Ég hef skoðað þúsundir síðna um tippman byssuna, og flestir virðast vera sammála um að byssan er áreiðnaleg og góð, en hún hefur þá vankanta að vera helst til hávær, og að hlaupið sem fylgir með henni (þeas Custom M98 týpunni) sé soldið lélegt og grófgert að innan sem valdi því að kúlur brotni auðveldlega.

Hins vegar virðist byssan ákaflega vinsæl, og virðist njóta gífurlegrar sölu og eru langflestir sem kaupa hana ánægðir með hana. Það er þá helst að fólk leggi til að maður kaupi sér annað hlaup (t.d. J&J ceramic) sem á að gera allan gæfumuninn.

Þess má geta að Tippmann er einmitt sama fyrirtæki og framleiðir lita-jarðsprengjur, málningar-fallbyssur, paintball-golfbíls-skriðdrekann og allt þetta brjálaða dót. En það er víst því miður svo að sala þessarra áhalda er eingöngu heimiluð til hernaðar- og löggæsluaðila og er ætluð til notkunar við þjálfun.