Ég þurfti að hætta í atvinnumennskunni snemma, ég hafði spilað með Arsenal og enska landsliðinu í mörg ár, ég var bara 33 þegar ég þurfti að hætta. Ég var búinn að vera unglinaþjálfari hjá Arsenal þegar Wenger veiktist og þurfti að hætta. Hill-Wood hringdi í mig á sunnudegi vakti mig og bauð mér starf sem framkvæmdastjóri liðsins. Liðsins sem ég hafði spilað með allan minn feril. Auðvitað sagði ég já, ég spurði hann útí laun og ekki skemmdu þau fyrir og peningarnir sem ég hafði til að kaupa menn voru miklir.

Þetta var í Júlí árið 2001. Ég og Hill-Wood sögðum leikmönnum og þjálförum liðsins frá þessu og svo var þetta opinberað á Mánudeginum á fréttamannafundi. Ég ákvað að halda mínum aðstoðarmönnum í bili. Við Pat Rice ákváðum að styrkja liðið, ég skoðaði markaðinn og ákvað að bjóða í Andriy Shevchenko hjá Milan, hann kom fyrir £30M. Einnig keypti ég David Mendez Da Silva frá Spörtu fyrir £1.8M eftir að Bergkamp hafði bent mér á hann. Bergkamp hafði einmitt séð hann á æfingu með U-21 landsliði Hollands þegar Bergkamp var í fríi í sínu heimalandi. Allt gekk mjög vel, Shevchenko small frábærlega inní liðið og fann sig algjörlega með Henry í framlínunni.

Ég lánaði nokkra leikmenn til að þeir öðluðust reynslu, Taylor fór til Wycombe, Voltz til Mainz og Tavlaridis til Crewe. Hins vegar voru nokkrir leikmenn sem ég vildi ekkert með að hafa og ég leysti þá undan samningi sínum.

Einsog ég hef talað um þá gekk allt mjög vel, ég var efstur í deildinni alla leiktíðina, vann League Cup, mætti þar Chelsea og leikurinn endaði 2-0 þar sem Vieira skoraði bæði mörkin og var valinn maður leiksins. Fyrsta dollan mín sem framkvæmdastjóri var í höfn. Önnur dollan mín var möguleiki þegar ég mætti Leeds í úrslitum bikarsins. Steve Brand dómari rak Alan Smith útaf á 39. mín og þá opnaðist flóðgátt. Shevchenko setti eitt kvikindi, Jeffers annað þegar hann kom inná en maður leiksins Thierry Henry setti tvö. Erik Bakke skoraði fyrir Leeds.

Deildin var orðin spennandi þar sem Man Utd. (hverjir aðrir) voru nálægt því að ná mér en mitt lið sem hafði skorað yfir 100 mörk í deildinni með Henry og Shevchenko tvo markahæstu menn mótsins sigraði deildina svo að lokum með glæsibrag.
Við mættum síðar Lazio í úrslitum bestu deildar í heimi, Meistara deildar Evrópu. Til þess að gera langa sögu stutta þá sáum við aldrei til solar í þeim leik. Peruzzi stóð sig frábærlega í markinu og hélt sínum mönnum á floti. Hernán Jorge Crespo maður leiksins setti tvö, López eitt og Petteri dæmdi víti og rak Keown útaf á 91. mín. og Mendieta innsiglaði glæstan sigur Lazio manna með marki úr vítaspyrnunni.

Þrátt fyrir það gátum við verið ánægðir með árangur liðsins þetta tímabil, 3 dollur og úrslitaleikur í Champ. League. Mitt fyrsta ár sem framkvæmdastjóri og ég var valinn stjóri ársins. Frábært!

Ég ákvað þrátt fyrir það að þreifa fyrir mér á leikmannamarkaðinum og seldi Wiltord til Lyon fyrir £5.75M og Inamoto til Liverpool fyrir litlar £9.25M. Lee Dixon tók boði Rochdale um að stjórna og spila með liði þeirra. Siðar meir fór hann svo til Bristol City og stendur sig ágætlega.

David Mendez Da Silva sem hafði rænt hægri bakvarðastöðunni af Lauren þegar hann lenti í meiðslum benti mér á stráka frá Hollandi sem hann vildi endilega að ég liti á. Ekki voru það nú slæmir strákar sem hann hafði í huga. Joost Broerse frá Groningen var fyrstur til að koma, hann nýtti sér Bosman ákvæðið fræga og kom til mín frítt. Tieme Klompe frá Heerenveen kom til mín fyrir £10.75M. Broerse nefndi nafn vinar síns frá Groningen og ég ákvað að líta á pilt. Arjen Robben heitir kauði, fæddur á því herrans ári 1984. Það var mér alveg augljóst að hér væri mikið efni á ferðinni og því opnaði ég veskið og pungaði út £6M fyrir þennan efnilega leikmann. Sem í dag er orðinn einn af mínum betri mönnum og er 19 ára gamall farinn að spila fyrir A-landslið Hollands. Ekki hefur skemmt fyrir að Bergkamp væri í liðinu þegar þeir ákváðu allir 3 Hollendingarnir mínir að koma til Arsenal. Mér fannst ennþá eitthvað vanta. Einhvern til að taka við af Bergkamp til að stjórna spilinu og mata Henry og Shevchenko. Pablo Cesar Aimar var nafn sem að njósnarar mínir á Spáni sögðu mér frá. Valencia vildi fá £20M fyrir piltinn og ég skrifaði ávísun uppá þá upphæð og Aimar var orðinn stoltur leikmaður Arsenal. Einhver vandræði voru nú með tungumál því hann talar ekki ennþá stakt orði í ensku og hann er búinn að vera hjá mér í 2 ár!

Þeir leikmenn sem fóru um sumarið (silly sísonið) voru Edu á free transfer, Pires fór til Barcelona fyrir £19M og Kanu fór til Celtic fyrir 5.75M.

Svona var mitt fyrsta ár sem framkvæmdastjóri í einni bestu heimadeild í heimi, þeirri ensku!
Síðar mun ég segja ykkur frá restinni, t.d. er næsta ár á eftir þessu frekar skrautlegt og spennandi!