Þannig vill nú til að ég er á mínu 3. tímabili með Dag & Red, búinn að koma liðinu upp í 2. deild og allt í góðum málum hjá mér. Ég er að sjálfsögðu ekki með neitt rosalega mikið fé á milli fingranna þannig að þegar ég sá að samningur Aaron Lennons var að renna út á næstu 6 mánuðum og ekki enn búið að bjóða honum nýjan þá sá ég mér gott til glóðarinnar og ákvað að bjóða honum samning. Jú, viti menn, drengurinn tekur samningnum og á ég að fá hann þegar að samningurinn hans rennur út hjá Leeds eftir þessa leiktíð, nema að allt í einu er ég farinn að þurfa að borga 575.000 fyrir drenginn.

Ég tók mig til og vann enska bikarinn á síðustu leiktíð og fékk þar af leiðandi ágætis pening ut úr því, 1.6 millur til að eyða í leikmenn, ég er búinn að eyða tæpum 600.000 pundum og hef ekki beint efni á að eyða 575.000 í 18 ára gutta (keypti 4 aðra leikmenn á þessari leiktíð á minni pening samtals).

Hann kemur til mín 17. apríl en samningur hans rennur út 16. hjá Leeds þannig að mér finnst bara fáránlegt að þurfa að borga Leeds 575.000 pund fyrir leikmann sem verður ekki einu sinni samningsbundinn þeim lengur þegar ég fæ hann.

Ég er vægast sagt pirraður út af þessu því að félagið er frekar fátækt og verður þetta til þess að ég mun ekki eiga neinn pening á næstu leiktíð og ég stefni að sjálfsögðu að koma liðinu upp í 1. deild (sem ég er að nálgast óðfluga, efstur þegar að leiktíðin er hálfnuð).<br><br>Think for yourself, question authority.