Deeq fyrir 23 árum, 5 mánuðum Fjöldi lestra: 295

Úr augsýn.

Klukkan er ellefu
og ég geng út í
kvöldroðanum,
bíðandi þess
að nóttin sveipi hulu sinni
yfir heimkynni mín.

Í brjósti mínu bærist von
um að svarið sem ég leitaði að
húmi í myrkrinu,
bíðandi þess að ég komi
og gleðjist með því
yfir því að geta gefið.

Klukkan er tólf
og kvöldroðinn er farinn.
Skýin bærast lítt um himininn
uppljómuð að virðist
af fjarlægum loga
handan sjóndeildarhringsins.

En hvergi er nóttin
og von mín um svarið
sem vildi svala þorsta mínum
fýkur með hafgolunni
úr augsýn.

Hvað er þetta Undirskrift pósta?

pardus fyrir 23 árum, 5 mánuðum

Kannast við tilfinninguna. Þú ert leiður, einn á gangi úti í nóttunni og hugsar rosalega mikið um alltsaman… svo kemur vindur, þú færð hroll og um leið hættir þú að hugsa.

This is deeeeeeeeeeeeeeeeeeeeeeeeep… en gott engu að síður… líka hitt ljóðið :)

Náttúrubarn, landfræðinemi, veiðimaður, ljóðskáld og alls konar manneskja.

Fyrra álit

Deeq fyrir 23 árum, 5 mánuðum

Veistu, reyndar fjalla bæði ljóðin um sama málefnið. ;> Frá tvemur mismunandi hornum að vísu.

Og frá mínum sjónarhóli er ég ekki “Leiður” í ljóðinu en rétt er það að ég var hugsi.

En seg mér eitt, eða hver sem er yfir höfuð..

Hvaða skilning leggið þið í:

…
bíðandi þess að ég komi
og gleðjist með því
yfir því að geta gefið. (svarið)

Mér þætti gaman ef einhver legði sama skilning í þetta og ég.

Hvað er þetta Undirskrift pósta?

Fyrra álit

pardus fyrir 23 árum, 5 mánuðum

Ertu í ástarsorg Deeq? Ég meina, þú gætir verið að meina það að ástina þína sé að finna einhvers staðar í myrkrinu, bíðandi eftir þér og þú vonar að þú getir sýnt henni hvað þú hefur fram að færa?

Ég veit það ekki… en ég meina, þannig hugsa ég oft og þú sérð hvernig mín ljóð eru… oft um ástarsorg eða ást :)

Náttúrubarn, landfræðinemi, veiðimaður, ljóðskáld og alls konar manneskja.

Fyrra álit

Deeq fyrir 23 árum, 5 mánuðum

Nei, ég er merkilegt nok ekki í ástarsorg, en það get ég sagt þér að þetta var ágætis kenning. Svona þegar ég pæli í því þá er þetta ljóð skemmtilega margrætt. ;) Me Happy.

En þó, ég skal viðurkenna að þessi dálkur vísar til ástalífs á einn veg, og ljóðið á fleiri en einn. Það er staðreynd.

pardus. Það er voðalega gaman að pæla í ljóðum með þér. ;)

Hvað er þetta Undirskrift pósta?

Fyrra álit

pardus fyrir 23 árum, 5 mánuðum

Það besta við ljóð er að þau eru margnota… hver og einn skilur ljóðið eins og hann vill en fáir eins og höfundurinn sjálfur hugsaði það.

Eins og ljóðið mitt: “Fjaðrafok í Samböndum”, það skilja það fáir en ég skil það á minn hátt.

Til dæmis… hérna kemur ljóð sem hefur rosalega mikla merkingu en er örstutt og dularfullt (bara dæmi… ekki gott ljóð :) )

-Tommi og Jenni-
Kötturinn stígur á mottuna
er hann eltir músina inn í holuna.

Í mínum augum (ekki af eigin reynslu samt) er mottan barnið, kötturinn faðir og músin móðirin. Faðirinn og móðirinn eru að rífast en þau stíga bæði á mottuna í eltingarleiknum, það er að segja, þau traðka á barninu.

Pardus.

PS. Deeq, það er mjög gaman að pæla í ljóðum með þér… en ég get það ekki núna (það er að segja AKKÚRAT núna, seinna :))

Heyrumst.

Náttúrubarn, landfræðinemi, veiðimaður, ljóðskáld og alls konar manneskja.

Fyrra álit

pardus fyrir 23 árum, 5 mánuðum

Og auðvitað þýðir holan skilnaðurinn og þunglyndið sem fylgir honum :/

Náttúrubarn, landfræðinemi, veiðimaður, ljóðskáld og alls konar manneskja.

Fyrra álit

Deeq fyrir 23 árum, 5 mánuðum

Merkliegt nok, góð skýring á þessu tommaogjennaljóði. Ég hins vegar hefði bara hugsað hið augljósa. Mottan er fyrir framan holuna og maður kemst ekki inn án þess að stíga á hana.

Hvað er þetta Undirskrift pósta?

Fyrra álit

ljufa fyrir 23 árum, 5 mánuðum

Ljóðið hefur ekki þau áhrif á mig að mér finnist þú leiður heldur meira svona “það vantar eitthvað (einhvern)”-tilfinning…

—
bíðandi þess að ég komi
og gleðjist með því
yfir því að geta gefið.
—

Mér finnst þetta vera vísun í sameiningu tveggja sálna - það að finna þann sem maður elskar, geta gefið af sér og glaðst með ástinni sinni… en í endanum er svarið fokið út í vindinn og spurningin stendur ósvöruð…

Fyrra álit

Deeq fyrir 23 árum, 5 mánuðum

Já, þú skaust bara fjandi nálægt. Og hittir naglann á höfuðið með þetta að hafa einhvern til að gefa til. Einhverntímann rakst ég einmitt á setningu í bók sem heitir “Kristallar, spaklega orð og máltæki” eða eitthvað þannig. Þar rakst ég á eftirfarandi setningu.

“Ekki spyrja sjálfan þig hvort þú sért verður einhverrar gjafar, spyrðu þig heldur hvort þú sért verður þess að gefa”.

Þessar þrjár línur sem þú pældir í voru í raun óður til þessarrar setningar. Það er sannarlega þess virði að gleðjast yfir þegar tveir einstaklingar eru verðir þess að gefa hvor öðrum.

Takk og Bless.

Deeq.

Hvað er þetta Undirskrift pósta?

Fyrra álit

ljufa fyrir 23 árum, 5 mánuðum

Þakka þér fyrir að deila ljóðinu þínu með okkur :)

Fyrra álit

Deeq fyrir 23 árum, 5 mánuðum

Og takk sömuleiðis að veita því athygli.

Hvað er þetta Undirskrift pósta?

Fyrra álit

Ljóð

Ljóð

Ofurhugar

Stjórnendur

Hverjir eru inni

Greinar

Úr augsýn.

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi