Grimm er sú glíma
gegn eigin huga
þegar hann þjakar
þrúgandi myrkur

Vanur að verjast
vonleysinu einn
dragandi djöfla
dapur í hljóði

Átti mér ósk að
eignast til banda
vin sem þá vildi
vaka yfir mér

Einhvern sem einnig
yfir ég gæti
vakað og verndað
vörgum lífsins gegn

Lengi bar leitin
lítið úr býtum
horfinn í hugar-
heim fyrir löngu

Einn og óstyrkur
inní mér dvaldi
fékk þó að finna
frið öðru hvoru

Frelsið ég fékk er
fannst þú mig kæra
lásinn aflæstir
losaðir mig út