jonr fyrir 20 árum, 10 mánuðum Fjöldi lestra: 1656

8MP innrásin er hafin.

Nú er nýlokið hinni árlegu Photo Marketing Association Annual Show í Las vegas. Eiginlega verð ég að segja að eitt stóð upp úr. Vélar með 8 Megapixela í upplausn, og yfirleitt með öllum mögulegum og ómögulegum fídusum. Sony, Nikon, Canon, Olympus og Minolta voru allir með sínar 8MP súper-vélar. Ég veit eiginlega ekki hvað á að kalla svona græjur, þær eru eiginlega óflokkanlegar.
Allar vélarnar hafa vandaðar linsur (Canon L, Zeiss, ED gler og fleira) með langar (5-7x zoom) og bjartar (f2-2.4) linsur. Allar bjóða upp á eitthvað smá extra, Canon með L gler, sú eina sem þeir framleiða, Minolta með AS (Anti-Shake) hristivörn ofl. En skoðum þetta nánar:
Sony DSC-F828:
Linsa: Carl Zeiss Vario-Sonnar T* 7,1-51mm f2-2.8. (jöfn 28-200mm). T* stendur fyrir sérstaka fjölhúðun, allar betri linsur Zeiss hafa hana.
Myndflaga: Sony RGBE, 3264 x 2448.
Hús: Málmblanda.
Olympus C-8080 Wide Zoom:
Linsa: Olympus ED-High Resolution 7,1-35,6mm f2.4-3.5 (28-140mm) Styðsta linsan af öllum þessum vélum.
Myndflaga: Óþekktur framleiðandi, 3264 x 2448.
Hús: Málmblanda, greinileg áhrif frá Olympus E-1.
Canon PowerShot Pro1:
Linsa: Canon L USM 7,2-50,8mm f2,4-3,5 (28-200mm) Eina myndavélin fyrir utan SLR sem notar L/USM linsu. (AFAIK)
Myndflaga: Canon(?) RGB 3264 x 2448.
Hús: Málmblanda.
Nikon CoolPix 8700:
Linsa: Nikkor ED 8,9-71,2mm f2,8-4.2 (35-280mm)
Myndflaga: Sony(?) 3264 x 2448.
Hús: Málmblanda.
Konica Minolta A2:
Linsa: Minolta GT APO 7,2-50,8mm f2,8-3,5 (28-200mm) (Sama hönnun og Canon notar?)
Myndflaga: Óþekktur framleiðandi, 3264 x 2448.
Hús: Málmblanda.
Innbyggð hristivörn.

Ef ég ætti að velja mér vél, þá myndi ég líklega skella mér á Minolta A2, hristivörnin gerir vélina að virkilega góðum kaupum. Canon Pro1 væri líklega í öðru sæti, ég er ekki alveg að fatta Canon, að setja L linsu á þessa vél og sleppa hristivörninni, þeir settu hristivörn á S1, sem kostar þó helmingi minna. (!)
Helsti veikleiki þessara véla er líklega noise (truflanir), því hver punktur er aðeins um 2.7 µm (1/1000 úr mm) og fær því afar lítið ljós. Ég held persónulega að menn eru að gera aðeins of mikið úr þessum truflunum. Fyrir það fyrsta, þá skoðar enginn 8MP mynd á skjá, það verður alltaf að minnka hana, og í öðru lagi, þá verða truflanirnar næstum ósýnilegar við prentun þegar litirnir blandast saman. (Fer þó eftir myndavélum og prenturum).
Mér sýnist þessar vélar gætu hentað mjög vel sem backup fyrir blaðaljósmyndara. Þær eru litlar og léttar, með öflugum linsum og geta notað sömu flöss og SLR vélarnar.
Kannski þarna sé komin hin nýja kynslóð “rangefinder” vélanna. Geta allt sem stóri bróðir (SLR) getur, en eru samt minni, léttari og meðfærilegri. Þannig að stóra fréttin er kannski ekki 8MP, hedlur einfaldlega þróaðri vélar. Eða hvað haldið þið?
Ég bíð spenntur eftir umsögnum.

bbk fyrir 20 árum, 10 mánuðum

Já ég veit ekki…

Sony DSC-F828 vélin kemur sterklega til greina hjá mér, skemmtilegar vélar finnst mér.
Ég er voðalega hræddur um að þróunin verði þannig að þeir framleiði vélar með 9 til 15 megapixlum, bara upp á markaðinn að gera.
Hinn almenni kaupandi horfir oft á pixelafjöldan og því hærri tala því betri vél ( sem er ekki raunin ). Þannig að ég finn svona fyrir því að þessar vélar séu stílaðar á þennan markað… nema að verðið sé hátt já annars hvað kosta þessar vélar?
Það kemur mér samt á óvart hversu mikill slagur er í þessum geira

Þetta er náttúrulega þróun. Ég fíla nú samt meira D-SLR véla

Fyrra álit

Kobbi fyrir 20 árum, 10 mánuðum

Þessar vélar líta bara vel út. Það sem mér finnst einna áhugaverðast er þessi hristivörn hjá Minolta. Gaman verður að sjá hvernig hún reynist m.v. IS/HR frá Canon og Nikon.

