OK, þeir sem vonuðust eftir framhaldi af Rushden & Diamonds verða fyrir vonbrigðum. Ég var aðeins byrjaður á öðru tímabili en þá gerðist dálítið merkilegt… Einhverra hluta vegna dett ég alltaf út úr leiknum! Kemst bara svona einn og einn dag í einu og þá bara búmm! Hel****!!!! Mér gekk svo vel! Það kemur bara svona á skjáinn, man það nú ekki orðrétt en svona var það nokkurn veginn; cm0102 has discovered a problem that needs to be fixed. You might lose any informations you were working with….kannisti við þetta?! Þetta er nottla alveg fáránleg!

En fyrst ég er hérna að segja ykkur frá þessu get ég alveg eins sagt meira um savið í leiðinni. Já, ég var aðeins byrjaður á tímbilinu. Reyndar bara búinn að keppa vináttuleiki, og þeir voru sko margir! Vanalega þarf ég að bjóða liðum að keppa við mig en núna buðu a.m.k. 30 lið mér að spila! Kannski hafi orðspor mitt borist í hinar deildirnar því þetta voru engin léleg lið, öll lið úr fyrstu og úrvalsdeild!

Jæja, allir leikmennirnir mínir stóðu sig vel á síðasta tímabili þannig að ég bjóst alveg eins við því að þeir yrðu eftirsóttir. Þeir voru líka margir með klásur í samningi sínum sem gerði þeim kleift að fara fyrir ákveðna upphæð. En hvað haldiði?! Heyrðu, jújú! Hann Gary Breen, hann ákvað allt í einu að hann væri of góður fyrir Rushden og tók samningi frá Bolton! Og ég fékk ekki nema 2 milljónir fyrir hann sem er alltof lítið!!! Djö**** var ég svekktur!!! Síðan fékk
ég hræðilegar fréttir þegar Milwall buðu í Richard Knopper…hann vildi ólmur fara en á síðustu stundu ákvað hann að vera um kyrrt! Sem betur fer! Fleiri fóru nú ekki og ég slapp heldur vel!

En þá átti ég 12 milljónir punda í höndunum sem var nokkuð gott. Og ekki skemmdi það að nú vildi gomma af leikmönnum koma til mín. Allir vildu spila fyrir spútnik liðið Rushden!!! Það fyrsta sem ég gerði var að finna eftirmann Gary Breen. Það var enginn annar en Barry Quinn frá Coventry. Hann kostaði lítið og er frekar góður þannig að mér fannst hann tilvalinn. Og ekki veitti af að styrkja vörnina aðeins og kaupa eftirmann Tarkan Mustafa sem er ekki beint besti hægri bakvörður sem ég hef kynnst! Theo Lucius var falur fyrir 1,4 milljónir punda og því sló ég til og keypti hann. Enn átti ég frekar mikinn pening eftir þannig að ég ákvað að kaupa líka nýjan vinstri bakvörð, í stað Kevins Sharp. J'Lloyd Samuel var keyptur á lítið frá Aston Villa og var ákaflega ánægður að vera kominn til liðs við mig. Síðar sá ég frétt um að Darren Huckerby væri ákaflega óánægður að fá ekkert að spila þannig að ég bauð í hann og viti menn; hann var hinn áægðasti að koma. Fyrirmyndar framherji fyrir baráttuna framundan í annarri deild. Einn scoutanna mína mælti síðan með Paul Agostino frá 1860 Munchen en hann var ásralskur framherji með reynslu. Alin Stoica var ekkert sérlega ánægður að fá hann í liðið, enda vissi hann að um meiri samkeppni væri að ræða. Ég fullvissaði hann samt um það að hann ætti öruggt sæti í framlinunni, svo lengi sem hann skoraði mörk! Og ekki var ég hættur. Scoutarnir mínir voru enn á ferð um Þýskaland og bentu mér á Robert Enke, en hann var í láni hjá Rostock frá Barcelona. Ég fékk hann á lítið og hugsaði með mér að þetta væri fínt, því þá gæti ég sent hinn varamarkvörðinn minn, Alan Morrison, í lán einhversstaðar því honum vantar helst til reynslu. ´

Þá ákvað ég að fara að horfa á æfingamót unglingalandsliða í Danmörku. Þar voru tvö lið sem vöktu mjög mikinn áhuga hjá mér; Svíþjóð og Holland. Það var mikil keppni um að fá ungstirnin hjá þeim og haldiði ekki að ég hafi bara nælt mér í þrjá leikmenn! Kim Kallstrom, sem allir ættu að kannast við, Jonas Lunden og Mitchell Piqué, 21 hollenskur vinstri bakvörður. Á leið minni um Danmörku ákvað ég að skreppa til Íslands og kíkja á leikmenn. Þar nældi ég mér í Sævar Frey Alexanderson sem vinur minn hafði bent mér á! Og á leiðinni heim til Englands fékk ég boð um að vera heiðursgestur á vináttuleik AIK og Manchester United í Svíþjóð. Ég þáði það boð og leikurinn endaði 4-3 fyrir United mönnum. Það var einn leikmaður sem vakti athygli mína meira en aðrir og það var Luke Casserly, hægri bakvörður AIK. Ég hafðði samband við menn þar á bæ og fékk hann 200 þús.

Þetta ætti að vera nógu góður hópur fyrir aðra deildina en þegar ég kom heim frétti ég að Bruno Cheyrou væri á förum frá Liverpool. Ég bauð lítið í hann og þar sem enginn annar hafði áhuga á honum var hann minn! Jibbí! Í liðið mitt voru komnir klassa menn!

Lengra var ég ekki kominn og lengra mun ég væntanlega ekki komast! (Vonbrigði) En ég mun væntanlega byrja með eitthvað annað lélegt lið og gera það að meisturum….