Sæll

Þetta er ekkert smá gjöf og ég hef ekki annað heyrt en að Nikon D200 sé svaka góð vél. Ég á Canon 350D vél, en D200 er í hærri klassa en hún.

Mæli með að þú farir á www.ljosmyndakeppni.is og spyrjir þar. Þar eru allir sérfræðingarnir og þú verður búin að fá svar við þessum spurningum eftir fáeinar mínútur.

En held að þetta sé bara geggjaður pakki, sérstaklega ef þú ert byrjandi, svo er alltaf hægt að kaupa betri og dýrari linsur þegar maður er orðin góður, enda langar manni þá líka í þær.

Kv
MR

Þetta er ekkert smá stór jólagjöf :-p

Allavega, því hærri sem mm talan á linsunni er, því meiri aðdrátt ertu að fá. Það sem er neðan við 55 (eða var það 50?) er eiginlega ‘frádráttur’ eins og þú getur líkega séð.
Er ekki einhver ‘sensor cleaning’ fúnksjón í myndavélinni? veit ekki hvernig það er með þessa, en það er þannig í EOS350d.
Þú getur tekið _slatta_ af myndum á 4 gb kort. Ég er með canon EOS350d og mig minnir að það sé bara 1 gb kort í henni, en ég man ekki eftir því að hafa fyllt það þrátt fyrir langar helgar með talsverðri myndatöku.

Ég mæli með því að þú fiktir bara :-p Prófaðu þig endalaust áfram með filterana, linsurnar og allar stillingarnar og allt sem þér dettur í hug. Það er þannig sem þetta lærist.

Kíktu á greinarnar í “Greinar til fróðleiks” hérna, það er margt hægt að læra þar.

Þessar linsur eru einskonar kit linsur og þó þær séu mjög nýtilegar þá viltu kannski einhvertíman uppfæra, en þær duga þér fullkomnlega meðan þú ert að læra á vélina og sjálfsagt í einhvern tíma á eftir.

Millimetrarnir standa fyrir brennivídd (foxal lenght) linsunnar, hversu langt linsan sér. 50mm samsvarar auga mannsins.

Ef þú ferð vel með vélina ættirðu ekki að þurfa að hreinsa hana nokkurntíman, en stundum kemur einhver óþverri á skynjarann sem koma sem blettir á myndina, þá er gott að láta einhvern sem kann kenna manni að hreinsa hann eða láta t.d. beco hreinsa hann fyrir þig.

Ef þú tekur myndir með stillt á jpeg-large/fine er það 4.8 mb myndin, sem er þá sirka 830 myndir. Þegar þú lærir meira viltu ef til vill skjóta raw, þá er það 15.8 mb myndin = 250 myndir.

Það eru til margar tegundir af filterum. Síðan digital vélar komu á markaðinn hefur þörfin fyrir hina ýmsu litahitaleiðréttingar minnkað mikið, þar sem hægt er að laga það á eftir í tölvu. Það er vinsælt að nota UV filtera sem einskonar vörn fyrir linsuna, en það eru skiptar skoðanir á hvað það er sniðugt, bæði hvað varðar myndgæði og þá staðreynd að glerið í filterinum er mun veikara en linsuglerið. Hinsvegar er einn filter sem er mjög gott að eiga, það er Polarizer, hann eyðir endurskyni sólarinnar af vatni, og gerir himinn dekkri, útkoman er mun fallegri og djúpblárri himinn. Svo eru Neutral density (ND) filterar sem þú getur notað til að minnka hvað mikið ljós kemur í gegn. Vinsælir við vatnsmyndatökur og fossa þar sem hægari lokunarhraði gerir vatnið silkimjúkt og væmið. Einnig eru til gradual ND filterar, en þeir dekkja mest að ofan og ekkert að neðan, gott að nota ef himinninn er mun bjartari en jörðin, sparar manni eftirvinnsluna.

Hef ekki reynslu af þessari vél, en frændi minn á hana og er ánægður með gripinn =)

Bætt við 29. desember 2006 - 03:48
Hehe.. *focal lenght.