Í svefnsárið fer allt í gang

Fuglarnir í hausnum vakna
og hefja sitt hugarflug

Fljúga syngjandi í allar áttir
í leit að einhverju áhugaverðu

Lenda öðru hvoru í stutta stund
og krafsa í eitthvað

Halda svo flögrinu áfram
og safna ýmsu í hreiðrin sín

Hreiðrin fyllast af alls konar dóti
allt frá fegurstu gersemum að gráu rusli

Eftir talsverðan tíma og mikið flug
byrja fuglarnir að róast

Einn af einum snúa til baka
til að skoða afrakstur þessarar söfnunar

Þegar síðasti fuglinn snýr aftur
færist kyrrðin yfir allt

Í kyrrðinni sem fylgir
verða hlutirnir í hreiðrunum mest áberandi

Sól svefnsins rís hærra og boðar nýjan draum