JonGretar fyrir 20 árum, 5 mánuðum Fjöldi lestra: 1775

Vandræðin við Linux vinnustöðvar

Ég vil hér skrifa smá gagnrýni á Linux. Þetta er meint til að koma á púnkti með hvað
þarf að lagast til að Linux geti orðið að góðu kerfi sem að hægt er að nota á
vinnustöðvar um víðann völl.

Þar sem að margir af hörðustu Linux trúboðum hér á landi og öðrum löndum hafa oft
ekki reynslu af því að vinna hjá stórfyrirtækjum með hundruðum starfsmanna þá sjá
þeir oft ekki vandræðin sem að geta komið upp við það að koma upp Linux kerfi fyrir
vinnustöðvar. Ég er mikil linux grúppía en gegnum árin þá hef ég þurft að sætt mig við
að Linux er oft ekki ennþá hæft til að vera rekið á mörgum stöðum.

Stærstu vandræðin eru distroin. Það er mikil vandræði að það séu til nokkur alvöru
fyrirtæki sem að setja saman distro. Þó að í raun og veru séu bara til tvö sem að geta
boðið uppá eitthvað alvöru. RedHat og SuSe eru þau einu sem bjóða uppá support sem
nothæft er í pro markaðinum. RedHat er hætt með vinnustöðvaútgáfun þannig að það
er þannig séð bara SuSe eftir. En þó að SuSe sé eitt eftir af pro vinnustöðvum þá eru
samt vandræði með að þeir geri ekki stýrikerfið sjálft. Erfitt er að þróa upp kerfi með
því að velja og setja saman hundruðir lausna sem að oft virka ekkert svo vel saman.

Support er það sem skiptir öllu máli. bæði support frá distroinu og support á þetta
distro frá fyrirtækjunum sem að gera forritin sem að notuð eru í fyrirtækinu. Shake er
til dæmis bara supportað á RedHat 7,3 og 8. Annað forrit er bara supportað á SuSe 8.
Eitt annað forrit er kanski bara supportað þegar þú keyrir Debian. Hvað á að velja
þarna. Það er ekkert gilt að forrit sem að gert var fyrir RedHat 7.3 virki á SuSe 8.
Reyndar er það mjög ólíklegt að það virki án þess að þú þurfir að hacka þig í gegnum
það vegna mismunandi librarya. Og þá missiru supportið frá fyrirtækjunum vegna þess
að það er ekki hægt að supporta bara Linux. Það gegnur ekki bara upp að forrit sé
supportað ef að einhver vitleysingur dytti í hug að setja upp Gentoo í vinnuumhverfi.
Þjálfunin á support starfsfólkinu þyrfti að vera rosaleg og mundi kosta milljónir á dag
að halda því við.

Og þú keyrir ekki forrit án þess að fá support. Sama hversu góður þú ert á forritið eða
hversu vel þú þekkir linux. Þeir sem að gerðu forritið vita meira um það en þú og ef þú
sparar þér hálfann dag eða meira á því að hringja í fyrirtækið oog þeir svari þér strax
eða beini þér í rétta átt þá hefuru náð að forðast mikil fjárútlát fyrir fyrirtækið sem þú
vinnur hjá. Það er akkurat þessvegna sem að flest fyrirtæki kjósa helst að velja NT,
MacO, Irix eða önnur Unix kerfi. Spurningin um hvort að Microsoft sé gott eða vont.
Spurningin hvort að Microsoft hafi stolið einhverju. Það skiptir bara ekki máli.
Hugsjónir eiga bara ekkert heima í svona umhverfi. Það eina sem að skiptir máli er að
búnaðurinn keyri án vandræða og að vandræðin sé fljótleyst þegar þau koma upp.

Við hér hjá mér keyrum NT á flestum vélum. Það að taka 2 daga í að vinna að
samhæfnismálum milli distroa gengur bara ekki upp. Ég get ekki leyft mér að vera að
leita að pökkum með backward compatability libraryum eða öðru. Það er kosturinn við
NT. Það er stórt og leiðinlegt en það er NT. Þú getur verið nokkuð viss um að þegar þú
installir Maya,Shake eða öðru að hluturinn bara virki við fyrstu tilraun. Það er hluturinn
sem að Linux vantar. Það er of mikil þróun á Linux. Það vantar stefnu. Það vantar
einhvern til að stjórna þessu með járnaga. Meðan að linux er bara í stöðugri þróun án
nokkurar samræmingar þá gegnur þetta bara ekki upp. Linux vantar alveg ótrúlega
mikið einhvern sem getur sagt STOPP. Klárum kerfið núna og gerum stýrikerfi úr
þessu. Stærsti galli Linux er nefnilega helsti kostur þess. Það að það sé opið og frjálst.
Það gegnur bara ekki svo vel upp þegar nota á þetta hjá fyrirtækjum.

