Af atburði nú sögu segja skal
sem setti hug minn verulega úr skorðum.
Ég heyrði óvart tveggja manna tal
sem tíminn hefur gert að þessum orðum:

„Í kvöld við skulum kynnast djammsins list!
og kaldan bjórinn sötra vel og lengi.“
- „Ég sleppi því, ég sletti úr klaufum fyrst
þá slær á miðrar vinnuviku strengi.“

„Nú hlýtur þú að vera að gera grín
og gantast í mér, annað væri skrítið!“
- „Ég grínast aldrei, ein er regla mín:
Ég alltaf vakna um helgarnar í bítið.“

„Þú kemur með, við syngjum lífsins lag
og látum okkur fljóta á bjórsins öldum!“
- „Ég nenni ekki að drekka bjór í dag,
ég djamma bara á miðvikudagskvöldum.“