Þegar örvar sársaukans hitta
sem harðast, og splundrast
í þúsund örlitlar agnir og
hjarta þitt engist af kvölum.
Þá ertu ekki langt frá sjálfri þér,
eitt andartak og þú munt sjá
fortíðarinnar braut í heilu lagi.
Tær sem spegill sálarinnar eða
sem lindin djúpa og dulúðga.
Vertu hugrökk og flúðu ekki
Af hólmi sjálfsþekkingar.
Mættu sterk andliti sjálfs þíns
Framtíðin skorar á þig
og bíður viðbragða þinna.
Því líf þitt liggur hér og
orsökin fyrir því
hver þú raunverulega ert..