En svo er náttúrulega alltaf hægt að fara milliveginn…smá klapp en líka smá ,,laga þetta“. Það er alveg rétt hjá þér, það gerir engum gott að fá endalaust klapp á bakið en það gerir heldur engum gott að fá endalaust slæmt um ljóðin sín. Það er enginn, að ég held, að gagnrýna það að þú skulir segja þína skoðun, heldur hvernig þú gerir það. Hvað bætir það mig sem skáld ef ég fæ ekki að heyra hvað ég geri illa, eða hvað ég geri vel ef að því er að skipta?
Viðkvæmni…nei, fólk fer bara í vörn þegar ráðist er á það. ,,þetta er svo lélegt að þú ættir að henda tölvunni þinni út um gluggann” var ein gagnrýnin frá ykkur, annað hvort þér eða Schindler. Fólk fer bara í vörn og persónulega finnst mér ekkert athugavert við það, enda frekar fyrirsjáanlegt. Segðu endilega það sem þér finnst, en mundu að ef að þú vilt láta taka mark á þér, þá er betra að hugsa um hvað þú ætlar að segja og reyna að finna rök við hæfi. Og að hvetja fólk til að rakka ,,niður leirburðinn" er ekki úthugsað atriði hjá þér, að mínu mati. Slíkt getur bara endað á einn hátt….og það er illa!