Þetta er mjög gott bréf, stutt og hnitmiðað. Það mætti samt taka inn í reikninginn að með því að keyra Linux á skólavélunum myndast einnig sparnaður við uppfærslur á vélbúnað, því eins og við vitum öll þá þarf tölvuvert betri (og dýrari) vélbúnað til að keyra Windows/Office heldur en Linux með gluggakerfi að eiginvali (KDE er að vísu næstum jafn þungt og Windows, en kosturinn er að hér er hægt að VELJA um léttara gluggakerfi).

Ekki þarf að henda gömlum skólatölvum bara því að Microsoft voru að uppfæra hugbúnaðinn hjá sér.

Hvad med kerfisstjora og adra umsjonarmenn sem thurfa ad hafa umsjon med kerfinu? Eru thad ekki mun dyrari menn en their sem sja um sambærilega vinnu a Microsoft-afurdum? Verdur oyggjandi kostnadarlækkun med thvi ad taka upp notkun opins hugbunadar?

Mér finnst vanta alveg sér umræðu (ekki síst í menntamálaráðuneytinu) varðandi nákvæmlega það hvað á að nota tölvur í, í skólum, og hvaða hugbúnaður gæti tekið við þeim verkum á sem hentugastan máta.

T.d., það á að kenna ritvinnslu. Á að nota OpenOffice (sem er hrollbjóður og ógeð og á að banna fyrir glæpi gegn mannkyninu), AbiWord, KWord, hvað? :) Á hvaða forsendum? Hvernig samskipta þessi forrit við Microsoft Word og hversu miklu máli skiptir það? Umræða þarna inni í gæti t.d. verið; hvað er því til fyrirstöðu að opinn staðall eins og HTML verði notaður til skjalavinnslu? Eða einhver útfærsla á XML? Hvað hafa ritlarnir og höfundar þeirra um þetta að segja? Hvernig vinnur Word með skjölum úr þessum forritum?

Töflureiknar; sama umræða og að ofan.

Forritun; hvaða forritunarmál er verið að kenna, hvar, og hvers vegna? Hvað er betra við að nota opinn hugbúnað í því?

Annars ágætt sem fyrra bréf. Umræðunni væri hægt að halda áfram seinna með nánari útfærslum, það er kannski óþarfi að fara út í tæknilegu hliðarnar strax. En það þarf að fara út í þær áður en nokkuð er ákveðið, það er alveg á hreinu… og það þarf að gera vel. Það er kannski eitt sem ætti að nefna í bréfinu, að það sé sent ekki með tilliti til einhverra flýtiákvarðana, heldur sem tillaga að rannsóknum á þessu sviði.

Annað er að kostnaðarhliðin á þessu má ekki vera eina forsenda þess að skipta út þessum hugbúnaði. Hlutir á borð við samhæfni, kostnað við viðhald, kostnað við fræðslu, allt þetta þarf að taka inn í, og slíkar aðgerðir einar og sér munu aldrei komast í gegn eingöngu á forsendum sparnaðar. Þ.e.a.s., það mun seint verða til áhugi á því að eyða peningum í rannsóknirnar ef það er ekki á hreinu til að byrja með að þær borgi sig… og til þess að vekja þann áhuga, þarf að benda á marga kosti umfram sparnað. Nóg er af þeim kostum að taka.

Gott framtak, JReykdal minn. :)

Ef að við tökum Linux út þá eru samt til all nokkuð margir skrifstofuvöndlar sem keyra á Windows og eru lítið síðri en Office. 602software.com er til dæmis með ókeypis skrifstofuvöndul.

Það mætti kannski ýja að því líka, þó að maður keyri Windows þarf maður ekki að keyra Office

Þetta er nú að mínu mati ákaflega tilgangslaust bréf. Ef ráðherrann svarar þessu á annað borð þá verður það einfalt svar, það er ekki á döfinni að skipta út í linux.

