Ég skal nú reyna að svara þér eftir bestu getu. SLR þýðir Single Lens Reflex, það þýðir í stuttu máli: Þú horfir í gegn um sömu linsu og myndavélin notar til að taka myndina. Myndinni er varpað frá filmunni/myndflögunni með spegli þar sem þú skoðar hana. Síðan þegar þú smellir af, þá lyftist spegillinn og beinir ljósinu á filmuna/rásina og tekur mynd. Svo dettur spegillinn aftur niður.
Hér er ágætis útskýring:
http://entertainment.howstuffworks.com/came ra7.htm

Varðandi white balance. Þessar tölur standa fyrir Kelvin, en “litur” á ljósi er mældur í kelvin. Lágar tölur þýða rauðleitt ljós, háar bláleitt.
Hér er ágætis tafla:
http://www.schorsch.com/kbase/glossary/cct.html
Varðandi gæðin, þá gæti þú bara einfaldlega verið betri ljósmyndari? :) Myndgæði hafa lítið með upplausn að gera, þessi Olympus vél þótti reyndar mjög góð á sínum tíma, enda var hún rándýr. Og segðu bróður þínum að hætta að nota digital zoom, það er gagnlaust.
Ég hef aldrei átt svona vél, en fékk einu sinni að fikta í einni fyrir mörgum árum. Get því miður ekki bent þér á hvert þú átt að snúa þér. Ég veit að þú gast fengið aðdráttarlinsu og millistykki fyrir smásjár og stjörnukíki.
Mundu bara að senda inn myndir. ;)
J.

Jonr segir þetta eiginlega alltsaman. Þegar talað er um SLR er það Single Lens Reflex eins og hann segir en þetta er oftast notað við myndavélar sem þú getur skipt um linsur á, ég hef oft heyrt talað um myndavélar eins og þínar sem “SLR-like” útaf speglinum.

Kelvin er eins og Jonr talar um hiti á ljósi. Þegar þú tildæmis tekur mynd þegar það er skýjað og notar 3000k á myndavélinni verður myndin frekar blá og rauð ef þú notar kelvin 6500 og tekur myndir innandyra við ljósaperu lýsingu. Það er hægt að redda sér svolítið í photoshop með “curves” en það er flókið, virkar ekkert rosalega vel og minnkar alltaf gæðin, betra að gera þetta strax rétt.

Síðast skipta megapixlar voðalega litlu máli þegar þú ert kominn upp í 2-3mp og ætlar aldrei að prenta neitt stærra út en A4. Linsan skiptir auðvitað rosalegu máli og líka hversu vel myndavélin vinnur úr upplýsingunum sem koma inn á myndflöguna, sumar myndavélar skila ömurlegum litum til dæmis.

Ég veit samt ekki alveg hvaða myndavél þetta er? Finn hana ekki á dpreview sem C1400XL allavega… Ég held þetta sé þessi vél -> http://www.dpreview.com/reviews/specs/Olympus/oly_c2500 l.asp

Og í guðanna bænum segðu bróður þínum að hætta nota digital zoom!!! Það sem gerist þegar þú tekur digital zoom er það að myndavélin minnar myndina úr kannski 3 megapixlum í 0.6 megapixlar, notar semsagt bara lítinn hluta til að “zooma” Þú gætir alveg eins tekið myndina á 3 mp og klippt hana svo bara út bitann sem þú vilt stækkaðann eftirá, það hefur nákvæmlega sömu áhrif…

Tek það fram að það er margt annað en megapixlar sem skipta máli við stafrænar myndavélar. Til dæmis er canon G3 “bara” 4 megapixlar og hún kostar eitthvað um 100 þúsund en svo geturðu fengið einhverja Hewlett Packard eða Trust (man ekki alveg hvaða merki) 4 megapixla vél á 20 þúsund. Giskaðu svo hvor er betri. Reyndar gæti hp vélin verið fín ef þú gerir engar rosa kröfur en þetta er í raun engin samkeppni þarna á milli.