsjón fullorðina (eins og mörg börn eru oft yfir daginn), og ef þú ert að tala um að banna sýningu fyrir fullorðna líka, vegna þess að ríkið telur þetta hafa skaðleg áhrif, þá er það vegur sem þú villt EKKI fara niður, leyfa ríkinu að ákveða hvaða sjónvarpsefni þú hefur gott af og hvað ekki. Það á ekki að banna ástundun og keppni í íþrótt vegna þessa.

Hefur þú einhvern tíman horft á drengskapinn og kurteisina sem fer fram í hringnum? Eða kýstu að horfa fram hjá því? Þeir koma inn í hringinn til að gera vinnu sína og fara út brosandi og félagar, LANGoftast eru engir stælar eða leiðindi. Heilsast og faðmast að bardaga loknum, hrósa hvort öðrum fyrir góðan bardaga og þeir þakka þjálfara andstæðingsins líka fyrir.

Fyrra álit

salvar fyrir 21 árum, 8 mánuðum

Ég skil ekki alveg hvernig menn geta sagt að box sé ekki ofbeldi en muay thai og freefight sé ofbeldi (sjálfum finnst mér ekkert af þessu geta flokkast sem ofbeldi), er það þegar að fætur eru notaðir, hvar liggur munurinn ágæti dreki?
Þessi samsvörunarræða þín er algerlega út í hött, að segja að það sé í lagi að horfa á fæolk skjóta hvort annað af því það sé svo langt í burtu en að sjá fólk berjast í hring það er óhollt af því það er á íslandi. Djöfuls bull er þetta.

Fyrra álit

drekinn fyrir 21 árum, 8 mánuðum

Sagði ég einhvern tíma að það væri í lagi að horfa á fólk skjóta hvort annað?
Ég var einfaldlega að benda á mismunin á þessum tveimur hlutum!
Ekki taka það sem ég segi svona gróflega útúr samhengi!
Svo er þetta ekki bara einhver ræða hjá mér heldur var ég einfaldlega að benda á að samkvæmt ritgerðum og rannsóknum sem fjölmiðlafræðingar og sálfræðingar hafa gert þá ER munur á þessu.
Sagði aldrei neitt um hvort væri hollara eða óhollara! Og þetta á auðvitað ekki bara við um Ísland, ég tók keppnina í laugardalshöll bara sem dæmi af því að við lifum jú á íslandi og í íslenskum raunveruleika. Ef byssueign á íslandi væri jafn algeng og í t.d. bandaríkjunum þá væri staðan auðvitað allt öðru vísi.
En ég ætla samt ekki að fara að rífast um félagsfræði við þig, þú getur fundið þér fróðari menn en mig til þess.

If you start the day doing nothing, when do you know when you've finished?

Fyrra álit

Titta fyrir 21 árum, 8 mánuðum

Nú snýst umræðan um ólympískt box m.a. ekki satt?

Ég veit ekki betur en að í þeirri íþrótt, og sambærilegum íþróttum á við taekwondo, sé þátttakendum skylt að vera með hjálma og viðeigandi hlífar.

Getur ekki verið að þar sé munurinn á þessum íþróttum, fram fyrir ofbeldishugmyndina? Ég gat ekki séð að keppendurnir í Höllinni, út frá myndum, hafi verið með hjálma.

Það er ástæða fyrir því að ólympískt box er leyft en ekki venjulegt box á Íslandi, segi ekki að ég sé sammála þeim lögum og er þar að auki viss um að venjulegt box verði leyft í nánustu framtíð. En ástæðan er einfaldlega sú að ólympískt box telst mun hættuminna, og hlífðarfötin skipta þar meginmáli. Ef muay thai keppnin hefði farið fram þannig að þátttakendur hefðu verið með hjálma er ekki víst að lætin væru eins mikil.

Mín skoðun á þessu máli er ekki fullmótuð:) En ég velti bara hlutunum fyrir mér. Ég segi ekki að svona keppni eigi ekki rétt á sér. En kannski hefði verið betra að bíða aðeins með hana, eða hafa hana í “rólegri” kantinum, sérstaklega þegar maður lítur til þess að hnefaleikaíþróttin á Íslandi er frekar ung ennþá.

Fyrra álit

Bernie fyrir 21 árum, 8 mánuðum

Það er ekki hægt að ætlast til að Muay Thai nnoti hjálma því að það er fullmótuð sér bardagalist.
Og boxarar í áhugamannahnefaleikum eru bara með hjálma fram yfir atvinnumanna boxara, engar fleiri hlífar fyrir utan punghlíf sem flestir nota í bardagaíþróttum.
Það eru líka til rannsóknir sem benda til þess að það skaði heilann meira að fá högg á höfuðið ef maður er með hjálm hledur en ekki. Hjálmurinn lætur þá heilann færast meira í kúpunni heldur en að höggið kæmi beint á kúpuna.
Og þar sem þetta er opinn hjálmur sem á að nota í ól.boxi þá ver hann mest lítið.

