Sjá þetta ömurlega hrós af vörum 13 ára stráklings.

Það getur vel verið að ljóðið sé ófrumlegt og ekki nógu gott enda eitt fyrsta ljóðið sem ég samdi. En ég bregð ekki upp tveim myndum heldur einni. Mynd af vegi sem er grýttur og táknar erfitt líf. Og þó að þú segir að einstaklingurinn geti þá bara gengið á grasinu er það misskilningur hjá þér. Það er ekki hægt að víkja út af þeim vegi eða lífshlaupi sem hverjum og einum er ætlaður.
Það eru ekki allir sem geta gengið á grasinu og átt náðuga daga eða með öðrum orðum skotið sér undan vandamálum og erfiðleikum á lífsvegi sínum.
Þetta ljóð er því EKKI um einstakling sem ‘er að gera sér erfitt fyrir’,eins og þú segir, heldur um manneskju sem gengur í gegnum miklar þolraunir.
Varðandi það sem ég segi í ljóðinu að það sé enginn vegur til baka er það rökrétt því ekki er hægt að spóla lífið til baka.
Og það að grasið grær yfir sporin táknar einfaldlega það að tíminn leggur hulu gleymskunnar yfir fortíð sem erfitt er að lifa með.
Og þetta með uppbyggilega gagnrýni sem þú talar um á öðrum stað hér á huga er ég sammála þér um að hún er nauðsynleg.
En því miður finnst mér tungutak þitt í gagnrýninni vera of gróft til þess að hægt sé að telja hana fagmannlega.
Ég tek gagnrýni ekki illa ef hún er vel fram sett og vel rökstudd hvort sem hún er góð eða slæm.
En óhefluðu orðalagi tek ég ekki mark á.
Ritchard B.þakka ég hrósið þó mér finnist hann taka helst til of djúpt í árinni þegar hann segir að ljóðið sé ágætt. Mér finnst það ekki vera það.
En hann segir að þetta sé ekkert nýtt. Vel má það vera.
Þemað er þekkt en það eru fleiri þema. Til dæmis ástarljóð. Þau eru svo sannarlega ‘ekkert nýtt’. Þúsunda ára gömul en þó enn í fullu gildi.
Það skiptir ekki máli hvort þemað er nýtt eða gamalt. Heldur hvernig tekst að vinna úr þemanu.
Og ég segi aftur að mér finnst ég ekki hafa unnið nógu vel úr þessu þema, enda er þetta ljóð ort fyrir löngu ,löngu síðan.
Og Oddurthor ég bendi þér vinsamlega á, að ef að þú hefur tíma geturðu e.t.v.lesið fyrri ljóð mín á huga. Ég vona að þú finnir alla vega eitt sem þér finnst vera á betri ‘level’ en þetta.
Með bestu kveðju til ykkar allra. cocobana.

Sjaldgæft….. gerist …. en sjaldgæft … ;)

- kveðja,
Laurent/Keats

Af hverju þurfa ljóð að ver eitthvað nýtt??

Og hvernig stendur á því að hinir nýju og öflugu gagnrýnendur síðunnar (RitchieB og oddurthorr) og þeirra sem á hana rita hafa ekki heiðrað okkur með neinu af sínu eigin efni??

Kveðja
Guntram Kraft