Ég sendi þetta ljóð inn um daginn en núna er ég búinn að breyta því aðeins og gaman væri að vita hvað fólki finnst…


Þú vilt mér vel
og verður mér góð.
Ég átti mér ósk
og orti ljóð.
Ég lifi sem aldrei áður.

Þú veittir mér von
sem var mér í hag.
Ég ást þinni uni
hvern einasta dag.
Um alla eilíf mun gera.

Ég læri að lifa
og leika rétt.
Þú munt mig þjálfa
og þykja létt.
Þú ert allt sem ég þrái.

Ég glaður vil gefa
það góða í mér,
allt mátt það eiga,
það ætlað er þér.
Aðeins þig mun ég elska.

Mín eina ósk,
mín eina þrá,
mín eina ást,
allt sem ég á.
Finnst í faðmi þínum.

Þó dagur sé dimmur
og drungi í sál,
þá fljótt muntu flytja
þitt fegursta mál.
Gæta mín, hugga og gleðja.