mig langar
að troða allri sorginni
sem þú hefur valdið mér
í svartan pott

mig langar
að blanda síðan samanvið
tárunum sem ég felldi
útaf þér

mig langar
að æla í pottinn
öllum áhyggjunum
sem þú valdir

mig langar
að bragðbæta grautinn
með brotum úr því hjarta
sem þú splúndraðir

mig langar
að neyða þetta oní þig
hvern einasta dropa
með bros á vör

mig langar
að líta í augun á þér
og spyrja þig pent
hvernig þetta hafi bragðast