mimir fyrir 24 árum, 4 mánuðum Fjöldi lestra: 387

Bið um svör og comment.

Hérna endursendi ég einn af fyrri póstum mínum og vil gjarnan einhver viðbrögð: Mér finnst eðlilegt að byssurnar séu “seldar” leigendum á einhverjar krónur. Bara svona til þess að það sé formleg sala. Mér finnst fáránlegt að það gjald fari yfir 1000 kallinn. Svona þar sem maður er nú einu sinni búinn að borga byssuna. Hinsvegar finnst mér þetta góð hugmynd hjá Wyrminarrd um geymslugjald (lesist leiga eða hvað annað til þess að það sé löglegt). Þar sem aðal kostnaður félagsins er vopnageymsla. Þá yrði ársgjald lækkað í svona 1000 kall en geymslugjald yrði , segjum 5000 kr fyrir hverja byssu. Mér finnst það allavega sanngjarnara rukka fyrir hverja geymda byssu heldur en að setja ofan á innfluttar byssur og svo að selja þær eigendum sínum á nokkra þúsundkalla. Ég veit það allavega að margir forsvarsmenn paintball á Íslandi eiga byssu fyrir. Kannski er þetta ósanngjarnt gagnvart þeim sem eiga margar byssur en þó verður að viðurkenna að félagið er þá að geyma fleiri byssur fyrir þá. Það mætti kannski setja þak á geymslugjald. Hvernig er það með svona breytingartillögur. Þarf að bíða eftir aðalfundi. Eða gæti stjórnin sett eitthvað svona unndir (tölvu)póstkosningu? Hvernig ætla önnur félög að hafa þetta?

Norton fyrir 24 árum, 4 mánuðum

Fyrra álit

mimir fyrir 24 árum, 4 mánuðum

[nt]

Fyrra álit

jibbi fyrir 24 árum, 4 mánuðum

Ég held að það sé smámunasemi að vera rífast um e-a þúsund kalla í geymslugjald og e-ð svoleiðis. Félagið verður að fá e-n smá pening og þar á meðal er 10-15% álagning á byssuna og geynslugjald 5000 kall ekkert ósangjarnt. Það sem að er aftur á móyi fáránlegt er byssu eignin. Ég myndi ekki líða það að ég og vinir mínir pöntum byssu og borgum fyrir hana síðan eftir nokkur á að þá ætlar félagið að selja mér byssuna á sama verði kannski!!!!! Eins og einn skrifaði hérna á undan að þá ætti það að vera í lögum félagsins að selja byssuna til okkar til baka. Annað ef ég myndi kaupa byssu að þá hef ég engan áhuga á að láta félagið leigja e-m öðrum byssuna “mína”

Fyrra álit

Sblender fyrir 24 árum, 4 mánuðum

Já…væri það ekki gott að staðfesta það í lögum félagsins að kaupandinn fái byssuna sína selda sér á Kr. 500 eða svo?

Fyrra álit

Xavier fyrir 24 árum, 4 mánuðum

Það eina sem að ég get sagt í þessu samhengi er að það verður greinilega mikið að gerast á þessum aðalfundi í janúar. Ég legg til að þið sem að hafið jafn sterkar skoðanir á hlutnum og fram hefur komið á þessum kork, skrifið niður ykkar tillögur og leggið þær fyrir aðalfundinn. ;-) Xavie

Fyrra álit

Peturm fyrir 24 árum, 4 mánuðum

Ef félag kaupir byssu fyrir þig myndi það að sjálfsögðu gera “lánssamning” við þig það sem það lofar að lána þér byssuna og EINGÖNU þér. Að sama skapi myndi félagið lofa að selja þér byssuna á einhverja hundraðkalla ef einsaklingseign verður leyfð.