Þegar við erum að tala um menntun krakkanna okkar þá ætlumst við til þess að þeim sé kennt á þau tæki sem eru í notkun út í atvinnulífinu. Enn í dag er Linux eingöngu notað af nördunum en ekki hinum venjulega heimilis og skrifstofu notanda og þar af leiðandi er engin forsenda fyrir því að innleiða þetta í skólakerfið okkar.

Einnig samkvæmt minni reynslu hefur Linux notkun ekki verið ódýrari en Windows notkun, reyndar veit ég ekki hvernig þetta kemur út með nýjum leyfis þemum frá MS. En þrátt fyrir það, þá vil ég frekar kosta aðeins meira til skólakerfisins og hafa krakkana betur undirbúna fyrir atvinnulífið heldur en að spara á kostnað krakkanna. Eflaust myndi þetta henta fyrir þá krakka sem ætla sér að verða tölvunördar, en þeir eru í miklum minnihluta.

Sem dæmi, þá viltu ekki að rafeindavirkjar læri að gera við beta video tæki í staðinn fyrir vhs vegna þess að beta tækin fást gefins þar sem enginn notar þau, og er meira að segja mun betri tækni en vhs, er það nokkuð?

Þú þarft að hugsa þetta mál aðeins lengra en út frá einhverjum fordómum gagnvart MS, þú átt að hafa hag krakka okkar að leiðarljósi í þessum efnum.

flott þetta :)

Ég hef verið að dafla í þessu líka (er að skrifa grein sem ég ætla að senda mbl og sjá hvort þeir vilji birta). Eitt sem ég hef ritað um þar er atriði sem ég held að vegi þungt á metunum.

Kostnaðurinn sem ríkið eitt borgar í afnotaleyfi af Micros~1 búnað hleypur á hundruðum milljóna. Ef ríkið skiptir að einhverju leyti eða öllu í Opensource má veita þeim pening aftur í þjóðfélagið í formi þess að ráða til dæmis fólk í vinnu við að þýða hugbúnað, aðlaga hann að íslenskuð aðstæðum, endurbæta eða hreinlega búa til það sem okkur vantar, í stað þess að setja þann pening í umslag og senda úr landi.

ég mæli með áhugaverðri grein um skóla sem skipti úr windows í linux fyrir stuttu: http://www.linuxjournal.com/article.php?sid=6349

—

Og hvernig væri það að koma á fót verkefni í líkingu við:
http://skolelinux.no/
http://www.linuxiskolen.no /
http://www.gnuskole.dk/
http://www.linuxiskolan.com / (svíþjóð)

og jafnvel norrænu samstarfi. (það er sko eitthvað sem menntamálaráðherra hefði áhuga á!)

Ég verð að viðra þá skoðun mína sem er eftirfarandi.

Það að nota Linux á tölvur menntakerfisins er eins og að taka ákvörðun um að kenna krökkum að tala svahilli (vona að þetta sé rétt skrifað) í stað ensku í skóla.

Ég tel það vera réttast að kenna krökkum á að vinna í því umhverfi sem 98% að tölvum í heiminum eru að keyra, það má svo hinsvegar gagngrýna þá leið sem Microsoft fer í leyfismálum en Linux er ekki lausnin, með fullri virðingu fyrir Linux.
Það að mest af vinnunni við þýðingar sé unnin í sjálfboðavinnu er ekki til að auka mína trú á kerfinu, Stýrikerfi þarf að lúta staðli, flest sem við gerum er staðlað á einhvern hátt og þannig næst samræmi. Allar þær Linux útgáfur sem ég hef prófað leytast við að gera það sama og gert er í Windows nema mun lengri og flóknari leið þarf að fara.
Windows er greinilega sá staðal sem fólk vill nota samkvæmt tölum um hvaða stýrikerfi fólk er að nota.

Með galla og þann tíma sem tekur að laga hann þá er það undir éim aðila komið sem skrifaði viðeigandi hugbúnað í Linux,þannig að fullyrðinginn um að það sé gert innan nokkura daga stenst ekki nema í undantekningartilfellum.