Ég er mikið að vona að þessir hlutir lagist. Ég vil keyra Linux. En þar til að þetta lagast
þá verð ég að keyra NT ðea MacOs-X. Fyrirtækið hefur bara ekki efni á öðru.

[Notanda eytt] fyrir 20 árum, 5 mánuðum

Microsoft-væða open source heiminn? :)

Pælingin á bakvið open source heiminn er að þú hefur val. Þú átt í raun að velja það sem hentar best fyrir eitthvað ákveðið hlutverk. Ef þig vantar support þá ferðu eftir distro'i sem býður upp á slíkt.

Almennt gildir það líka að ef e-ð fyrirtæki ákveður að skella sér á Linux að þá er haldið við eitt distro.

kv,
Aquatopia

Fyrra álit

JonGretar fyrir 20 árum, 5 mánuðum

Alls ekki Microsoft væða heiminn. Ég hef alls ekki verið að dást að Microsoft hérna. Og með supportið þá eru bara tvö fyrirtæki sem að bjóða uppá almennilegt support. Og support er mikilvægt.

Ég veit náttúrulega að að maður á að halda sér við eitt distro. En hvaða distro vilt þú að við segjum öllum fyrirtækjum í heimi að nota? Ég get ekki notað RedHat vegna þess að þetta forrit hefur ekki support við það og get ekki notað Suse vegna þess að það er ekki supportað af öðru forriti. Eða að forritin hreinlega virki ekki á öðru distroi.

Support skiptir flesta kanski ekki máli. En þegar að hlutir geta verið óstarfshæfir í dag eða tvo hjá stærri fyrirtækjunum þá geta milljónir tapast.

Ég veit ekki hvort að allir þekkja alvöru support hérna enda er það varla að finna hér á landi. En IBM sem ég hef mikið skipt beint við í núverandi vinnu og eldri vinnum er með support sem að getur skipt höfuðmáli fyrir fyrirtæki. Og á það bæði við hugbúnað og vélbúnað. Þegar að búnaður frá DVC bilaði þá sendu þeir hingað mann frá Þýskalandi með aukagræju til að keyra á meðann hann gerir við hina.

En supportið er ekki vandamálið. Vandamálið er hversu laust og loðið Linux distro getur verið. Það tengist ekki krafti eða gæðum Linux kerfisins sjálfs. Heldur er þetta vandamál með að það séu til margar útgáfur af kerfinu og hver framleiðandi forrita gerir sitt forrit fyrir sérstakt distro.

Fyrra álit

s3m1q3a0a7tfs1yu01ya3cyngtimbz fyrir 20 árum

Þá vaknar önnur spurning. Allavegna hjá mér. Er einhvað að sjálfu linux. Pælingin með Open Source er náttúrulega að þú átt að hafa val, eins og var sagt hér fyrir ofan. Vantar þá ekki bara einhvert distro sérhannað fyrir fyrirtæki, stýr og sett saman of fyrirtæki. Og boðið verður upp á gott support.

Þetta getur náttúrulega ekki gerst á einni nóttu, en það væri svosem flott ef það þetta gerist. Og það á eftir að gerast vona ég.

Ég vill ekki hafa neinn sem segir STOP við linux og ákvaði að setja saman stýrikerfi og öllum þessum lausu þráðum. Þá hverfur eiginlega fúttið við Linux. En hinsvegar væri svona gaur NAUÐSYNLEGUR við þróun þessara fyrirtæki distro.

Það gæri tekið mörg ár að setja saman svona support-distro fyrirtæki. En það getur ekki gerst nema að slatta af fyritækum fara að nota það. Þá taka þaum áhættu þegar þú byrja að nota nýtt stýrikerfi/dfistro, og einhver fyrirtæki munu gera það, og eftir nokkur ár verður kominn mjög gott support-distro.

