Ég svaf svo vel í sólinni
undir trjánum
með bókina á maganum.

Lítill grænn froskur hoppaði við húsvegginn
eins og mús á leið heim
skýin liðuðust hægt yfir himininn
og flugurnar suðuðu allt um kring
sumar í leit að blóði
aðrar í leit að blómum
ein stakk mig í fótinn
hún saug og saug
en ég vaknaði ekki
hún tók lífs míns vökva og flaug á braut.

Ég svaf svo vel í sólinni
undir trjánum
bókin hafði dottið í grasið
og sólin færst til á himnum
froskurinn var hvergi sjáanlegur
kyrrð.

Ég klóraði mér í fætinum.