Ég tel að það að skoða opin hugbúnað í Íslensku menntakerfi séu mistök og verði þá eingöngu til þess fallin að halda í það úrelta umhverfi að á hvejum staði í hverju fyrirtæki og í hverjum skóla þurfi að vera sérmenntaður einstaklingur til að halda öllu draslinu gangandi.

Þetta er mín skoðun

Með kveðju AHAEpson

Ég ætla í þessu svari mínu að svara nokkrum þeim rökum og órökum sem sett hafa verið hér fram af ýmsum aðilum:



——
geirag:
“Hvad med kerfisstjora og adra umsjonarmenn sem thurfa ad hafa umsjon med kerfinu? Eru thad ekki mun dyrari menn en their sem sja um sambærilega vinnu a Microsoft-afurdum? Verdur oyggjandi kostnadarlækkun med thvi ad taka upp notkun opins hugbunadar?”

Í stuttu máli, já. MA, skólinn sem ég geng í borgar Microsoft 700.000KR á ári fyrir að Windows og Office, þetta eru rúmlega 58.000kr á mánuði og 7 milljónir á 10 árum, og bara fyrir þennan eina skóla, hver heldur þú að kostnaðurinn sé fyrir allt menntakerfið? Menntaskóla, Grunnskóla og Háskóla? Svoldið mikill giska ég á, veltur á tugum ef ekki hundruðum milljóna.

Það kæmi mér ekki á óvart þótt það myndi kosta minna að fá menn frá RedHat (eða Mandrake eða öðru distrói) til að koma hingað til lands, stoppa við í eitt sumar og kenna þessum adminum í skólunum okkar á þessi kerfi heldur en að halda áfram að nota Windows & Office, reyndar er ég nokkuð viss um það.




—–
droopy

“á meðan 95 prósent [give or take x prósent] heima notenda og fyrirtækja nota windows, þá er það ekki réttlætanlegt að krakkar séu aldir upp á linux desktop, og þau séu algerlega óvirk þegar þau koma út á vinnumarkaðinn…”

Heldur þú að ef einhver lærir á eitt stýrikerfi hvort sem það er MacOS, Linux, eða Windows að þegar hann fari í annað kerfi þá kunni hann gjörsamlega ekkert á annað kerfi? Geti ekki einusinni bjargað sér við að opna möppu eða skrifað email?
Það er ekkert sem segir að fólk sem lærir á linux sem sitt aðal stýrikerfi verði eitthvað verra statt en fólk sem alltaf er búið að nota windows, fólk sem er á vinnumarkaðinum er nú aðallega að skrifa emaila og gera excel skjöl, ekki að gera flókna hluti eins og að recompæla kernelinn eða stilla IRQ í windows.

“aftur á móti er það mikil misskilningur þegar sumir halda að það verði jafn “auðvelt” fyrir microsoft að gera það og var fyrir apple.”

Nei, þeir munu einmitt aldrei gera það, allt þeirra veldi byggist á því að gömlu forritin þeirra virki á nýju kerfunum, þannig halda þeir fólki í gíslingu og margir geta ekki skipt.

—–
Sakki:
Hugbúnaðarframboðið er samt sem áður vandamál. Þótt svo að hægt sé að finna “staðgengla” fyrir flest almeginleg win/mac forrit á linux, þá vantar ennþá að þessi forrit séu jafngóð. Þarna er ég m.a. að tala um MS-office pakkan, Photoshop, Internet explorer, Nero, SoundForge (hljóðvinnsla), Vegas (upptökuforrit/ hljóðvinnsla), Flash og DVD afspilun (of mikið vesen í Linux).