Fyrra álit

daxes fyrir 24 árum, 4 mánuðum

Þar sem einstaklingar mega ekki eiga byssurnar, félagið á þær, þá er ekki hægt að rukka einhvers konar geymslugjald af mönnum fyrir byssur sem þeir eiga ekki, formlega séð. Þú segir að gjaldið þurfi ekki að fara mikið yfir þúsundkall, og það þarf ekkert að fara mikið yfir þúsundkall, það er pointið. Hvað varðar menn sem eiga byssur núna, þá er það lögbrot og ég ætla ekki að tjá mig skriflega um það. Þeir sem eru í þeirri stöðu ættu endilega að koma á félagsfund og ræða málin við stjórnina augliti til auglitis. kv. DaXes

Fyrra álit

RatKing fyrir 24 árum, 4 mánuðum

ok vill einhver útskýra þetta fyrir mér í lögum um litbollta er tala umm að einstaklingar megi ekki flitja inn byssur eða annað fyrir paintball en talað er um að áhugamaður geti flutt þetta inn í nafni félags síns er þá verðið að tala umm að ef maður er member í félagi s.s. lbfr eða einhvað geti maður flutt byssu handa sér inn eða verður félagið að géra það fyrirmann eða hvernig er þetta og það væri kanski fínt að fa´svar við spökuleringum mínum að neðan sérstaklega þessu með bróður minn

Life shrinks or expands in proportion to one's courage…

Fyrra álit

Peturm fyrir 24 árum, 4 mánuðum

Jamm Málið er að Reglugerðin bannar einstaklingum að flytja inn byssur, reyndar ekki kúlur og öryggisbúnað að ég held. Þess vegna verður félag líkt og LBFR að flytja þær inn en ekki einstaklingar í nafni þess. Þetta veldur því að það kemur niður á stjórn viðkomandi félags að standa í því að fá tilskilin leyfi, fylla út tollskýrslur og svo framvegis. Þessi menn eru jú í sjálfboðavinnu fyrir félagið en ég tel eðlilegt að félagið (ATHUGIÐ: Félagið ekki einstaklingar innan þess) fá eitthvað fyrir þessa vinnu fyrir sína félagsmenn. Þess vegna finnst mér ósköp eðlilegt að Innflytjand (áhugamanna félag í flestum tillfellum) leggji lítilega á byssurnar. við verðum nátturlega að hafa það í huga að sá peningur sem kemur inn í þetta félag gefur félaginu meiri möguleika á að koma upp völlum að halda út öflugra starfi fyrir okkur félagsmenn. Kv. SARiO

Fyrra álit

mimir fyrir 24 árum, 4 mánuðum

Mér mundi ekki detta það í hug, að leggja til, að rukka einhvers konar geymslugjald, formlega séð. Þess vegna þyrfti það að heita eitthvað annað eins og t.d. leigugjald. Ég sagði ekki að “söluverð” mætti ekki fara mikið yfir 1000 kall. Heldur sagði ég að það væri að það væri fáránlegt ef það færi nokkuð yfir 1000 kallinn. Satt að segja finnst mér að talan ætti ekki að nálgast þúsundkallinn. (Bara svona prinsip.) Svo vil ég gjarnan heyra hvað ykkur finnst um að gera félagið skilvirkara. Þannig að ekki þurfi að bíða eftir félagsfundi með öll mál. Kveðja.

Fyrra álit

daxes fyrir 24 árum, 4 mánuðum

Það verður að heita sala, þar sem félagið á byssuna og hefur hana eignfærða í bókhaldinu. Félagið getur ekki afsalað sér þeirri eign til annars nema með því að selja hana. Félaginn getur ekki eignast byssuna með þvi að borga leigu, hann verður að kaupa hana. Þetta er mjög einfalt. Þetta verður að heita sala, verðið er samningsatriði. kv. DaXes

