Peter Jackson, leikstjóri Lord of the Rings trílógíunnar, var glaður og sæll eftir óskarsverðlaunahátíðina þar sem síðasta mynd þríleiksins, The Return of the King, vann ellefu óskara. Spurður að því hvað tæki við hjá leikstjóranum svaraði hann sposkur á svip: “Við sjáum til. Ég hef gaman af því að fást við ólíka hluti og takast á við ný og krefjandi verkefni” Þremur dögum síðar kom stórfréttin - Peter Jackson hafði verið ráðinn framkvæmdastjóri knattspyrnuliðsins Chelsea. Rússneski auðjöfurinn og eigandi Chelsea Roman Abramovic ku hafa verið svo hrifinn af Lord of the Rings kvikmyndunum að hann ákvað að fá leikstjórann góðkunna til að stýra liði sínu. Á blaðamannafundi upplýsti Peter Jackson að hann myndi ekki fá neina álfa eða hobbita til liðsins - “Þetta er íþrótt fyrir menn” sagði hann og bætti svo við “ja, og kannski orka líka”.

Pre-season:

Sex vináttuleikir höfðu verið skipulagðir. Tveir leikir gegn neðrideildarliðum í Englandi, Belgíuferð til að spila við Standard Liege og keppnisferð til Grikklands þar sem þrír leikir voru á dagskránni. Fimm sigrar og fimm clean sheets voru góður árangur, eina hikstið var leikurinn gegn Standard Liege, sem tapaðist 2-3 og Eiður Smári var rekinn útaf. Peter Jackson hafði ákveðið í byrjun að halda tryggð við sóknardúettinn frá því í fyrra, en setti fljótlega Eið út úr liðinu, og síðan Hasselbaink einnig. Adrian Mutu og Hernan Crespo gripu tækifærin sín strax og skoruðu grimmt, skoruðu fjögur mörk hvor í fjórum leikjum eftir Belgíufíaskóið. Peter Jackson ákvað að reyna að losa sig við Eið Smára sem fyrst þar sem hann væri klárlega aumingi og vesalmenni, hálfgerð Ormstunga.

transfer activity:

Það er nú oft þannig að erfitt er að losna við aumingjana, en alltaf er verið að bjóða í mennina sem maður vill halda hjá klúbbnum. Ca. 85% allra klúbba í veröldinni voru að bjóða í William Gallas, sem Peter Jackson vildi fyrir alla muni halda í, en enginn var að bjóða í lúða eins og Eið Smára og Winston Bogarde. PJ náði þó fljótlega í tvo unga og efnilega framherja, Brasilíumanninn Dagoberto á 3.4M og Jerome Thomas frá Arsenal á 1.5M. Aðrir leikmenn í sigtinu hjá PJ voru m.a. Cafu, Roberto Carlos, Jermaine Pennant, Ronaldo, Thierry Henry og Michel Salgado. Hann fékk samþykkt boð í Cafu, Roberto Carlos og Michel Salgado, en var ekki reiðubúinn til að mæta launakröfum þeirra. Hann áleit að Thierry Henry yrði sem Aragorn í liðinu sínu og reyndi allt hvað af tók að krækja í hann, en eftir að Arsenal hafnaði 45M + fullt af leikmönnum, þ.á.m. Eið Smára, Hasselbaink, Mario Stanic og Gallas, gafst hann upp á honum þetta sumarið. Henry var ekki mjög ánægður með að Wenger vildi ekki hleypa sér yfir til feita skeggjaða kallsins. Að lokum tókst þó PJ að ná í eitt stórt nafn í lok ágúst, en það var Edgar Davids, sem fékkst á 28M. Enn voru 16.75M eftir en það verður að geymast til áramóta.

Ágúst:

Og þá hófst alvaran. Ágústprógrammið var ekki auðvelt. Chelsea átti tvo leiki gegn CSKA Moscow í undankeppni meistaradeildarinnar og þrjú af erfiðustu liðunum í ensku deildarkeppninni, sem myndi hefjast á útileik gegn Birmingham, þá heimaleik gegn ManU, útileik gegn Arsenal og heimaleik gegn Liverpool. Það er skemmst frá því að segja að árangurinn varð hér um bil eins glæstur og hugsast gat:

13. ágúst: Chelsea - CSKA Moscow 2-0
16. ágúst: Birmingham - Chelsea 0-6
20. ágúst: Chelsea - Manchester United 2-1
23. ágúst: Arsenal - Chelsea 0-3
27. ágúst: CSKA Moscow - Chelsea 0-4
31. ágúst: Chelsea - Liverpool 2-0

Sóknardúettinn Mutu og Crespo voru heldur betur að slá í gegn. Mutu langmarkahæstur í deildinni með 8 mörk í 4 leikjum, samtals 10 mörk í 6leikjum þegar meistaradeildarleikirnir eru taldir með. Crespo fylgdi skammt á eftir með 8 mörk í 6 leikjum. Eftir þessa frábæru byrjun var Chelsea komið í meistaradeildina í riðil með Real Sociedad, Lyon og Austria Vienna, og efst í ensku úrvalsdeildinni með fullt hús stiga eftir fjóra leiki og markatöluna 13-1, og það eftir að hafa keppt við Manchester United, Arsenal og Liverpool. Það gerist ekki miklu betra en þetta og PJ ákvað að verðlauna mannskapinn með smá svalli í Lothlórien. Þar gerðust ýmsir atburðir sem þið munuð fá að lesa um í næsta kafla sögunnar um Peter Jacson og Chelsea.