Bjarni Már

Fyrra álit

Beflamed fyrir 21 árum, 8 mánuðum

Þessi umræða sem hefur verið í gangi eftir 8 Mars. Hefur veirð mjög svo furðuleg, en mjög svo nauðsinleg. Mér finnst að fólk sé að sýna mikinn þroska með að ræða um þessi mál, á því leveli sem það er. Eða svona flestir sem eru að tjá sig um málið hafa ágætis rök til að stiðja sitt mál.
En ég held að það sem Titta sé að seigja sé nokkuð sem það sem þetta mál kannski snýst í raun um. Það er að tímin á að sýna þessa bardaga var ekki “rétt” ég efast stórlega um að allt þetta fár hafi verið ef þessir bardgar (Muay tai,mma) höfðu farið fram ári síðar(9 mars 2004) En ég neitta því ekki að ég skemmti mér alveg frábærlega.
En mér sárnar mjög svo að landar okkar séu í raun svona ílla uppaldir (að mér finnst)að geta í raun ekki séð mun á tilbúnu ofbeldi (sjónvarpi, tölvuleikjum) ofbeldi í skólum og hinu daglega lífi(já krakkar lemja hvort annað í skólnum og legja það í einelti með orðum og hnefnum, svo er líka heimilisofbeldi og miðbæjarofbeldi) og svo því sem fram fer á milli tvegja persóna inn í hring. Þar sem dómari og yfifvöld eru á staðnum. Tvær persónur sem keppa á jöfnum grunni. Það eru sömureglur sem gilda fyrir báða ,sama þyngd og báðir eru þeir meðvitaðir um hvað er að gerast, og æfðir sem bardaga menn en ekki slasgsmála eða ofbeldis hundar.. líkt og oft er sýnt í tilbúnu ofbeldi og svo í hinudaglega lífi. Það að geta ekki séð(eða vilja ekki sjá) mun á þeim tegundum af ofbeldi sem ég hef nefnt hér að ofan ber vot um mikin greindar skort(að mér finnst). Eða að einstaklingurinn hafi bara í raun ekki kynnt sér þetta allmennilega.
Hvort að þetta sé box,muay tai,taekwondo,karate eða grísk glíma. Þá eiga allar bardagaíþróttir að vera jafnar að verðleikum. Óháð því blóði sem gæti kannski runni,hlífum eða æfinga aðferðum. Svo lengi sem eina reglan sem sameinar þær allar sé höfð í hávegi þ.a.e.s. Virðing.

Beflamed

Fyrra álit

Freestyle fyrir 21 árum, 8 mánuðum

Gæti ekki verið meira sammála þér Beflamed!!!! Þú hitti naglann svo rækilega á höfuðið að það er ekki einu sinni fyndið. Ofbeldi er skilgreint sem eitthvað sem er óæskilegt, þegar ein manneskja beitir aðra manneskju valdi án samþykkis hennar. Líkamlegt og andlegt ofbeldi er skilgreint þannig.

Það sem fer fram inni í hring, hvort sem það er MMA, box, judo eða hvað sem er er ekki ofbeldi og mun aldrei verða á meðan fólki er ekki rænt út á götu og ýtt inn í hringinn gegn vilja sínum.

að segja að Muay Thai bardaginn hafi verið á einhvern hátt “meira ofbeldisfullur” heldur en boxbardagarnir á undan er þess vegna út í hött. Ekkert af því sem fór fram í höllinni þetta kvöld var ofbeldi. Hvernig gat MT þá verið “meira” eða “minna” ofbeldi?

Er MT hættulegt heilsunni? Já, það getur verið það. Getur maður dáið? Já. Það er eins gott að við séum ekkert að skjóta okkur undan þeirri staðreynd að allar “Full Contact” íþróttir geta valdið dauða. En ég hef heyrt um dauðsföll á hverju einasta ári í eftirfarandi íþróttagreinum (alls ekki tæmandi listi, bara það sem ég man eftir í augnablikinu)

Hokký
Hestaíþróttir(Veðhlaup, Hindrunarhlaup)
Akstursíþróttir(Bæði brautarstarfsmenn og keppendur)
Fótbolti(bæði amerískur og venjulegur)
Skíðaíþróttir
Hjólreiðar(einn besti hjólreiðamaður heims lést í keppni núna í vikunni. Hann einfaldlega datt af hjólinu sínu)

Enginn er að reyna að banna þessar íþróttir. Af hverju þetta fjargviður útaf MT?

Já, sumar íþróttir hafa hærri slysatíðni heldur en aðrar. Að segja að MT sé hættulaus íþrótt er ekki rétt. Líkur á alvarlegum meiðslum er hærri en í ÓL boxi, einfaldlega vegna hjálmsins. Notkun hlífa er alltaf af hinu góða sama hvaða íþrótt þú stundar en einhversstaðar verður að draga mörkin. Margir iðkendur vilja ekki nota hlífar einfaldlega vegna þess að hluti af rushinu sem að íþróttir eru er að vita að þú ert í hættu. Þessvegna líður þér vel eftirá.