Það er ekkert víst að optíska hristivörnin frá Canon komist fyrir í svona litlum linsum.

Canon setur L linsu á þessa vél sennilega vegna þessa að þeir neyðast til að setja eitthvað fansí gler í linsuna til að halda skerpu frá 28-200mm án þess að minnka ljósopið mikið. Einnig selur L-ið sennilega talsvert.

Nikon og Olympus vélarnar eru með ED, Minolta með APO, Sony með T*. Er það ekki sambærilegt og L-ið frá Canon?

Kveðja,
Kobbi

Fyrra álit

phoca fyrir 20 árum, 10 mánuðum

Ég held persónulega að svona vélar muni ekki ná miklum vinsældum. Ástæðan er sú að þær munu verða frekar dýrar og væntanlega mjög nálægt dslr-vélum. Fjölskyldu/sumarfrís-ljósmyndarar munu áfram kaupa imba vélar. Þeir sem hafa meiri metnað munu frekar fara í dslr. Fólk keypti svona vélar áður en dslr vélanar voru yfir 4000$ en mun ekki gera það núna er þær eru orðnar viðráðanlegri.

Það voru/eru til svona vélar fyrir filmu, þ.e. með vönduðum zoom-linsum og fullt af slr-eiginleikum. Þessar vélar voru aldrei mjög vinsælar. Þó svo að þessar vélar hafi á pappírunum getað tekið svipaðar myndir og það sem flestir nota slr-vélar í (þ.e. á bilinu 25-200mm) þá vildi fólk frekar slr þó svo að það hafi bara haft eina linsu. Ástæðan? Afhverju kaupir fólk 4Ghz tölvu með 1GB RAM þegar það notar bara office og fer á netið með 56kb módemi?
“Græju-gredda” held ég að sé svarið.

Næsta kynslóð af dslr budget vélum eins og EOS 300D og 10D munu hafa svipaða ef ekki betri sensora en 8MP og fólk mun velja þær frekar en vélanar að ofan.

Phoca

Fyrra álit

ConProduct fyrir 20 árum, 10 mánuðum

Þær eru ekki svo dýrar þessar vélar.
Sony DSC-F828 kostar um 850 $
Olympus C-8080 Wide Zoom virðist ekki vera komin á markað.
Nikon CoolPix 8700 er á um 1000$
Konica Minolta A2 virðist ekki ´heldur vera komin á markað.

Mér sýnist að þessar vélar séu í kringum 1000$ sem er ekki svo mikið sérstaklega miðað við það að dollarinn er ekki nema 67,27 as we speek.

Fyrra álit

phoca fyrir 20 árum, 10 mánuðum

ConProduct skrifar:
“Þær eru ekki svo dýrar þessar vélar.
Sony DSC-F828 kostar um 850 $
Olympus C-8080 Wide Zoom virðist ekki vera komin á markað.
Nikon CoolPix 8700 er á um 1000$”

Mitt svar, víst eru þær dýrar!! Í verði eru þær mjög nálægt Canon EOS 300D og EOS 10D og ég held að flestir myndu frekar splæsa í þær en þessar “eftirlíkingar af SLR”. Trúi t.d. ekki að nokkur sá sem á Canon Eos filmu-vél myndi fá sér svona í dag. Viðkomandi myndi fara upp í 300D eða 10D. Allavega myndi ég gera það.

kv. Phoca

Fyrra álit

jonr fyrir 20 árum, 10 mánuðum

Ég er ekki svo viss. Fyrir það fyrsta, þá bjóða þessar vélar upp á miklu meiri möguleika en t.d. 300D (spot meter, meira val í ljósmælingu ofl.) Líklega til að freista kaupenda.
Svo eru þessar vélar léttari og minni en SLR, en hafa samt TTL viewfinder. (Sort of :)).
Hinns vegar verð ég að taka undir með þér, dellukallar myndu kaupa SLR frekar, og meðaljónar sem aldrei hafa skipt um linsu á sinni SLR, myndu aldrei nota allt sem þessar vélar bjóða upp á.
En ég ætla amk að skoða þessar vélar. :)

Fyrra álit

jatli fyrir 20 árum, 10 mánuðum

Sammála því að það verður gaman að sjá umsagnirnar. Sérstaklega þar sem Sony DSC-F828, sem var sú fyrsta sem kom af þessum vélum, er ein umdeildasta vél sem ég hef séð lengi. Eða semsagt sú sem mest er rifist um. Dpreview.com gefur henni slaka einkun. Prófun í Amateur Photographer er víst alger slátrun. Spjallið á Dpreview er fullt af fólki sem er að skila vélinni. Svo er líka full af fólki sem ver vélina með kjafti og klóm. En ástæða þessa er víst svokölluðu “purple fringing” eða bjögun sem verður vegna mismunandi bylgjulengdar ljóssins. Kemur út sem fjólublá bjögun við sterk ljósskil. Þetta á sérstaklega við um á stóru ljósopi og þegar linsan er á víðustu stillingu.
Nú er spurning hvort framleiðendur eru að fara of langt í að metta megapixlamarkaðinn.
Allavega verður fróðlegt að sjá hvernig hinar vélarnar standa sig.