Benedikt

Fyrra álit

ojb fyrir 20 árum, 5 mánuðum

Margir góðir punktar en þó svolítil alhæfing. Ég vinn hjá Stóru fyrirtæki hef notað Linux frá upphafi ( 2 ár ). Áður en ég setti það upp var ég búinn að athuga hvað ég þurfti til að það gengi upp og til allrar hamingju var það allt til.

Þó Linux sé rúmlega 10 ára þá eru menn fyrst núna að átta sig á kostum þess innnan fyrirtækja og þegar fyrirtækjunum fjölgar verður til eftirspurn eftir fyrirtækjum sem sérhæfa sig í því að support valin distro, þau geta svo samið um við hugbúnaðar og vélbúnaðarframleiðendur um support.
Mér sýnist líka að þau fyrirtæki sem fyrst studdu Linux séu farinn að gera það mun almennara en þau gerðu fyrst og ég held að það munu nýju fyrirtækin læra líka.
Linux henntar ekki allstaðar ennþá en möguleikar þess eru stöðugt að aukast.

Fyrra álit

ojb fyrir 20 árum, 5 mánuðum

vil líka bæta því við að ég er alls ekki einu starfsmaðurinn sem notar Linux sem desktop í þessu fyrirtæki og fjölgar þeim stöðugt. Þeir sem nota það eru þó yfirleitt meira að vinna með Unix en aðrir í fyrirtækinu og fá bara að nota það ef það henntar.

Fyrra álit

JonGretar fyrir 20 árum, 5 mánuðum

Ég held að fólk sé aðeins samt að misskilja mig. Fólki fannst ég alhæfa. Ég ætlaði alls ekki að segja að allt er svona og allit Linux gaurar eru svona. Alls ekki. Þeir aðal Linux gaurar sem ég þekki eins EinarTh og feiri sem ég tel vita mest um þessa hluti hér á íslandi og með bestu reynsluna eru alvöru gaurar sem kunna að líta á hlutina frá réttu sjónarhorni.

Og ég vil alls ekki láta það hljóma eins og ég haldi að ég sé sá eini sem hafi unnið hjá alvöru stórfyrirtæki og sé sá sem ég veit mest um þessa hluti hér. Ég get nefnt tugi manna hér sem að taka mig í rassgat í Linux á hvaða degi sem er. Ég get nefn marga sem hafa meiri reynslu en ég. Ég tel mig mig samt í top 10% hópinum hérna. Þó að JRaykdal, add1. spa og fleiri séu margfallt betri Linux gaurar en ég þá breytir það ekki einu:

Ég er góður í þessu með mikla reynslu!

Ég er mjög góður í því sem ég geri og hef gert virkilega stóra hluti.. Og ég veit hvað ég tala um. Ég er bara að benda á hvað má virkilega betur fara með Linux. Ég vil að þessi hlutir breytist hjá Linux og þessvegna vil ég tjá mig um þetta.

Ég tel þetta virkilegt vandamál hjá Linux heiminum og tel að það þurfi eitthvað að leysa þetta vandamál til að Linux nái inn í þennan heim sem ég hef unnið í. Fyrir utan að ég nota ekkert nema Linux eða Macos X í servera. Linux er því miður bara ekki tilbúið í vinnustöðvar stórs hluta fyrirtækja.

Ég vil að það breytist. En til þess að það gerist þá þarf að tala um hlutina.

Ég er samt allger hóra í kerfismálum. Ég er laus við öll trúarbrögð. Ég mun nota hvaða stýrikerfi sem að hentar við hvert skipti. Ég hef ekkert á móti að nota Windows hvar sem það á við. Í mörgu finnst mér það vera best. Ég elska virkilega MacOs X enda er það draumur til að nota sem vinnustöð kerfisstjórans. Og ég nota ekkert nema Linux í marga hluti eins og routera, og marga network related hluti. Þó að ég vilji betri DHCP service. Microsoft DHCP er actually öflugra og þægilegra og ég er ekki sáttur við það og vil breyta því.

Stöndum bara saman og reynum að breyta þessum hlutum.

Fyrra álit

Spa fyrir 20 árum, 5 mánuðum

Ég þakka hrósið! :)
En ég er sammála JReykdal, þú neglir ekki nagla með skrúfjárni.
Þó svo að ég vilji ekki sjá non-unix kerfi á mínum vinnustöðvum, þá hugsa ekki allir þannig.