Fyrra álit

mimir fyrir 24 árum, 4 mánuðum

É-g- -v-e-i-t- -v-e-l- -a-ð- -þ-a-ð- -þ-a-r-f- -a-ð- -k-a-u-p-a- -b-y-s-s-u-n-a. En segjum svo að félagið eigi 200 byssur. Það selur hverja byssu á “mjög fáa þúsundkalla”, segjum bara eitt þúsund krónur. Þá er félagið að fá 200 þúsund krónur fyrir byssur sem það átti í raun ekki. Þess vegna, eins og þú ættir að vita ef þú hefur lesið póstana mína (allavega þá sem þú svaraðir), þá finnst mér eðlilegt verð vera einhverjar örfáar krónur. Ég verð að játa að ég hika svolítið við að gefa félaginu pening til byssukaupa þegar á svo eftir að semja um söluverð þegar ég má loks sjálfur eiga byssuna. Sérstaklega þegar byssan er skráð eign félagsins og að í reglum félagsins er skýrt tekið fram að félagsmenn eigi á engan hátt nokkuð tilkall til eignna félagsins. >Félaginn getur ekki eignast byssuna með þvi að borga leigu, hann verður að kaupa hana. Ertu að reyna að snúa út úr fyrir mér? Ekki blanda leigu og kaupum saman. Ég er ekki að því. Sjáðu nú til (eftirfarandi er fyrirsjáanlegum byssukaupum einstaklinga, þegar þau verða leyfileg, algjörlega óviðkomandi): Aðal kostnaður félagsins kemur af geymslu vopna. Því væri rökrétt að þeir sem “eiga” byssu í “geymslu” hjá félaginu borgi fyrir þá þjónust. Þar sem ekki er hægt að kalla það geymslugjald, þá væri hægt að kalla það leigugjald eða “að kaupa leigurétt/lánsrétt”( þar sem einnginn annar má fá byssuna lánaða). Órökrétt væri að leggja sérstök gjöld (því dýrari byssa þeim um hærri gjöld) á þá sem “kaupa” byssu í gegnum félagið en engin á þá sem eiga byssu fyrir. Mér líkar ekki þefurinn sem ég er byrjaður að finna af þessu félagi. En það er gróðafélags-þefur. Ég hélt þetta ætti að vera áhugamannafélag um litbolta. Kveðja.

Fyrra álit

obsidian fyrir 24 árum, 4 mánuðum

Ég held að þú sért að gera úlfalda úr mýflugu. Þetta er í raun mjög einfalt. Allir eru sammála um það að það er óeðlilegt að LBFR sé að selja mönnum byssu fyrir sem þeir eru þegar búnir að kaupa dýru verði. Allir eru að tala um sama hlutinn þegar þeir segja að þessi “sala” verði að vera sem lægst…Við skulum hafa það á hreinu að það er verið að tala um einhverja MJÖG litla krónutölu sem allir geta verið sáttir við. Þannig að ég held að þú getir alveg slakað á með þetta, það er ekkert verið að reyna að svindla á þér. Ég er ekki alveg með á hreinu hvaða hugmynd þetta er um leigugjald. Á annan veginn hefur þú gríðarlegar áhyggjur af því að þurfa að borga eitthvað undir 1000 kallinum þegar einstaklingseign verður leyfð, en á hinn bóginn ertu að tala um leigugjald sem fer yfir þá krónutölu. Hvað varðar ósanngirni í því að leggja engin gjöld á þá sem eiga byssu fyrir þá eru þeir þegar búnir að leggja sömu peninga í að kaupa byssuna sína og aðrir. Markmiðið er líka að koma þessum byssum í geymslu hjá félögunum til að gera þær löglegar á einhvern hátt svo að menn þurfi ekki að eiga á hættu að Lögreglan geri þær upptækar. Ef það gegnur eftir þá eru þeir sem eiga byssu nú þegar komnir inn í sama “sölu” pakkann og allir aðrir og öll dýrin í skóginum geta verið vinir. obsidian

Fyrra álit

Wyrminarrd fyrir 24 árum, 4 mánuðum

Þetta varðar vopnakaupinn. Sjálfur er ég mjög ílla við það að borga fyrir hlut sem ég fæ ekki að eiga og er það að draga úr vilja manns til þess að fá sér byssu. Einnig er það að mér finnst voðalítið hafa gerst í vallar málum LBFR og þangað til að það verður búin til völlur sem ég get spilað á ókeypis(eða mjög ódýrt) með eigin vopni þá kærir maður sig ekkert um það að vera að skuldbinda sig með því að ganga í félag. Ég veitt aftur á móti að þetta hefur líka öfug áhrif þar sem að LBFR getur ekki komið upp velli án þess að fólk gangi í það(það þyrftu um 150-200 manns að ganga í það til að koma öllu alminnilega í gang)en þangað til að ég veitt fyrir víst að það verði gagn af því þá hikar maður. Einnig er það að maður vill prófa þetta en þið hefið líklega heyrt mig röfla um það áður svo nóg um það. Það var víst ég sem byrjaði þetta “geymslugjald” dæmi og ætla ég nú að koma fram með það sem mér finnst vera einfaldasta leiðin til að gera þetta. Allir meðlimir sem kaupa byssur gera skriflegan samning við LBFR að ef það verður leyft að einstk eigi byssur þá munn félagið selja meðliminum vopnið á krónur 500. Þetta ætti að vera ásætanlegt þar sem að LBFR þyrfti þá ekki lengur að leigja geymslurými fyrir byssurnar og sparaði sér þá miklar fjárhæðir. Að lokum vill ég benda á að það er ekki líklegt að einkaeign verði leyfð á næstunni. Það eru einfaldlega og margir sem vilja ekki leyfa neitt sem heitir byssa að vera í eigu einstaklinga.