Með MS-Office er þetta satt, það er besta forritið sem völ er á í það verkefni þrátt fyrir það sem margir segja, það hlýtur nú að vera viss ástæða fyrir því að öll hin forritin eru að reyna að vera jafn góð.
Hinsvegar er spurning hvort þú viljir borga þann pening sem það kostar meðan þú getur fengið forrit sem gera 99% af því sem það gerir fyrir 0kr.
Með Photoshop,Nero,SoundForge,Vegas,Flash, og DVD vil ég segja: og í hvaða áfanga bístu við að nota það? Við erum að tala um skóla hérna ekki tölvuna heima hjá þér.
Og með IE vil ég segja: er þér alvara? IE er standard í vafraraheiminum fyrir það sem aðrir vafrarar vila EKKI vera, það er næstum hlægilegt hvað margir nota þetta meingallaða ruslforrit, ég legg til Opera eða Pheonix.



—–
AHAEpson


“Ég tel að það að skoða opin hugbúnað í Íslensku menntakerfi séu mistök og verði þá eingöngu til þess fallin að halda í það úrelta umhverfi að á hvejum staði í hverju fyrirtæki og í hverjum skóla þurfi að vera sérmenntaður einstaklingur til að halda öllu draslinu gangandi.”

Og þarf sérmenntaða einstaklina til að halda öllu draslinu gangandi núna? Oftast bara einhverjir kennarar sem sjá um þetta og var gefið þetta verkefni af skólastjórnendum því þeir kunnu á word og voru þessvegna settir í þetta. Þetta yrði þá bara til þess að hækka staðalinn á kerfisstjórum á íslandi … ekki veitir af.

Þótt ég sé mjög með því að það verði skipt yfir í linux í skólakerfinu sé ég marga galla við það sem ég ætla hér að setja fram.

—–

1. Enginn spellchecker í OpenOffice (þegar ég bar þetta undir greinahöfund lagði hann til að ég lærði stafsetningu í staðinn).
Mjög “witty” svar en gagnast varla fólki sem ætlar ekki að vera dregið niður um 1 fyrir stafsetningu svo ekki sé minnst á þá sem geta bara ekki stafað rétt sökum ýmissa sjúkdóma.

2. Adminar. Hvort sem okkur líkar það betur eða verr er oft sú aðstaða að fólkið sem VINNUR við að kunna á tölvur kann ekki meira en nemendurnir og í flestum tilfellum minna, þetta vandamál eyðist eftir því sem menntastigið er hærra en þetta á sér stað í menntaskólum svo ég minnist nú ekki á grunnskólana.

3. Margir skólar nota sérhæfð forrit sem þeir hafa keipt á mikinn pening og væri vitleisa að kasta frá sér þeirri fjárfestingu. Reyndar er hægt að keira það í gegnum WINE en oft ekki hægt oftast útaf (sjá ástæðu 2)

4. Skólar eru oft mjög djúpt sokknir í Microsoft flækjuna, Vefþjónar og Póstþjónar keira einhverja sérhæfða Microsoft lausn sem varla má snerta þá án þess að þeir hrynji, hvað þá það vandamál að færa þá yfir á sendmail eða eitthvað.

——-

Vona að þetta vekji upp einhverja umræðu, endilega komið með gáfuleg og rökstudd comment.

Ég vil bara bæta við í umræðunni og svara þeim sem halda því fram að það sé ókostur að kenna krökkum á Linux umfram Windows vegna þess að 95-98% tölva í heiminum keyra Windows.

Það er mín reynsla, sem og annarra, að krakkar sem hafa lært á Windows eiga í basli með að vinna á Linux, en krakkar sem hafa lært á Linux geta gengið að Windows vél án nokkurra vandræða.

Kennum krökkum á Linux og hækkum þekkingarstaðalinn í samfélaginu. Fólk sem vill/getur bara lært á Word og sent e-mail getur haldið því áfram, aðrir græða þekkingarlega séð.

Jamm ég er algjörlega sammála, það er engin ástæða til að vera alltaf fastur í Microsoft dótinu. Kannski væri hugmynd að skipta yfir á Linux alls staðar, og nota peninginn sem sparast til að endurmennta kennarana. Og ef það er einhver afgangur þá væri hægt að nota það til að borga gáfuðum íslendingum til að skrifa/endurbæta þau forrit sem okkur vantar! Þetta væri snilldar lausn ef það væri svona einfalt, en það er það auðvitað ekki. (Vá, hugsið ykkur, ef ríkið myndi ráða nokkrar hetjur til að gera okkar eigið distró af Linux sem yrði síðan nokkurs konar standard sem væri notað í öllum skólum hér!)

