Glæsilegt og áhrifamikið. Klöppum öll fyrir zorglubb.

Ég ætla nú ekki að klappa.

Zorglúbb getur ort mjög beitt ljóð, þar sem myndmálið ræður för og lesandinn velkist einhvern veginn með. Að lokum er síðan aðeins ein niðurstaða fáanleg. Þetta er hans allra sterkasta hlið. En hérna nær hann ekki þessu flugi.

Hluta til vegna þess að hann eyðileggur fyrir sjálfum sér með stuðlasetningu. Til að byrja með er hún ekki alls staðar og þar að auki ekki alveg rétt þar sem hún er. Það má vera að skáldið sé að brjóta upp hefðir, en fyrst svo er ætti það ekki að eiga við alls staðar?

Í 1. línu er rétt stuðlað, svokölluð hástuðlun (1. & 3. kveða innihalda sinn ljóðstaf hvor) og höfuðstafur á sínum stað í 2. línu. En síðan hverfur hann frá þessu í 3. línu, þó að höfuðstafurinn sé réttur.

Í 2. erindi lætur hann 3. línu standa sér um stuðla, en hins vegar flaskar hann á staðsetningu þeirra. Það þarf nefnilega alltaf að standa ljóðstafur í 3. kveðu. Þessi mistök endurtekur hann síðan í 4. línu.

Ég er þeirrar skoðunar að þetta ljóð mætti gera miklu betra, með því einfaldlega að sleppa þessum stuðlum. Þeir skemma hreinlega fyrir annars ágætum boðskap þessa ljóðs.

Mér finnst þetta ljóð eitt af þeim betri sem hafa komið inn á síðuna lengi. Myndmálið, orðavalið og flæðið er fullkomið (að mínu mati). Hef alltaf verið mikið fyrir ádeilur og þessi er ein af þeim betri! :)

Ekki spillir fyrir að USA (hinir “góðu”) áttu sinn þátt í þessum loftárásum og hafa þeir sjaldan verið í miklum metum hjá mér.

Kv. Danni

P.S. Svo ég haldi sleikjuhættinum áfram þá verð ég að segja að ég hef sjaldan eða aldrei séð lélegt ljóð frá þér Zorglúbb! ;)

Ég verð nú reyndar að taka undir með Tmar í þessu tilfelli. Þessi stuðlasetning truflaði mig alveg rosalega þegar ég las þetta. Eins finnst mér orðaröðin öll hin einkennilegasta, hún hljómar eins og í hefðbundnu ljóði þar sem brengluð orðaröð myndi þjóna tilgangi, en í þessu tilfelli gerir það ekkert annað en að þjóna brenglaðri og þarflausri stuðlasetningu. Ég ætla að gefa mér að þetta sé tilraunamennska hjá Zorglubb, hann hefur sýnt fram á fyrir löngu síðan að hann er í flokk með allra frambærilegustu hugaskáldunum. Hins vegar er tilraunamennska eina leiðin til að koma í veg fyrir stöðnun og það geta ekki allar tilraunir gengið upp.