Þetta er mjög fín vél, a.m.k. fyrir byrjanda. Hún getur náttúrulega tekið allar Canon linsurnar. Ég myndi fá mér Canon EF 50mm 1.8 ef að ég væri þú.
Ég myndi líka fá mér Speedlite 420EX eða 550EX, vegna þess að innbyggða flassið er alger brandari og að þú getur endurnýtt alla þessa hluti þegar að þú færð þér nýtt body.

SF:
Soft Focus, einn af þessum hlutum sem enginn þarf, en fyrst að hann var settur á vélina þá er ágætt að maður útskýri hann. SF tekur tvær myndir í röð, aðra í fókus en hina ekki.

DEP:
Dept of Field, notað til þess að taka mynd sem er öll í fókus, ég sé perónulega ekki tilganginn, er ekki AV fyrir þetta?

M:
Manual mode, þú hefur fulla stjórn yfir stærð ljósopsins (aperture) og lokahraðanum (shutterspeed).

AV:
Aperture priority, þú setur inn stærð ljósopsins og vélin velur lokuhraða sem að hún telur að þurfi.

TV:
Shutter priority, þú setur inn lokuhraðann og vélin reiknar út ljósopið.

P:
Program mode, vélin gerir allt fyrir þig, þú tekur linsulokið af, beinir því að viðfangsefninu og hleypir af.

ISO:
Mælikvarði á ljósnæmi. Best er að nota annaðhvort ISO 100 eða ISO 200 filmu ef að þú ætlar að taka mikið myndir úti, ISO 400 til 1600 eru fyrir myndatöku innanhúss.

Landslags, macro, portrait, o.sv.fr. eru svokallaðir green modes og ætti það að varast í lengstu lög að nota þá.

Gamla 35mm vélin mín (sem er reyndar ekki Canon) hefur ekki neitt af þessum óþarfa ;)

SF =
DEP = Depth Of Field
M = Manual, Þú stillir hraðan og ljósopið.
AV = Þú stillir hraðan en vélin sér um að velja ljósopið.
TV = Þú stillir ljósopið en vélin sér um að velja hraðan.
P = Vélin stillir hraðan og ljósopið.
ISO = Veit ekki alveg hvað þetta er en því lærri sem ISO er þá verður myndin skyrari og dekkri.

Svo stendur ALLT um ljósmyndun á netinu.<br><br><i>Yfir og út.</i

Til hamingju með nýju myndavélina!

Ég myndi eindregið ráðleggja þér að fara hægt í öllum frekari tækjakaupum. Ég myndi t.d. alls ekki kaupa flass og fullt af linsum strax. Ástæðurnar eru þær að það er ekkert víst að áhuginn á ljósmyndun haldist og þá er ekki gott að hafa eytt of miklum peningi í búnað og að auki er alltaf best að byrja fyrst að taka myndir og svo sjá hvað þig raunverulega vantar af ljósmyndabúnaði.
Þú skalt hinsvegar endilega kaupa fullt af filmum og nota þær! :-)

Hér áður fyrr, þ.e.a.s. áður en zoom linsur urðu almennar, byrjaði fólk venjulega á því að kaupa sér myndavél og fasta (ekki zoom) 50mm linsu. Kosturinn við 50mm linsur er að þær eru rosalega skarpar, með stórt ljósop sem þýðir að þú getur tekið myndir í lítilli birtu án þess að nota flass og þar að auki eru þær mjög ódýrar. 50mm f/1.8 kostar um 15.000 í Beco en ég keypti mína notaða þar á 4000 krónur fyrir um 3 árum. Þess má geta að ég hef keypt tvær linsur síðan (24mm og 85mm) og hvor um sig kostaði 10 sinnum meira en 50mm linsan mín en samt nota ég enn mest 50mm linsuna. Sumir ljósmyndarar nota meira að segja svo til eingöngu 50mm linsur, Cartier Bresson, sem er einn besti götuljósmyndari í heimi fyrr og síðar, notaði svo til eingöngu 50mm f/2 linsu og Leica myndavél allan sinn feril.
Í stuttu máli sagt, ef þú ætlar að kaupa eitthvað skaltu kaupa þér 50mm f/1.8 linsu :)
Philip Greenspun hefur reyndar skrifað ágætis grein um hvernig gott er að haga tækjakaupum í byrjun: http://www.photo.net/equipment/35mm//building-an-slr-system

En svo er ágætt fyrir þig að lesa þér aðeins til um grunnatriði í ljósmyndun, hvað er ljósop og lokhraði o.þ.h. Ég mæli með http://www.photo.net/making-photographs/

En nokkur tips í lokin:

1. Fyrir myndatökur úti af börnum og dýrum (væntanlega hundum og köttum, er það ekki?) myndi ég fá mér 50mm linsu, nota AV-mode á vélinni, stilla á f/5.6 eða f/8, nota 100 ASA filmu þegar það er bjart, annars 400 ASA filmu og bara smella af.