Málið er, held ég, að hinum venjulega notenda þyki ‘valið’ of overwhelming, hann hefur alltaf getað stólað á það að Microsoft segji honum hvað hann á að nota.(Hvort á ég að nota OpenOffice Writer eða AbiWord? Xine eða Mplayer? Gnome eða KDE..?)
En fyrir mér er þetta að breytast, fólk er að átta sig á því að það eru fleiri stýrikerfi til en Microsoft Windows.

Varðandi support, með ‘linux stefnu’ IBM ætti að fylgja alvöru support, þetta hefur hingað til verið vandamál. Ef þig vantar hjálp með Windows, þá hringir þú í Microsoft support línu.
Ef þig vantar hjálp með BIND eða Sendmail, þá skaltu gjöra svo vel að nota google, newsgroups og irc.

kv.
Sölvi Páll.

Sölvi Páll Ásgeirsson

Fyrra álit

teknique fyrir 20 árum, 3 mánuðum

Það fyrirtæki sem ég starfa mest fyrir þessa dagana er með svo mörg sérhæfð forrit sem hvergi annarstaðar eru í notkun. Mörg þessara forrita er ógerlegt að fá support fyrir vegna þess hve illa þau eru skrifuð og hve ósveigjanlegir þeir sem selja þau eru, sumt er abandoned og keyrir eingöngu á eldri útgáfum Windows jafnvel.
Ég vil meina að forritunarumhverfi þyrfti að vera meira universal. Forrit ættu að geta keyrt á hverju sem er, skoðum til dæmis Java sem er rosalega sniðug hugmynd finnst mér en framkvæmdin á henni er svo út í hött að það notar enginn maður með 2 sellur eða fleiri í lagi í hausnum Java í nokkuð production umhverfi. Ég held að Java sé svona hugmynd sem getur ekki virkað vel nema vera open source, og þá mætti hún alls ekki vera undir neinu license sem hamlar notkun þess í þróun á commercial hugbúnaði sem notast við grunninn.
Það eru svona ákveðnir basic hlutir sem þyrfti að vera hægt að færa á milli kerfa án mikillar fyrirhafnar (þá er ég að tala um basically öll forrit sem þurfa ekki að tala beint við nein spes device).
Stærsti gallinn við Windows eins og það er í dag er Internet Explorer… og Internet Explorer er svona 50% af stýrikerfinu þannig að það er ansi stór galli. Það er ekki hægt að slökkva á honum, og það er ekki hægt að keyra hann í sandbox því hann virðist keyra að hluta á kernel-leveli. Jafn slæmur og Internet Explorer er þá myndi hann strax batna um leið og það yrði skorið á ræturnar á milli IE og stýrikerfisins, þá væri kannski hægt að hamla það sem browserinn getur eyðilagt. (Það er nánast sama hvernig tölva er uppsett, IE getur alltaf eyðilagt hana því aðgangsreglur sem gilda um öll önnur forrit gilda ekki um IE og fær hann að eyðileggja óhamlað.

Og ekki reyna að halda því fram að Microsoft DHCP sé ekki rusl við hliðina á ISC DHCP. Ég hef bara of oft séð Microsoft DHCP gera svo mikla bölvaða vitleysu og conflict.

Það eru líka sumir hlutir sem eru sniðugir í Windows, svona fyrir notendur.
Til dæmis meðhöndlun á prenturum og netdrifum. (sem enginn snertir á *nix nema root)

–

Fyrra álit

JReykdal fyrir 20 árum, 5 mánuðum

Linux er verkfæri. Hamar er verkfæri. Maður notar bara hamar þar sem hann hentar til verksins. Líka Linux.

JReykdal

Fyrra álit

okay fyrir 20 árum, 5 mánuðum

Þetta sem þú talar um er jú vandamál þegar það kemur að notkun GNU/Linux kerfa á vinnustöðvar í stórum fyrirtækjum, en það er augljóst að þetta er að breytast.

Fyrst af öllu vil ég benda þér á að Red Hat framleiðir ennþá desktop distró, “Red Hat Desktop” og “Red Hat Professional Workstation”. Eins og vera ber þjónustar Red Hat þessum distróum líkt og serverdistróin.