Ég afneita því algjörlega að ríkisstjórnin eða ÍSÍ banni íþróttagreinar eingöngu vegna eðli þeirra. En ég viðurkenni einnig rétt þeirra til að leggja línur í sambandi við framkvæmd þeirra, t.d með reglugerð í sambandi við hjálmanotkun, dómgæslu og allt slíkt.

Ég biðst afsökunar á að hafa farið út um víðann völl í þessu svari, mér er dálítið mikið niðri fyrir og finnst ég hafa margt að segja ;-)

Í lokin, ekki banna hlutina, vinna saman og komast að niðurstöðu um hvernig hægt sé að stunda þessar íþróttir af fullum krafti án alvarlegra meiðsla eða dauða.

Ég skora á ÍSÍ (ef að einhver af þeirra mönnum les það sem hér fer fram) á að reyna ekki að þaga þetta sport í burtu heldur taka á málunum á svipuðum nótum og gert hefur verið t.d í Danmörk.

Frelsi einstaklingsins verður að vera í fyrirrúmi ALLTAF!

Fyrra álit

qeySuS fyrir 21 árum, 8 mánuðum

Mjög sammála.

Fyrra álit

drekinn fyrir 21 árum, 8 mánuðum

Ég var ekkert að tala um að það ætti að banna sýningar á einu eða neinu! Ég var heldur ekki að tala um að það ætti að banna ólympíska hnefaleika.
Ég geri mér alveg fullkomlega grein fyrir drengskapnum sem á sér stað inni í hringnum.
Ég var bara að koma á framfæri þeirri skoðun minni að mér finnst það ekki vera ólympískum hnefaleikum á íslandi að hafa sýningar eða kynningar á íþróttum sem eru mun grófari og margir sem eru fylgjandi ólympíska boxinu eru á móti á sama vettvangi

If you start the day doing nothing, when do you know when you've finished?

Fyrra álit

obsidian fyrir 21 árum, 8 mánuðum

ég fattaði að þetta er náttúrlega bandarísk könnun þar sem football er auðvitað amrískur en ekki soccer.

Ef við viljum fá alvöru tölur um það hve mikið er af meiðslum í íþróttum þá verðum við auðvitað að gera það hlutfallslega miðað við hve margir æfa hverja íþrótt fyrir sig. þessi könnun var alveg pottþétt ekki þannig, þetta eru bara tölur um spítalaheisóknir út af ákveðnum greinum.

Mér fannst samt skemmtilegt að klappstýrur skuli vera með meiri meiðsl.

obsidian

Fyrra álit

Khan fyrir 21 árum, 8 mánuðum

Mér finnst furðulegt og efast ekki um að fleirum finnist það en af hverju ætti Muay Thai og MMA að vera bannað á Íslandi þegar það er leyft í öðrum Norðurlöndum og sennilega allri Evrópu ef ekki öllum heiminum?(nema kannski einhverju Íslam ríki sem bannar hvort eð er allt).

Fyrra álit

Elvis2 fyrir 21 árum, 8 mánuðum

Minntist nokkur á að þetta voru tæpast ólympískir hnefaleikar sem verið var að fremja þarna í Laugardagshöllinni?
Fyndið að heyra líka Hjalta Úrsus handrukkara lýsa þessu, bara viðeigandi sko.

Gítarar = Gibson Les Paul Standard, Fender Jazzmaster. Aria Einhverfjandinn.

Fyrra álit

[Notanda eytt] fyrir 21 árum, 8 mánuðum

Íslenska stjórnin hefur þann slæma sið að vera fucking fávitar! Þeir banna M&M, Skittles, box, loftbyssur og allt það sem er leyfilegt annars staðar í evrópu, skemmtilega hluti! Og nú er það mjög líklegt að Kolbrun fucking halldórs reyni að banna Muay Thai, stundim vildi ég óska þess að ég fæddist ekki í þessu skítalandi, þetta er ekki svo ósvipað N-Kóreu!

Fyrra álit

lemiux fyrir 21 árum, 8 mánuðum

Muay Thai er bara snilldar itrott tad a ekkert ad banna hana

Fyrra álit

FenrirMMA fyrir 21 árum, 8 mánuðum

þetta er bara sprengja sem varð að springa…

það var meira um slys í boxinu en í thai-boxinu í höllinni… einfladlega vegna þess að thai-boxarar eru æfðir með allt annað method en boxarar, þeir aðlagast “hörkunni” og er því enginn gífurleg slysatíðni (nema kannski thailandi), alla vegna ekki í evrópu.. ekkert að setja úta box neitt, það er brill íþrótt, en ég er heldur ekki að setja thai-box og box undir sama hatt…. sitthvor listin :)

þetta fór bara svona voðalega fyrir brjóstið á okkar íhaldsömu ráðherrum okkar lýðræðis..

independent mind, free thought…

Fyrra álit

Khan fyrir 21 árum, 8 mánuðum

Já, gleymið bara Muay Thai og öllu því sem er bannað og komið að æfa Judo, þá verða allir glaðir ;)

Fyrra álit

Bardagaíþróttir

Bardagaíþróttir

Ofurhugar

Stjórnendur

Hverjir eru inni

Greinar

Hnefaleikanefnd ÍSÍ leyst upp

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi