Jæja, DVB kortið kom frá Englandi í einu lagi og var strax hafist handa við að berja þetta saman í virkandi kerfi.

Ákvað að notast við KnoppMyth í prófunum, enda auðvelt að setja upp. Lenti strax á fyrstu hindrun þar sem að dvb kortið var ranglega sakað um að vera dvb-s (satellite) týpa, sem er mjög óheppilegt þar sem að munurinn á S og T staðlinum er slíkur að það þýðir ekkert að nota T kort sem S og vice versa. En nýr kernel reddaði því nú og þá hélt ég nú að dýrindis sjónvarpsgláp gæti hafist með öllu tilheyrandi….en nei.

Módelið af Twinhan kortinu sem ég fékk var bara engan veginn að virka með dst drivernum sem er í kernelnum. En ég gafst ekki upp og hóf að spyrja spurninga á linux-dvb póstlistanum þar sem að atvinnumennirnir vinna sína vinnu, og þar fékk ég réttu hjálpina. Það tók góðan tíma, en eftir mikið debug og hártog fundum við (aðallega þeir samt) út úr þessu og eftir að búið var að smyrja nokkrum plástrum á kernelinn þá kom loksins mynd á skjáinn. Núna er ég svo kominn með þetta inn í Myth og þetta lítur mjög vel út.

Vandamál sem standa eftir eru þau að enn höfum við ekki fengið CI module'inn til að virka, sem þýðir engar læstar stöðvar. Minn maður, Manu Abraham er samt kominn í málið og má búast við því að hann negli saman góðan patch fyrir það á næstu dögum eða vikum. Þangað til horfi ég bara á RÚV, Omega, Pro Sieben og Polsat.

Annað vandamál er dagskráin, en ég hef ekki fengið EPG (Electronic Programming Guide) til að virka, en það er einmitt eiginleikinn til að fá sjónvarpsdagskránna senda með sjónvarpsmerkinu. Fékk þó Myth til að setja inn timeslottin fyrir RÚV, en engar upplýsingar um dagskrárliði. Eftir að hafa prófað kortið í Windows komst ég að því að EPG gögnin sem Digital Ísland sendir út eru misgóð. Flestar stöðvar hafa einungis tvo dagskrárliði fram í timann og sumar stöðvar hafa engin gögn. RÚV stendur upp úr í þessum efnum og sendir út dagskrá alls dagsins í einu (jafnvel lengra út vikuna…ekki viss). Spurning um að vera ekkert að sparka í dauðann hest og hakka bara saman einhverju tv_grab_* scripti til að ná í dagskránna annars staðar frá.

Núna er ég svo kominn í ævintýraham og ætla að prófa fleiri forrit eins og Freevo og VDR.

Að lokum er vert að taka fram að kortið virkaði fínt í Windows með CI module'num þannig að ég gat hort á allar þær stöðvar sem ég borga fyrir, nema Stöð 2…geri fastlega ráð fyrir að það séu íslenskir stafir að fokka hlutum upp. En það er augljóst að þetta er mjög svo viable kostur fyrir fólk sem er að fara að smíða sér Digital Video Recorder.

p.s. nennir ekki einhver að splæsa á mig DVB-C korti þannig að ég geti bætt Breiðbandinu við? :)