Annað í sambandi við þau distró sem þú nefnir. Þú ert að gleyma einu distrói sem hefur verið að sækja í sig veðrið nýlega, og mun t.d. vera tekið í notkun hjá almennum starfsmönnum í nokkrum þýskum (eða voru þær franskar..) borgum bráðlega, Mandrake, en þeir hafa verið að sérhæfa sig í desktop laustnum og veita, líkt og RH, þjónustu þegar það kemur að því og þeim forritum sem distróið styður.

Pakkavandamálið sem þú minnist á er aftur á móti mikið vandamál, en þær leiðir sem í dag eru í þróun til þess að leysa það tel ég að séu að virka þokkalega og með tíma má búast við því að það verði að hluta horfið. Það er að segja, að hvert einasta fyrirtæki (líkt og SuSE, Red Hat, Mandrake etc.) styðji ákveðin forrit og ekki önnur út úr boxinu, þá mjög líklega í pakkakerfi sem í dag fylgja öllum þessum kerfum. Þessi pakkakerfi sjá um að sækja þá pakka sem þú ætlar að nota, sækja þau library og annað sem forritið byggir á ef það eru einhver, og setur þau inn. SuSE notar yast2 og Red Hat notar up2date.

Í sambandi við söluvörur líkt og Shake og Maya, þá tel ég að það sé ekki algjörlega á ábyrgð distrósins að það virki, heldur líka söluaðla forritsins. Ég held að það væri mun réttara að þegar þú kaupir vöruna máttu búast við því að það virki við innsetningu, og þá verður söluaðilinn auðvitað að sjá til þess að þú fáir með öll þau library sem forritið krefst, og einnig að sjá til þess að þetta sé allt sett inn líkt og þeir gera þegar það kemur að Windows útgáfunum, þ.e.a.s. með þeim fylgir allt það sem þú þarft til þess að láta forritið virka. Dæmi um aðla sem gerir þetta er Sun, en með StarOffice 7 fylgir allt það sem StarOffice þarf til þess að það geti keyrt, og með þeim “installer” sem fylgir á disknum er þetta sett inn og þú ekki spurður um það enda engin þörf á því. Þú átt ekki að þurfa að spá neitt sérstaklega mikið í því.

Fyrir margar skrifstofur held ég að thin-clients sé mjög sniðugt, enda þá hægt að halda tölvukostnaði í lágmarki og mjög einfallt að uppfæra og halda kerfunum við.

En jú, þetta er gild gagnrýni, og það getur oft verið meira en að segja það að koma GNU/Linux inn á skrifstofuna. Þetta er þó að gerast, t.d. með hjálp IBM. Dæmi um fyrirtæki sem vinnur nú þegar að því að skipta yfir er Ford.

Kv,
Ómar K.

Reason is immortal, all else mortal.

Fyrra álit

ellipell fyrir 20 árum, 4 mánuðum

Distró?
Er ég að skilja þetta orðtæki rétt?

Distribution[sh.] send out (USA), output (USA) [íslenska] Gasdreifing [þýska] Gasabgabe [Raftækniorð]
distribution [íslenska] dreifing [Sjómennsku- og vélfræðiorð]
distribution [íslenska] dreifing [danska] distribution [finnska] jakelu [norska] distribusjon [sænska] distribution [Stjórnsýsluorð]

distribution -> probability distribution [Tölfræði]
distribution [íslenska] dreifing [Upplýsingafræði]

Eða er ég orðinn of gamall?

Fyrra álit

kristinnm fyrir 20 árum, 4 mánuðum

Distró er stytting á enska orðinu Distribution sem útleggst sem dreifing á íslensku.