Fyrra álit

daxes fyrir 24 árum, 4 mánuðum

Þetta síðasta er alveg hárrétt hjá þér, það eru fleiri ár í það að einkaeign á litmerkibyssum verði leyfð, ef nokkurn tíma. En eitt er víst, félagið verður að geyma byssurnar, hjá því verður ekki komist. LBFR verður því að leigja húsnæði undir slíka geymslu. Félagið fær ekki einu sinni að panta byssurnar fyrr en slík geymsla hefur fengið samþykkti lögregluyfirvalda. DaXes

Fyrra álit

mimir fyrir 24 árum, 4 mánuðum

Ég sé stórmun á að félagið sé að selja byssur, fyrir eitthver hundruð þúsunda, sem það hefur í raun aldrei átt og að borga eitthvert ársgjald fyrir byssuna mína þar sem aðal kostnaður félagsins fer í það að geyma byssuna. Þar sem félagið á byssuna formlega þá getur þetta ekki heitið geymslugjald. Svo ég skýri þetta betur þá set ég hérna fram tillögu mína: - Vitað er að kr.5000 ársgjald standi bara rétt svo undir húsnæðis kostnaði og því litlu hægt að eyða í völl. 1a - Að ársgjald verði lækkað úr kr.5000 í kr.1000. Sem ætti að nýtast í vallargerð. 1b - Að setja á lánsleyfisgjald kr.5000. Það standi alfarið undir kostnaði sem félagið hefur af því að “eiga” byssuna. 2 - Að félagið hirði ekki magnafslátt sem það fær af 100 byssu pöntun til sín.* 3 - Að þegar einstaklingar meiga eignast byssu þá selur félagið þeim byssuna á fáar krónur (ekki yfir kr.500).** * Varðandi mótrök stjórnar að venjuleg smásöluálagning sé mun hærri: Félagið er ekki gróðafyrirtæki. Það er búið að selja vöruna og því engin áhætta fyrir félagið. Félagið hefur enga starfsmenn. Fyrirtækið sem við kaupum byssurnar á leggur sína álagningu. Það er nóg af gjöldum sem leggjast á byssurnar og fylgjibúnað. ** Var ekki aðalfundur sammála um það að þrýsta á breytingu á reglugerðinni strax næsta haust? Það var ekki annað að heyra á hæstvirtum formanni en að stefnt væri á breytingar næsta haust. Og þá helst breytingar á eignaraðild vopna. Ég vil nota tækifærið til þess að þakka öllum þeim sem hafa komið því í gegn að nú megi spila litbolta á Íslandi. Og ég vil þakka stjórn LBFR fyrir störf sín. Það er ekki ætlun mín að vera með leiðindi. Það er bara varðandi þessi tvö atriði (númer 2 og 3) þar sem mér finnst stjórnin vera á rangri leið. Kveðja, MíMiR

