Blessaður Czar.
Þetta er nákvæmlega eins og mér leið fyrir rúmu hálfu ári þegar ég fékk svona bréf í pósti eftir að hafa látið inn ljóð á poetry.com.
Ég borgaði allt heila klabbið (næstum) og hugsaði “maður verður nú amk að sjá þetta ef það er verið að gefa út efni frá manni í bók!”
En síðan prófaði ég að senda inn fleiri ljóð, og það brást ekki: nokkrum dögum/vikum seinna fékk ég bréf um hvað ljóðið mitt væri frábært og sérstakt og að þau hefðu ákveðið að gefa það út í ANNARI bók! (ekki sama og fyrra ljóðið)
Ég fór virkilega að efast þegar þetta gerðist í fjórða skiptið, en það var orðið of seint hvort sem er að hætta við að kaupa fyrstu bókina.
Núna í desember fékk ég svo bréf heim frá TOLLINUM! Þeir sögðu að bókin væri komin, að ég þyrfti að sanna hvað ég borgaði fyrir hana og borga skatt af því. Upphófst þá mesta vesen í mannkynssögunni: að fá þessa bók í mínar hendur! Ég þurfti að fylla út skjal til að pósthúsið mitt gæti séð um þetta fyrir mig, og ég þurfti að sanna hvað þetta kostaði og senda þetta allt til þeirra. Svo núna í síðustu viku fékk ég loksisns bókina og þurfti auðvitað að borga fúlgur fjár AUKALEGA fyrir annars dýra bók.
Ég var alls ekki ánægður með bókina, kanski mest vegna þess að þetta var búið að vera svo mikið vesen, en samt.
Mér þykir leiðinlegt að eyðileggja fyrir þér spennuna, ég veit hvernig þér líður “það er verið að gefa út ljóð eftir mig í ljóðabók í ameríku!” en taktu mínum ráðum. Slepptu þessu.<BR