Fyrra álit

ellipell fyrir 20 árum, 4 mánuðum

Ég tek heilshugar undir það sem JonGretar er að halda fram. Þú keyrir Windows, smellir þig í gegnum valmyndir með músinni, þarft ekki að kunna (muna) neitt því valmyndirnar minna þig á.
Ef þú lendir í vandræðum nærðu í support og BANG, allt komið í lag.
Hins vegar er það rétt að þegar þú setur upp kerfi og hefur eytt góðum undirbúningstíma í að kynna þér hvað vantar, þá nærðu (yfirleitt) að koma því upp áfallalaust, fyrirhafnarlítið, og það virkar án stórra áfalla.
Einnig er það rétt að sé kerfið illa undirbúið þá kostar endurhæfing og endurmenntun starfsmanna til að takast á við vandann stórfé í atvinnulífinu.
Á því er enginn vafi að væri Linux og Windows notað jafnhliða á einkatölvum fólks heima fyrir, og að fólk eyddi 50/50 tíma í bæði kerfin samhliða; þá er enginn vafi að jafn áfallalítið/mikið væri að keyra þau bæði í atvinnulífinu.
Mig skortir stórfyrirtækja bakgrunninn sem þið piltar státið ykkur af, en hef þó nokkra innsýn og reynslu í rekstri kerfa, bæði í Lin og Win. Það er enginn vafi á því (frá mínum sjónarhóli) að sá sem kann (vel) á bæði kerfin hlýtur að kjósa Linux þegar upp er staðið. Ástæðurnar eru svo margar að nær ómögulegt er að telja þær upp hér.
Þegar öll kurl eru komin til grafar, JonGretar, greinin þín er frábær og hittir beint í mark, þú þarft ekkert að verja skoðun þína, hún skilst fullkomlega og það er fullt af fólki sem er sammála þér.

Fyrra álit

ojb fyrir 20 árum, 2 mánuðum

með því að ýta á next,next,next kemurðu oft forritnum sem þú ert að setja inn upp og þau virka jafnvel á eftir. En um leið ertu hugsanlega að skemma önnur forrit sem þú settir inn á undan. Áður en þú veist af er kerfið farið að haga sér það illa að þú þarft að reinstalla öllu saman.

Þetta er vegna MS gleymdi útgáfustjórnun á DLL skrám þegar þeir hönnuðu kerfið. Eitt forrit notar útgáfu A og annað útgáfu B. Ef útgáfa A og B er ekki compatible þá virkar bara annað forritið.

Fyrra álit

JBravo fyrir 20 árum, 4 mánuðum

Tjah. Ég hef unnið við það að supporta Linux síðan 1996. Í byrjun var ég 50/50 HP-UX og Linux og er þessa dagana næstum eingöngu í Linux.
Ég kenndi fyrsta Linux námskeiðið mitt árið 1999 og um 2000 gerðumst við Red Hat Training partner.
Síðan þá höfum við kennt öll námskiðin frá Red Hat sem liggja uppað RHCE gráðunni og útskrifað nokkra tugi manna úr IT bransanum með RHCE gráðunni.

Ég veit að bæði Red Hat og Suse eru með öflugt support hér á landi svo ég held að þessi athugasemd um að supportið vanti sé aðeins útúr kú :)

Fyrra álit

[Notanda eytt] fyrir 20 árum, 3 mánuðum

Veistu, ég held að þú hafir einfaldlega ekki það mikla reynslu af því að setja upp 3rd party forrit á Linux. Ég meina þetta ekki illa, en ég held að það myndi koma á óvart hvað þetta eru raunverulega lítil vandamál.

Hvað varðar það sem virkar bara úr kassanum, þá eru margir nördar búnir að sjá fram úr því, fyrir eflaust langflest distró. Fedora er ekkert mál að setja upp og nota, beint úr boxinu. Ég hef nákvæmlega aldrei séð það klikka á vélbúnaði, jafnvel furðuhlutum eins og Bluetooth og þráðlausum netum, hvað þá hljóðkortum og skjákortum.

Ennfremur gleymirðu því að stuðningurinn er í kjarnanum, og Fedora-kjarninn er alls ekkert eitthvað ofurlangt á undan. Alla þessa rekla er að finna í hvaða Linux kjarna sem er. Ég var að setja inn Debian fyrir klukkutíma, hún fann allt sem er í þessari borðvél, heck… ÉG veit ekki einu sinni hvað er í þessari borðvél. En Debian, Fedora, Mandrake, SuSE (og mörg fleiri, það eru ekki bara Red Hat og SuSE sem virka, þó að þau tvö séu reyndar alveg nóg.)

Hvað varðar fyrirtækjastuðninginn, þá í fyrsta lagi; ef eitthvað support er í gangi fyrir Linux, þá er það fyrir Red Hat. Þar hefurðu það. Þú getur alveg fengið þér Red Hat og verið viss um að ef það er Linux stuðningur til að byrja með hjá viðkomandi fyrirtæki, þá er hann fyrir distróið þitt. Það að það sé fleira í boði, trúi ég ekki að sé nálægt því að vera vandamál.

