Lostafull stuna þín kýlir mig kaldann
leynd falin kjarnorkan streymir óheft
tveir fölbleikir blóðfullir skinnpokar
mynda æðsta sköpunarverk dauðvona guða

erlend tunga þín þýðist svo mjúklega
yfir á tungumál þögulla elskenda
glóandi augu þín geyma skilning og ást
meðan hjartað pumpar lífsins vökva

við svífum hlægjandi svo leikandi létt
tímavörður dauðans glottir lymskulega
á frjálsar sálir dansandi lífsins tango
ofar veraldlegum tíma og efnislegu rúmi