Þig ég vil um versta kaflan leiða
og vernda þig svo ekkert slæmt þig hendi.
Til þín ég aðeins allt það besta sendi.
Með yður gerði almættið mér greiða.

Lengi geta augun þín mér yljað
og alltaf verður þú í huga mínum.
Í draumum jafnt sem dásamlegum sýnum
dvelur þú, allt sem ég hef hér viljað.

Kossar þínir kynda í mér bál
og kátína þín vekur hug úr dvala.
Má ég eldast ástin mín með þér?

Þína mun ég mestu drekka skál
og mæra á alveg nýjum stærri skala.
Allt sem munt þú þurfa, það er hér.