Þú virðist líka halda að distró séu almennt eitthvað ósamhæf, sem er ekki samkvæmt minni reynslu. Það eru til einstaka pervertadistró sem geta verið með leiðindi fyrir nýliða, en glibc á Fedora er alveg það sama og glibc á Debian, þó það sé á öðrum stöðum og aðeins öðruvísi stillt. Það kemur ekkert niður á forritinu sem ætlar að nota það.

Og öll þessi library eru til í öllum distróum nú til dags. Debian, Fedora, Gentoo, name it, þetta eru allt distró með risastór pakkasöfn, þó að reyndar sé Fedora (merkilegt nok) með hið langminnsta af þessum þremur.

Ég skil afstöðuna og ætla ekki að reyna að breyta henni mikið, EN!

Ég skora á þig að reyna lengur, og fastmóta ekki þessa skoðun. Ég hef sterkan grun um að þér snúist hugur þegar þú ferð að raunverulega prófa þetta, ef þú þorir.

Ég hef margoft gert tilraunir á fólki með þetta, og alltaf kemur það mér á óvart hvað það er raunverulega ofboðslega lítið mál að vera með Linux vinnustöð, án þess að vita nokkurn skapaðan hlut.

Fyrra álit

JonGretar fyrir 20 árum, 3 mánuðum

Jú vissulega er þetta allt að lagast hægt og rólega. En það eru samt ennþá library vandræði. Mér finnst samt vanta dáltið að það sé til Linux 2.0 eða eitthvað. Eitthvað sem að þú getur verið viss um að virki bara ef að forritið var skrifað fyrir útgáfu 2.

En ég er samt að lenda í þessu. Ég er ekki að tala um einhver forrit eins og OpenOffice eða annað. Það eru forrit sem að distro gaurarnir tékkuðu á hvort að virkaði ekki.
Ég er að tala um forrit eins og Rush Render Manager og fleiri. Ég gafst upp á að reyna setja það upp í Suse. Það var bara ekki að ganga nema að gera major redesign.

En með supportið þá er ég að meina conflict á supportum. Shake og Maya er bara með support á RedHat 8-9. Annað forrit er bara supportað á Suse 8-9. Hvort á maður að velja? Ekki getur maður fengið supportið á RedHat eða Suse þar sem að support gaurarnir hafa ekki snert þessi forrit.

En það er satt hjá þér að ég hef ekki áratuga reynslu í Linux Desktopum. Ég hef hingað til verið í Serverum. En ég þekki samt til IRIX og fleiri desktop POSIX kerfa og ég veit hversu vel og auðvelt hægt er að gera þessa hluti. Og ég Þekki til Tru64, Solaris og fleiri servera og hlutirnir eru bara þægilegri þar.

Eina sem ég er að segja samt er að þessi hlutir eru miklu þægilegri í þessum kerfum. Linux er ennþá komið sem er of mikið hack í administration. Þú ert of oft að leysa eitthvað eða ná í compatability pakka. Nema þú installir bara öllu sem til er í byrjun og þá ertu bara 5 mín að boota upp vélinni og allt í súpu og finnur ekkert.

Ég vil ekki þurfa að leysa svona mál hvort sem þau eru einföld eða flókin. Ég hef séð að hlutirnir geta bara virkað og ég sé að það er ekki orðið svo í Linux.

Fyrra álit

[Notanda eytt] fyrir 20 árum, 3 mánuðum

Jæja, mönnum finnst nú bara það sem þeim finnst. :) Mér finnst þetta ofboðslega skrýtið, og ég kannast ekki við þetta. Ég vona bara að það gangi betur hjá þér í framtíðinni. :)

Fyrra álit

WaterFall fyrir 20 árum, 3 mánuðum

[..]
RedHat er hætt með vinnustöðvaútgáfun þannig að það
er þannig séð bara SuSe eftir.
[..]

Hvað með Red Hat EnterPrise Workstation?

http://www.redhat.com/software/rhel/ws/

Fyrra álit

Linux

Linux

Ofurhugar

Stjórnendur

Hverjir eru inni

Greinar

Vandræðin við Linux vinnustöðvar

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi