Ég tók við liði Foggia sem var í Seríu C2/C. Gamalt stórveldi sem átti ágætan heimavöll og fína möguleika að komast aftur upp þar sem þeir eiga að vera: Í Seríu A. En það var nokkuð ljóst að ég þurfti að gera miklar breytingar og endurskippuleggja liðið. Á fyrsta degi var mér tjáð að liðið væri á barmi gjaldþrots, sjóðir félagsins til að kaupa leikmenn voru 30,000 pund. Ég lét það þó ekki brjóta mig niður því að ég náði að kaupa 13 leikmenn: Mass Sarr, Luigi Apolloni, Massimo Orlando, Dean Shiels, Marco Branca, Iörn Uldbjerg, Butra, Sergio, Victor Segura og Baldur Bett (Allir fríir), Tó Madeira (10k), Gustavo(5k), Hugo Pinheiro(10k). Ég notaði leikaðferðina 4-1-2-1-2:
Pinheiro
Uldbjerg Appolloni Gustavo Sergio
Di Toro
Bett Orlando
Butra
Branca Tó Madeira

Það er skemmst frá því að segja að Foggia vann deildina örugglega, náði 79 stigum og skoraði 85 mörk. Tó Madeira var að sjálfsögðu mikilvægur hlekkur því hann skoraði 43 mörk þar af 39 í deildinni og gamli refurinn hann Branca skoraði 19 mörk. Orlando átti 20 stoðsendingar. Foggia átti 3 leikmenn í liði ársins: Appoloni, To Madeira og Orlando.

Næsta ár á eftir var ljóst að Foggia var svipað að styrkleika, ef ekki sterkara en liðin í deildinni. Ég fékk til minna raða Fabio Rossito frá Fiorentina, Mehdi Makloufi, Jason Gavin, Andre Paralta, Filpe Travassos, Tim Carlsson og Ghislain Akassou fyrir samtals 855k.
Það kom síðan í ljós að Foggia var langsterkasta liðið í deildinni, varð meistari með 84 stig og skoraði 88 mörk, Madeira með 25 mörk í 28 leikjum og Orlando með 16 stoðsendingar. Butra hinn spænski kom líka á óvart, skoraði 18 mörk og Branca var orðinn að Super-Sub, skoraði 14 mörk, flest mörk eftir að hann kom inná sem varamaður. 4 leikmenn voru í liði ársins, To Madeira, Butra, Orlando og Pinheiro.
Liðsuppstillingin var:

Pinheiro
Akassou Appoloni Gustavo Sergio
Rossito
Bett Orlando
Paralta
Butra M adeira

Ég varð þó fyrir áfalli tveimu dögum eftir að Foggia hafði tryggt sér meistaratitilinn. Hinn gamalreyndi og frábæri varnarmaður, Luigi Apolloni hafði tekið við liði Brescello sem þjálfari. Ég hafði þó undirbúið mig fyrir þetta þannig að Jason Gavin kom inn í half-sentinn í staðinn.

Alvara lífsins tók nú við, Serie B. Það kom fljótt í ljós að það væri himinn og haf milli Serie C deildanna og Serie B. Ég fékk nokkra menn til liðs við Foggia. Neil Mellor, Colonello, Tignonsini og Andrés Yllana, alla fría eða á Bosman.
Eftir að hafa tapað fyrstu tveimur leikjunum vann ég næstu þrjá. Tímabilið var mikið eins og jójó. Maður vann 3 leiki, tapaði næstu 4 en eftir að hafa barist lengi við falldrauginn hysjuðu leikmennirnir upp um sig buxurnar og endaspretturinn var mjög góður. Ég endaði í 10. sæti. Neil Mellor átti frábært fyrsta tímabil, skoraði 26 mörk í deildinni og var markakóngur, og eini maðurinn hjá mér í liði ársins. Liðsuppstillingin:
Pinheiro
Akassou Gavin Gustavo Colonello
Rossito
Yllana Orlando
Butra
Tó Madeira Mellor

Á þessu tímabili hef ég fjárfest í 11 leikmenn fyrir samtals 8k: Damir Pekic, Peter Babnic, Emad Ayoub, Emeka Jude Ugali, Eder Baú, Frederico Lazzeri, Ousman Abdallah, Reyni Leósson( nokkuð frambærilegur varavarnarmaður), Paul Burns, Edoardo Brandi og Collin Samuel og selt Mass Sarr fyrir 500k.
Ég er í 4. sæti í deildinni sem er mjög jöfn. Til merkis um það eru 5 lið með 26 stig í 2-6. sæti. Ég er í 8 liða úrslitum í bikarnum eftir að hafa unnið Milan samanlagt 4-2. Ég var að etja kappi við Fiorentina í fyrri leiknum á Artemio Franchi og fór sá leikur 1-1. Áhorfendafjöldi hefur vaxið jafnt og þétt á vellinum, sem tekur 25,000 manns. Í byrjun var meðaláhorfendafjöldi 8,000 en er nú 14,000.
Ég er bjartsýnn á hlutina eins og er því að ég er með lið sem ætti að geta komið sér upp. Fullt af leikmönnum sem ég var að fjárfesta í núna eru fjárfestingar sem ég sel ef ég fæ rétta verðið fyrir. Ég get ekki neitað því, framtíðin er björt hjá Foggia.