Hvað í ósköpunum er að því að láta fólk læra aðeins meira á tölvurnar sínar? Mér finnst bara allt í lagi að fólk læri pínulítið um hvað það er að gera í tölvunni og hvernig hún virkar. Það mætti halda að það sé alveg hræðilegt að þurfa að læra eitthvað nýtt. Maður þarf heldur ekkert að kunna neitt rosalega mikið til að geta notað Linux vél með gluggaumhverfi, fara á netið og svo framvegis. Aðal vandamálið er að setja hana upp og fá allt til að virka.

Auk þess er það staðreynd að það er ótrúlega auðvelt að læra á Windows þannig að ef einhver kann ekki á Windows þá lærir hann það á engum tíma, sérstaklega ef hann kann sæmilega á Linux.

Ég rakst á mjög merkilega grein nákvæmlega um þetta mál. Þar sem verið er að gera ítarlega athugun á þeim kostum og/eða ókostum með því að nota Open source hugbúnað í skólum í Bandaríkjunum.

t.d. er þetta úr greininni.
=========================================
Schillinger says he also plans to look at other benefits, such as security and scalability. “If we can run some of these solutions on machines that aren't as technologically advanced as most of us use – some of these classrooms have some very old machines – if we can run the software and run it securely, we can give students who might otherwise not have the opportunity an opportunity to use some of this software,” he says.
=========================================

Ath yglisverð grein sem má finna á
http://newsforge.com/newsforge/02/08/19/2135220.shtml ?tid=1

Mér finnst þessi pæling vera góð og gild en mér finnst niðurstaðan vera kolröng, Íslenska ríkið ætti einmitt EKKI að skipta yfir í LINUX

Fyrir ykkur tölvunerðina þá er hér grunn-prinsipp úr hag-/viðskiptafræði.
“There aint no such thing as a free lunch”
Þetta þýðir sem sagt að EKKERT sé ókeypis (og allra allra síst hugbúnaður).

Það sem þetta ætti að vera að segja okkur er að við getum ekki, endurtek ekki fengið jafn góðan hugbúnað ókeypis eins og þann sem við borgum fyrir. Og þá er ég ekki bara að tala um innkaupsverð heldur heildar-kostnað við eign hugbúnaðarins þar með talið en ekki takmarkað við kostnað vegna uppsetningar, vélbúnað, þjálfun notenda, kostnaður vegna mistaka og tíma sem fer til spillis vegna mistaka notanda osfrv. osfrv. Í mörgum rannsóknum hefur verið sýnt að innkaupsverð er ekki nema ca. 10-30 % af heildarkostnaði við hugbúnað. Hinn kostnaðurinn er líklegur til að hækka vegna notkunar Open source hugbúnaðar, því að hann er ekki eins vandaður, ekki skrifaður fyrir fólk með takmarkaða eða litla tölvuþekkingu og hefur minni og verri hjálp heldur en keyptur hugbúnaður. Auk þess er mjög erfitt að fá aðra hjálp jafn vel þótt að viðkomandi sé tilbúin til að greiða fyrir hana.
Þegar öll kurl koma til grafar er Open source hugbúnaður ekkert ódýrari en “keyptur” hugbúnaður.

Ef enginn keypti hugbúnað yrði enginn almennilegur nýr hugbúnaður til og enginn af þeim sem skrifa open source hugbúnað hefði vinnu til að sjá fyrir sér, meðan áhugamálinu væri sinnt.

