ég á 300d og ég á og mæli með 50mm f/1.8 (sem er ódýr á bhphotovideo.com) og 28-135mm f/3.5-5.6 IS sem er fín allhliða linsa en ég myndi ekki sleppa 18-55mm linsunni.

Ég myndi nú alls ekki segja að D70 taki Canon 10d vélinni fram að einhverju leyti. Helst að skrifhraðinn á flassminnið er meiri með D70 en Canon vélunum.

En í sambandi við linsurnar er linsan sem er í pakkanum með D70 vélinni mjög góð og 18-55mm Canon linsan með 300d vélinni er bara nokkuð góð miðað við verð - allavega mjög góð fyrir almenna myndatöku. Sjáðu t.d. jákvæðan dóm á photo.net

En afhverju í ósköpunum þarftu 300mm linsu? Ætlarðu að fara að taka fuglamyndir eða hvað? Þú færð allavega ekki góða nýja 300mm linsu á undir 100.000 og kannski 40.000 ef þú kaupir notaða (t.d. 300mm Tokina ATX f/4). Mér finnst allavega fáránlegt að kaupa þessar 100-300mm zoom linsur á cirka $300 því gæðin eru svo slöpp (á 300mm allavega).
Þú gætir kannski spá í Pro 70-200mm zoom linsunum. T.d. Canon 70-200mm f/4 L á um $550. Þær linsur eru allar mjög góðar.

Í sambandi við Sigma linsur eru þær almennt séð síðri en Canon linsurnar. En það er ekki þar með sagt að þær séu eitthvað slappar og ekki heldur þar með sagt að engar undantekningar séu þar á. Til dæmis er 15-30mm Sigma linsan mjög góð og ég myndi jafnvel taka hana fram yfir t.d. Canon 17-40mm f/4 linsuna.
Svo er það líka þannig að gæðin á linsunum eru afar sjaldan einhver takmarkandi þáttur - tala nú ekki um ef þú ert að byrja að taka myndir. Þá er miklu líklegra að hristingur og vankunnátta dragi meir úr myndgæðum heldur en hvort linsan er frá Canon eða Sigma!
Aðalvesenið með Sigma linsurnar er að það er ekki alveg öruggt að þær virki á myndavélum í framtíðinni. Sigma er nefnilega ekki alveg með speccið á EOS-mountinu á hreinu.

En þú verður að kaupa þrífót - slíkt er algert möst! Manfrotto eru á fínu verði í Beco (biddu um að vera með í afsláttarklúbbnum þeirra) og óþarfi að dröslast með þrífót frá Bandaríkjunum!

Ef þú tekur annaðhvort 300d eða D70 vélina myndi ég mæla með því að taka kit-linsuna með og svo auka 50mm f/1.8 linsu en ekkert meira! Þú veist nefnilega ekki hvernig linsur þig vantar fyrr en þú ert búinn að nota kameruna í smá tíma og sérð þá hvað þú ert að taka myndir af - sá sem tekur hefðbundnar fjölskyldumyndir hefur t.d. ekkert við 300mm linsu að gera og hann sér það fljótt.
Eins lærir maður best á mismunandi fókuslengdir með því að nota viðkomandi lengd svo til eingöngu í talsverðan tíma.

Ef þú tekur Canon 10d vélina myndi ég mæla með 50mm linsunni aftur og svo einhverri ágætri víðri zoom linsu. T.d. Canon 17-40mm f/4 L eða Canon 24-85mm f/3.5-4.5 eða kannski Sigma 15-30mm linsuna.

En sjálfur nota ég aðeins prime linsur.

Góðar all around linsur eru 24-85 3.5-4.5, 28-105 3.5-4.5 og 28-135 3.5-5.6 IS, þessar eru allar frá Canon og þær eru allar í “milliflokki”. Auðvitað er 17-40 4L linsan mjög góð, ég hef góða reynslu af þessari en eini gallin við hana hvað mig varðar er að ljósopið er einungis 4, en ég nota hana aðallega í dagsljósi á ljósopi 8-16 svo að það hefur pirrað mig lítið hingaðtil og nota ég bara fastar linsur með ljósopi 1.8 eða stærra þegar ég þarf.

Hinsvegar, eins og einhver annar benti á þá eru Sigma linsurnar alveg mjög góður valkostur og standa sig mjög vel, ég bara þekki þær ekki það vel af eigin reynslu til að geta mælt með einhverjum sérstökum en ég hef þó heyrt góða hluti af 15-30 3.5-4.5 og 28-70 2.8, hef heyrt að 24-70 2.8 sé mikið lakari en 28-70 2.8 linsan og þessvegna framleiða þeir ennþá báðar.

Keyptu D70 eða 10D.

Ég á sjálfur D70 og hef prófað 300D þónokkuð. Að mínu mati er mjög langt á milli þessara véla. D70 virðist öll vera vandaðri, hún er með þónokkuð marga tæknilega kosti framyfir 300D.
Ég var sjálfur næstumþví búinn að kaupa 300D en ákvað að bíða eftir D70 og þakka guði fyrir að ég gerði það. Þó að D70 sé eitthvað dýrari þá er það algjörlega þess virði. Ég hef aðeins skoðað 10d og það er mjög góð vél, hún er náttúrulega meiri klumpur en hinar en náttúrulega sterkari fyrir vikið.

Ekki kaupa 300D