Hér held ég á Óðhalaringlu og hvergi er hér ljóð með þessum titli. Ekki er heldur ljóð með þessum titli í kvæðasafni Þórarins Eldjárn, en það hefur að geyma flest ef ekki öll ljóð bókarinnar Grannmetis og átvaxta.

Það eina sem mér dettur í hug er að ljóðið sé að finna í Gælum, fælum og þvælum, sem ég á því miður ekki. Skömm er frá að segja.

Nema ljóðið heiti kannski e-ð annað?

Heyrðu, ég fann ljóðið! :D Takk samt fyrir hjálpina

Á Hundagötu hundrað
var Hannes Jónsson bakari.
Í sama svarta húsi
var Sigurliði rakari.

Með gleraugu úti í garði
var Gunnar ýsuflakari
og uppi í einu trénu
sat ótrúlegur kvakari
en alveg úti í horni
stóð aðvífandi takari.

Og bakarinn fór að baka
og rakarinn að raka
og flakarinn að flaka
og kvakarinn að kvaka
og takarinn að taka

e. Þórarinn Eldjárn

Bætt við 9. október 2009 - 16:51
Heyrðu já, þetta voru algjör mistök hjá mér. Ljóðið er ekki að finna í Óðhalaringlu. Er ekki viss með bókina, en er nokk viss um að það sé í Granmeti og Átvextir.. annars fann ég það á netinu eftir nokkrra leit.