2. Ef þú hefur áhuga á landslagsljósmyndun verður þú líka að hafa þrífót - það er ekkert val. Þrífætur eru til af öllum stærðum og gerðum en sá þrífótur sem ég nota mest er pínulítill, valtur og ódýr (undir 3000 kr.) SLIK þrífótur sem ég keypt í Hans Petersen (á Laugavegi). Ástæðan fyrir því að ég nota hann mest er að hann er fisléttur og mjög auðvelt að fara í göngu- og hjólatúra með hann. Ef þig langar hinsvegar í góðan þrífót skaltu fara í Beco og fá þér Manfrotto þrífót. Við erum að tala um c.a. 15.000 fyrir þrífót og haus. Beco-fólkið getur leiðbeint þér um valið.

3. Bestu aðstæður til útimyndatöku eru í ljósaskiptunum (á morgnana og á kvöldin). Á Íslandi erum við mjög heppin því ljósaskiptin taka lengri tíma en sunnar á Jörðinni og það skaltu endilega nýta þér. Ef þig langar í flottar landslagsmyndir er semsagt auðveldasta leiðin að vakna snemma á morgnana og hlaupa út í morgunbirtuna. Þegar ég fékk mína myndavél var ég einmitt mjög duglegur að taka myndir á morgnana (er latari nú) og ég ætlaði varla að trúa því hvað ég, venjulegur byrjandi, gat tekið fínar myndir (þ.e.a.s á minn mælikvarða) með því einfaldlega að vakna snemma, nota þrífót og vandaðar filmur.

4. Vandaðu valið á filmum. Í flestum stórmörkuðum er hægt að fá þessar Kodak Gold 200 ASA filmur og svo Kodak MAX filmur. Ekki kaupa þær! Ágætis leiðbeiningar um filmur er að finna á http://www.photo.net/equipment/film
Slides filmur eru voðalega skemmtilegar - ég nota mikið Fuji Sensia II sem eru frekar ódýrar en svo eru líka til eins og Fuji Provia og Velvia sem eru með mjög skemmtilega eiginleika. Það er líka ágætt að vanda valið á framköllunarþjónustu - Ljósmyndavörur í Skipholti eru fínar því þeir nota Frontier framköllunarvél sem eru voða fínar.

5. Ef þú verslar í Beco skaltu endilega biðja um að vera meðlimur í afsláttarklúbbnum þeirra.

6. Vinsælustu Canon portrett linsurnar eru 85mm f/1.8 og 100mm f/2 en þær kosta um 50.000 í Beco. Trikkið við portrett myndatöku er að hafa stórt ljósop, t.d. f/2.8, fókusera á augun og taka myndirnar við norðurglugga þegar sólin er hátt á lofti (hádegi er 13:30 á Íslandi). Annars var Fluffster með ágætis leiðbeiningar um portrett myndatöku í stúdíó greininni. Aðrar ágætis leiðbeiningar má finna á http://www.photo.net/portraits/intro

7. Taktu nóg af myndum - öðruvísi verður þú aldrei góður.

Fínt það sem aðrir hafa sagt og ætti að hjálpa þér eitthvað. Eitt sem ég tók eftir á myndunum þínum. Að þú ert alltaf með timestamp á. TAKTU ÞAÐ AF!, ef að þetta er góð vél sem þú ert með ættir þú að geta séð hvenær þú tókst myndina þegar þú hleður henni inn í viss forrit í tölvunni. T.d. ef þú tekur einhverja mynd sem er rosalega flott, þá er ómögulegt að taka timestampið af og getur verið erfitt eða jafnvel ómögulegt að ná þessu mómenti aftur, þannig að ekki læra þetta erfiðu leiðina.

Ég hef oft klikkað á einhverju svona þegar ég er að taka myndir. t.d. gleymt iso á 800 eða eitthvað líkt því, það er ekkert súrara enn að sjá flottar myndir á lcd skjánum og koma síðan heim og þá eru allar myndirnar kornóttar til helvítis.

Annars hef ég lært það litla sem ég kann með því að lesa á netinu og skoða myndir eftir aðra.

Síðan myndi ég líka mæla með síðum eins og www.photo.net og www.dpchallenge.com. þar getur þú bæði látið fólk dæma myndirnar þínar og einnig tekið þátt í keppnum sem hafa viss þema, sem reynir á sköpunargáfur þínar.

Ég myndi reyna að forðast öll þessi amatör mode eins og heitan eldinn, í stað þess að reyna að taka myndir í AV,TV,M og P. Lærir miklu meira á því og oftar enn ekki verða myndirnar betri. Vegna þess að oft vill myndavélin nota flashið þegar þú vilt það ekki.

Vona að þetta hjálpi þér eitthvað.

Kv Jökull