án þín er ég ekkert
með þér er allt
þú heimsins fegursti fengur.
mín svölun í hita
minn hiti sé kalt
þú drottins dýrasti drengur.

þú ert mín gleði
þú ert mín sorg
þú ert minn háværi hlátur.
þú ert mín stytta
og stoð hér í borg
en einnig minn sárasti grátur.

er dimmir á kvöldin
og tekur að syrta
þá loks hvílir sólin sig.
ég held að bros þitt
sé mín eina birta,
og ég held
að ég elski þig.
“Enginn veit til angurs fyrr en reynir”