Hvar í ósköpunum hafið þið fengið þá firru að Open-source hugbúnaður sé á einhvern hátt fullkomnari eða öruggari eða betur skrifaður en keyptur hugbúnaður?
Það er nánast sama hvern þið spyrjið sem er að nota OS hugbúnað í RAUNVERULEIKANUM um gæði OS-hugbúnaðar þá er svarið “næstum eins góður og keyptur” og svo kemur alltaf “en hann er ókeypis” (en það er hann einmitt ekki.)

Auk þess hef ég eftirfarandi spurningar
Hvar eru gæðakerfi í notkun í OS-heiminum?
Hver ber ábyrgð í OS-heiminum þegar hugbúnaðurinn virkar ekki eins og hann á að gera?
Við hvern á maður að tala þegar maður hefur þörf fyrir breytingar eða uppfærslu?
Hver tryggir samhæfingu og “backward compatability” eða er allt í lagi að eyða milljörðum í að endurheimta gömul gögn bara til að geta notað “ókeypis” kerfi.

Það sem mér finnst að Linux nerðir þyrftu mest á að laga hjá sér er virðingin fyrir fólki sem kann lítið á tölvu og hefur ekki áhuga á að kunna neitt meira, heldur vill koma hlutum í verk. Þetta fólk fer ekki á ircið á nóttunni til að finna einhverja grep command línu sem lagar öll skjöl sem það hefur gert í síðustu viku, þetta fólk vill bara Word = Besta ritvinnsluforrit í heimi (m.a. af því að flestir nota það)
Excel = LANG LANG LANG besti töflureiknir í heimi
Outlook = Fínt póstforrit
Internet explorer = Besti vafri í heimi (reglulegar uppfærslur eru ókeypis því þú tekur við uppfærslum á stýrikerfinu í gegnum þær)
Windows 2000 + = Ofurstöðugt stýrikerfi Mitt er búið að vera uppi án vandræða í 1862+ klst aldrei verið neitt bögg

Þó að Linux sé hæfilegt stýrikerfi fyrir marga er það mikið hopp fyrir þá sem eru Win vanir og margir sem eru að vesenast að læra á Win eiga ekki eftir að skilja rass í Linux, þó það mundi eflaust kenna áhugamönnum mikið meira útaf grúskinu sem fylgir Linux, ég segi það satt að systir mín mundi ekki skilja bofs ef tekið væri frá henni Win umhverfið hún yrði alveg áttavilt, hún mundi ekki læra á nýtt gluggakerfi. Maður verður að gera sér grein fyrir að ekki allir eru jafn áhugasamri á tölvu og læra nýja hluti. Ég sjálfur er með Win2000 og Linux, ég gerði það fyrir tilrauna starfsemi að setja upp annars konar ritvinnslu forrit í Tölvuna með Win Open office heitir það, en systir mín skildi ekki neitt í neinu fyrir mig var þetta nánast bara útlits breyting en fyrir hana annar heimur og hún krafðist þess að ég setti upp Office upp aftur.

Kannski er þetta spurning um að læra eitthvað nýtt og mig minnir að einhver staðar í Noregi hafi verið skipt algjörlega í Linux sem er gott mál, en málið er að ekki allir eru jafn fljótir að læra.

Hver á að sjá um uppsetningu á Linux og viðhald?

Það eru ekki jafn margir sem kunna það og þeir sem kunna það á win, umsjónamaður tölvuversins í mínum skóla er gáfaður og kann sæmilega á Win, en til að geta gert hið sama með Linux þirfti hann að læra ýmislegt nýtt, það gæti þuft einhver námskeið [ kostar pening ].

En þó að ég sé sé mjög hrifinn að Linux og Win held ég að það verði auðvelt að losna við Windowsið þar sem mjög margir eru hændir því.

En allavegana vildi bara benda á þetta :]

Hvernig er þá með forritin sem skólarnir nota, er þetta allt nothæft á Linux??? Þá er ég ekki bara að tala um Word og Excel, heldur líka öll litlu forritin sem ákveðnir áfangar keyra, eins og eðlisfræði og vélstjórn og allt það??? Eru þeir komnir það langt að eiga þetta allt á Linux ?