Jæja, fyrst ég er nú byrjuð á annað bort ákvað ég að senda inn grein um Lum=)

Þessi sería er manga, allavega hef ég ekki rekist á neitt anime eftir henni og er eftir Rumiko Takahashi, þá sömu og gerði t.d. Ranma1/2. Hún er víst mjög vinsæl í Japan, allavega stendur aftan á einni bókinni minni að það hafi selst yfir 22 milljón eintök af þessari seríu í Japan! sem mér finnst allavega vera frekar mikið;)

Lum er semsagt geimvera sem lítur út alveg eins og myndarleg japönsk stelpa nema það að hún er með grænt hár, horn og vígtennur og brjálað skap. Einnig gengur hún langoftast um í litlu hlébarðamynstruðu bikiníi. Hún getur einnig flogið að vild og gefið fólki rafstraum ef það fer ekki að hennar vilja, sem er frekar oft=)

Og þá sérstaklega Ataru. Hann er ósköp venjulegur skólastrákur, kannski aðeins heimskari og sorglegri en þeir flestir… engu að síður er Lum yfir sig ástfangin af honum og kallar hann Darling! hann vill aftur á móti ekkert með hana hafa því hann er hrifinn af Shinobu… sem vill ekki sjá Ataru!

Svo kemur Mendo til sögunnar. Hann er fáránlega ríkur og enn meira snobb. Shinobu fellur samstundis fyrir honum (eftir að hafa hent í hann borði þegar hann er að stökkva úr fallhlíf á fyrsta skóladeginum sínum) en Mendo sjálfur verður alvarlega ástfanginn af Lum.

Eins og sjá má eru þessir ,,ástar-sjöhyrningar" algengir í verkum Rumiko Takahashi og tekst henni endalaust að gera þá skemmtilega=)

Flestar sögurnar í bókunum eru sjálfstæðar þar sem persónurnar lenda í ýmsum ævintýrum… t.d. að fara í gönguferð í garðinum að skoða blómin en lenda þá í ristastórum ogre sem skorar á þau í ljóðakeppni eða étur þau ella, þegar Ten-Chan sem er litli frændi hennar Lum kemur en hann er lítill bolti með andlit sem flýgur út um allt og spýr eldi, sérstaklega á Ataru sem hann þolir ekki og fleira=)

Snilldarmanga með húmorinn í lagi sem ég mæli eindregið með!! =)