Tístrar þarna titrandi mús,
teikna ég nú stökkvandi lús.
Hendi til hennar stórri krús,
þarna er mitt litla… bygging.

Hoppa ég ofan á hest,
heiðin er rofin af stórri lest.
Puttinn minn hann pínandi sest,
hitti ég nú gamlan… mann sem að predikar fyrir fólki um trúarmálefni.

Dauðinn er sá sem að drýgur hór,
dansar þar heimskur og mjór.
Brosandi fallegi beiski sjór,
sýp ég nú á mínum… drykk sem er gulgrænn á litinn og gerir mann kærulausann og graðann og hættulegan undir stýri og maður vaknar daginn eftir með hausverk.

Logar þarna bjart ljós,
líkt og brennandi fjós.
Rennur og rofnar springandi dós,
uppsprettur falleg… blóm sem er tákn fyrir ást og er með vellyktandi rauðum blöðum á toppnum, grænum hörðum stöngli, grænum laufum og svona þyrnum sem stinga mann ef maður passar sig ekki.