Þú veist að þú ert ekki í einhverri hálvitalegri mr-versló ræðukeppni hérna goorka!

Fólk annað hvort býst við að sjá blóð eða veit að það er mjög líklegt að það sjái blóð þegar það fer að horfa á sumar bardagaíþróttir t.d. Taekwondo eða ólympíska hnefaleika.
Þótt það séu ákv. hlífar í bæði tkd og hnefaleikunum þá eru þetta t.d. opnir hjálmar sem að verja nefið ekki neitt.

Mér finnst ekki rétt að segja að fólk vilji frekar horfa á ólympískt box en tkd því að það eru brynjur í tkd.
Ég hef nokkrum sinnum séð fólk vera sparkað í gólfið og jafnvel út úr hringnum þannig að það gat ekki haldið áfram. Ef að vestin væru ekki væri mikil hætta á lífshættulegum innvortis meiðslum þegar þeir bestu mætast. T.d. vegan þess að sumir gaurar geta sparkað nógu fast til að brjóta vesti þannig að það hrynur af þeim sem er með það á sér.

Fólk er rotað í tkd alveg eins og í boxi og það er ein af ástæðunum fyrir að fólk fer að horfa á það.

Þannig að blóð og harka selst, en það þarf ekkert endilega að vera með e-a ofur brútal cage figthing keppni hérna.
Ástæðan fyrir að UFC seldist svona vel í USA var að ameríkanar eru frekar ruglaðir og þetta var nýtt og reglurnar voru “það eru engar reglur”. Þá rjúka allir redneck vitleysingjar í usa til að horfa á blóðbað. Og smá sönnun fyrir því er að mjög margir voru að fíla Tank Abbot fituhlunkinn í tætlur þó að hann hafi ekki kunnað rassgat í bardagalistum, gat bara labbað áfram og sveiflað höndunum fram og til baka.

Ég held að þetta sé soldið öðruvísi í Pride keppninni í Japan þar sem að þetta gengur meira, eins og nafnið bendir til, út á stolt keppendanna. Vegna þess að þetta höfðar miklu meira til asískrar menningu. Þannig að þar skiptir blóðið ekkert höfuð máli.

Jæja en þetta er bara svona smá bull sem mér finnst.

Hvað finnst þér Geysus um þetta, þú þekkir þessar keppnir betur en ég :)

Já og þetta var líka svar til Thaifighter (þó ekki fyrsta málsgreininn, hún var bara fyrir grænmetið :))

Ég hélt að gúrkur gætu ekki talað.

það sagði enginn neitt um ofbeldisveislu

það má vera harka í þessu án þess að fólk verði að grænmeti eftir 2 lotur…

hvað æfiru?
….

Jæja, piltar

OK, Goorka, við erum greinilega á sömu braut. Geysus, Khan og Jollyboy misskildu hins vegar allir einhvern hluta af málflutningi mínum.

1) Geysus: “Þó að þú sért að þessu til þess að bæta sjálfan þig og þar fram eftir götunum (ekkert að því heldur), þá eru margir sem æfa þetta sem keppnsiíþrótt…”

Ég var ekkert að undanskilja þá, keppni er gott og gilt markmið og ég keppi sjálfur í minni íþrótt. Það að hafa það að markmiði að keppa í sinni grein getur ekki talist annað en skólabókardæmi um leið að því marki að bæta sjálfan sig. Það er því hluti af því sem ég var að tala um. Ég get hins vegar ekki séð að sýningar þar sem verið er að tefla saman mismunandi greinum þjóni neinum vitrænum tilgangi nema sem prófsteinn fyrir þetta fólk sem lifir í endalausum ótta um að sín grein “virki ekki” (og mér sýnist þeir vera nokkrir hér).

2) Og þar komum við að því sem Khan skrifar: “Da5id, ef þig langar að æfa eitthvað sem virkar þá mæli með allra brútalísku keppnisíþróttunum.”

Ég hef mjög litlar áhyggjur af þessu þar sem ég veit að þessar sígildu bardagaíþróttir, sem menn hafa verið að æfa í marga áratugi og eru æfðar út um allan heim, virka allar sem ein ef menn þurfa að nota þær. Annars hefðu þær ekki haldið velli sem sjálfstæðar íþróttagreinar. Í öllum þessum greinum er að finna tækni sem nægir til að steindrepa fólk ef hún er vel útfærð. Allur samanburður milli greinanna er hins vegar út í hött þar sem engin grein getur nokkru sinni orðið betri en besti maðurinn sem stundar hana. Eina birtingarform bardagaíþrótta er mannslíkaminn og viðkomandi grein mun alltaf lúta líkamlegum takmörkum þess sem stundar hana.

Hér (og víðar) fara menn hring eftir hring í umræðunni um hvor myndi vinna ef taekwondo-maður og jiu jitsu-maður lentu í slagsmálum, karatemaður og júdómaður o.s.frv., o.s.frv. Allt er gegnsýrt af ótta við að sú grein sem viðkomandi er að æfa virki ekki á móti einhverri annarri. Það gleymist hins vegar að fólk sem komið er eitthvað lengra en með grænt belti í bardagaíþróttum er einmitt fólkið sem lendir aldrei í slagsmálum. Það lætur ekki draga sig út í þau. Það eru því minnstar líkur á að þið standið nokkurn tímann frammi fyrir því að þurfa að fá svar við þessari spurningu.

3) Og að lokum Jollyboy. Þú skrifar: “Ef þér er alveg sama um framgang bardagaíþrótta hérna á klakanum skaltu halda því fyrir sjálfan þig.”

Mér er engan veginn sama þannig séð en ég sé heldur ekki að bardagaíþróttir eigi undir högg að sækja á Íslandi að neinu leyti. Það er einmitt meiri uppgangur í þeim þessi árin en nokkru sinni áður, yfirleitt komast færri að en vilja í byrjendahópa víðast hvar. Það er því minnst ástæða til að hafa áhyggjur af framganginum, hann er með miklum blóma. Þess vegna þurfum við varla sýningu/keppni af því tagi sem hér er verið að ræða til að trekkja fleiri að. Enda er óvíst að slíkt myndi ýta við fólki að fara að æfa ef það er þá tilgangurinn.

Jæja, nú er ég ónýtur í puttunum af pikki, hafiði þetta!

All my love,

Da5id