Fyrra álit

SpaceBoy fyrir 20 árum, 10 mánuðum

Ég hef haft tækifæri til að nota Sony DSC-F828 sjálfur og skal bara demba mér í að gera grein fyrir minni reynslu:

Vélin er haganlega smíðuð, liggur vel í lófa og viðmótið mjög þægilegt. Takkar eru vel staðsettir og mjög þægilegt að eiga við stillingar og hafa stjórn á öllum hlutum þó að maður sé með augað við “finderinn”. Linsan sem er 28-200mm miðað við 35mm filmu er æðislegt tæki, mjög skemmtileg við nærmyndatöku, portret og fl.

Manual zoomið er líka snilld og öll notkun vélarinnar svo góð að ég slefaði á sjálfan mig af ánægju, autofókusinn góður, og manual fókusinn líka þægilegur í notkun.

En svo þegar heim er komið og maður fer að kikja á myndirnar kárnar gleðin. Þeir Sony menn hafa misst sig alveg við að pumpa hana upp í 8mp upplausn. CCD-inn er af sömu stærð og í F717 ef ég man rétt, en með mun meiri upplausn, sem eins og flestir vita leiðir yfirleitt til “noise”. Allar myndir sem teknar eru í rökkri á hárri ISO stillingu verða grófar og bláir flekkir útum allt. Ef maður breytir þeim í svarthvítt sér maður hvernig “noise” myndar línur/mynstur í myndinni.

En myndir sem eru teknar við “venjuleg” birtu skilyrði eru flottar og ég varð ekkert var við “purple fringing”, enda lítið að taka með sterka ljósgjafa í bakgrunni. En ef menn hafa gaman að kvöldmyndatöku eða þurfa að nota ISO 800 mikið myndi ég því miður ekki mæla með F828.

En að öðru leiti alveg drulluflott, skemmtileg og vel hönnuð vél. Þeir hefðu bara átt að róa sig og gefa út 5MP vél með þessu boddyi og linsu, það hefði verið snilld!

Fyrra álit

vjoz fyrir 20 árum, 9 mánuðum

ég held að fólk ætti að skoða fisíska stærð á sensornum miðað við megapixlafjölda.

6 megapixla DSLR vélarnar frá canon eru með mörgum sinnum stærri sensor heldur en 828.

Sony notendur eru þjakaðir af noise.

Fyrra álit

Aden fyrir 20 árum, 8 mánuðum

Lykillinn liggur ekki í Mp fjöldanum, hann liggur fyrst og fremst í flögunni. Þar færðu myndina og ef þú ert með góða flögu ertu með góða mynd svo skiptir líka máli hvernig vélin er að umrita myndinni á kortið. Oftast er það JPEG en það sem canon hefur gert með t.d. Powershot G3 og G5 er .RAW. Sem er í raun ekki mynd heldur óþjappaður file. Þetta gerir það að verkum að þú getru opnað hana í t.d. photosop og átt endalaust fyrir hana, því hun er HUGE;) reyndar tekur hver mynd um 4 mb en það skiptir ekki öllu…

Ég sjálfur hef prufað HELLING af vélum og þekki marka atvinnuljósmyndara sem eru bara með G5 í sinni vinnu, sem sæmi er öll hönnunardeild odda einungis að stiðjast við þessa græju!

Hún hefur verið að koma vel út með mjög margt..!

Fyrra álit

[Notanda eytt] fyrir 20 árum, 7 mánuðum

“ég er ekki alveg að fatta Canon, að setja L linsu á þessa vél og sleppa hristivörninni, þeir settu hristivörn á S1, sem kostar þó helmingi minna.”

já.. það ætti að vera must að hafa hristivörn ef nýta skal hátt zoom :)

síðan með 8 MP að þá sé ég ekki alveg tilganginn. 3,2MP er alveg að duga í A4 myndir og með smærri myndir, svona 10x15 breytir það litlu hvort vélin er 2,3,4mp. Það er vissulega hægt að zooma meira í tölvu með 8mp en ef zoomið á vélinni er hátt breytir það litlu.

Fyrra álit

Ljósmyndun

Ljósmyndun

Ofurhugar

Stjórnendur

Hverjir eru inni

Greinar

8MP innrásin er hafin.

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi