Nei það er í raun ekki til, því þegar enginn Window Manager er keyrður ofan á það er ekki um neinn grafískann ham að ræða þar sem “native” Linux keyrir í textaham eingöngu og má því eiginlega segja að Linux hafi ekkert útlit.
Mér finnst hinsvegar persónulega að þetta séu aðeins of flóknar og óaðlaðandi útskýringar fyrir byrjendur, og þá sérstaklega byrjendur sem eingöngu hafa vanist Windows (eða Mac) jafnvel þótt þær séu sanleikanum samkvæmt. Það er mín reynsla að þegar fólk spyr um útlit Linux þá á það yfirleitt alltaf við grafískt útlit s.b.r. Windows og Mac. Yfirgnæfandi meirihluti þeirra sem spurja að þessu koma úr Windows og hafa vanist þeirri hugsun að grafískt útlit og virkni undirliggjandi stýrikerfis séu bæði óaðskiljanleg og nánast sami hluturinn, sem er auðvitað langt frá því að vera satt, líka í tilfellum Windows og Mac.
Ég valdi því þann kost að benda á screenshots úr Window Mangerum (gluggastjórum) sem oft eru notaðir með Linux, jafnvel þótt það sé ekki alveg sanleikanum samkvæmt að þannig líti Linux út.