Mitt uppáhalds er ljóðið Barn eftir Stein Steinarr.

Barn

Ég var lítið barn
og ég lék mér við ströndina.
Tveir dökkklæddir menn
gengu fram hjá
og heilsuðu:
Góðan dag, litla barn,
góðan dag!
Ég var lítið barn
og ég lék mér við ströndina.
Tvær ljóshærðar stúlkur
gengu fram hjá
og hvísluðu:
Komdu með, ungi maður,
komdu með!
Ég var lítið barn
og ég lék mér við ströndina.
Tvö hlæjandi börn
gengu fram hjá
og kölluðu:
Gott kvöld, gamli maður,
gott kvöld!

Tíminn og Vatnið - Steinn Steinarr.

Móðurást eftir Jónas Hallgrímsson. Hef kunnað það síðan í.. 3. eða 4. bekk.

Magnað ljóð


Eftirmæli um ljón sem hafði tennur

Höfundur :
Bubbi Morthens)

Texti :
Þú sem varst fallegastur allra
útbrunnið skar
rétt fimmtugur

Þú virtist halda að
ódauðleikinn
fælist í líferni þínu
en ekki í ljóðum
Þjáningabræður þínir sáu ljósið
er þú birtist stórstígur
fékkst þinn þúsundkall

Þinn eigin efi
sá í gegnum þig
tinandi höfuð
skjálfandi hendur
þurran hóstann
líflaus augun
gömul plata hjakkandi á gömlum frösum

Víst varstu á yngri árum
konungur gangstéttanna
ljónið
Í ljóðum þínum
var alltaf innistæða
en þú þorðir ekki að fara ungur
nei til þess skorti þig kjark
Þú fórst ekki fallega

Ég kunni alltaf vel við þig
kannski vegna þess
að við vorum báðir veikir fyrir
þú nefndir aldrei lán við mig
heldur geturðu gefið

Hvernig menn gátu dásamað
þjáningu þína
skildi ég aldrei
skáld og róni
flottasti kokkteill allra tíma
fyrir þá sem þurfa ekki að drekka hann

Það er voða erfitt að segja.

Reyndar er eitt mitt uppáhalds ljóð eftir hana Abigel.



Sjaldan fellur tréð langt frá eikinni?

Heima hjá mér er stöðugt líf.

Bakkus er tíður gestur
og meðan hann smám saman
byrjar að mála veggina appelsínugula
hljóma öskur foreldra minna taktfast í bakgrunni.

Sjálf sit ég uppi í rúmi
horfandi á brotinn spegil
og velti fyrir mér:
Af hverju má herbergið mitt ekki vera blátt?



_______
Svo eru mörg önnur flott ljóð.
Sendi þetta inn af því að það er eftir hugara og er eitt mitt uppáhalds.

ég á þónokkur… t.d. hugleiðingar um nýja heimsstyrjöld eftir stein steinarr… og kveðja eftir jónas hallgrímsson… en þitt kæri “litli” bróðir?

Múrbrot eftir zorglu

Það er eitt ljóð sem ég las eitt sinn alltaf þegar ég fór á klósettið í vinnunni, þá stóð það á hurðinni, mann hinsvegar bara fyrsta erindið..

Hér er ró og hér er friður
Hér er gott að setjast niður
Hugsa sína þungu þanka
þar til einhver fer að banka
þá er mál og mannasiður
að standa upp og sturta niður
þvo og vaska sínar hendur
og hylja sínar mittislendur

veit ekki eftir hvern þetta er, stóð bara ókunnur höfundur minnir mig..