Fyrra álit

daxes fyrir 24 árum, 4 mánuðum

Þú hefur margt til þíns máls. Ég sé það fyrir mér að allir félagar í LBFR hafi afnot af byssu hjá félaginu. Það er jú tilgangslaust að vera í félaginu ef þú hefur ekki aðgang að byssu. Þannig að samkvæmt tillögu þinni myndu allir greiða 1 þús í árgjald og 5 þús í geymslugjald á byssu sem þeir eiga ekki, svona formlega séð, eða 6 þús. Það er í lögum félagsins, 4.mgr 4.liðar að þeir sem ekki geta nýtt sér aðstöðu félagsins, þ.e. geymsluna, geti verið styrktarfélagar og greiði hálft árgjald eða 2500 krónur. Sem er að vísu hærra en tillaga þín upp á 1000 krónur en hefur sama tilgang. Einnig ef félagið er farið að rukka fyrir eins konar þjónustu, þ.e. geymslugjaldið, gæti það verið túlkað sem tekjur og þá eru menn komnir í skattavesen með VSK sem væri ágætt fyrir gjaldkera að vera laus við. Hvað varðar álagninguna þá hef ég alltaf sagt að félagsfundur muni ákveða það. Atkvæðisrétt á félagsfundi hafa þeir sem greiða árgjaldið fyrir upphaf fundarins. Árgjaldið hefur verið ákveðið á framhaldsstofnfundi. Þess vegna lýsti ég eftir tillögum til lagabreyting tvisvar fyrir fundinn en fékk engin viðbrögð. Þessari ákvörðun verður ekki breytt fyrr en á næsta aðalfundi, sem skylda er að halda fyrir lok janúar 2001. Aðrar ákvarðanir sem ekki er mælt fyrir í lögum eru teknar á félagsfundi. Þú skalt endilega senda stjórninni tillögur þínar til árgjalds og breytinga á lögum félagsins. Ef þú gerir það fyrir 15. desember verða tillögur þínar sendar öllum félagsmönnum hið minnsta 14 dögum fyrir aðalfund og þær teknar fyrir á aðalfundi. kv. Guðmann Bragi Birgisson formaður LBFR aka DaXes

Fyrra álit

obsidian fyrir 24 árum, 4 mánuðum

Álagningin sem er verið að tala um núna er 5-10% á litmerkibyssurnar. Það þýðir að ef keypt er t.d. Spyder á c.a. 18-19.000 (heildarverð með öllum tollum og álagningu) þá er félagið að fá í kassann um það bil 1500-2000 kr af því verði, sem mér persónulega finnst ekkert mikið þegar það er athugað að maður er hvort eð er að leggja út kannski 30-40.000 kall í þetta í heildina. Það verður líka að athuga að það er ekki eins og stjórnarmeðlimir ætli eitthvað að fara að ganga með þessa peninga í vasanum :-) Þetta eru peningar sem fara aðallega í vallargerð og afganginn ef einhver verður er hægt að nota eins og félagsfundi sýnist best. Það er alltaf gáfulegt að eiga eitthvað í varasjóði ef eithvað óvænt kemur upp á. Þetta eru í raun tvær aðferðir við að ná í vallarpeninga sem við erum að tala um, annars vegar með geymslugjaldi og hins vegar með smávægilegri álagningu. Á endanum er tilgangurinn sá sami og félagsmenn fá betri aðstöðu fyrir vikið. Persónulega er ég hlyntari álagningunni en geymslugjöldunum því að ég tel að aukagjald á geymslu á merkibyssum komi til með að ýta undir ólöglegan innflutning á þeim. Og það verður að forðast ef að við eigum einhverntíma að fá því framgengt að einstaklingar megi eiga literkibyssur. obsidian

Fyrra álit

mimir fyrir 24 árum, 4 mánuðum

Ég var reyndar búinn að heyra 10 - 15% álagningu. Þannig að ef keypt er einn ódýrasti merkjarinn þá er það um 2000 kr. * 100 merkjarar. Þetta leggst bara á þá sem eru að kaupa sér merkjara núna en ekki þá sem eiga merkjara fyrir. Með álagningu: Fólk smyglar frekar merkjurum bæði til þess að sleppa við skatt og álagningu. Með Leigugjaldi: Það verður tiltölulega ódýrt að panta í gegnum félagið því það fær magnafslátt. Því borgar sig ekki að smygla. Gjaldið laggst jafnt á alla sem valda kostnaði fyrir félagið. Ég reikna með því að allir sem eiga og eignast ólöglega merkjara komi þeim í “eigu” félagsins. Kveðja MíMiR

Fyrra álit

Litbolti

Litbolti

Ofurhugar

Stjórnendur

Hverjir eru inni

Korkar - Almennt um litbolta

Bið um svör og comment.

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi