Aðsend ljóð frá Violet og Tyrannosauruskex.
Endilega haldið áfram að senda =)

Violet:

Fann þetta ljóð þegar ég var að fara í gegnum tölvuna mína, vekur endalausan kjánahroll, litla ég að reyna að vera með djúpar pælingar.


Er mér að dreyma?

Hér sit ég heima
Gæti mér verið að dreyma?
Hugurinn heldur ekki
Það er hann sem ég þekki
Það er hann sem veit
Og út um gluggan ég leit

Aftur sit ég ein heima
Og núna er mér að dreyma
Banani í rútubíl
Breytist allt í einu í fíl
Ég vakna, klukkan sló
Þetta var draumur það veit ég þó


Tyrannosauruskex:

Ég lærði ekki að yrkja fyrr en eftir tvítugsaldurinn, því miður. Hinsvegar ætla ég að leyfa mér að kasta fram:

Ef að hefði eitthvað lítilræði
ort sem krakki, því ég vildi gleyma.
Síst ég myndi sýn´á þessu svæði
sum þó held ég talist gætu æði.