Núna ert þú eini maðurinn sem hefur svarað hérna og fullyrt að þér hafi eitthvað fundist fyndið við svar OE1. Þú segir að fólk hafi mismunandi smekk, og ég ætla ekki að neita því, það er eitthvað sem ég hef alltaf tekið sem gott og gilt.

Ég vil einfaldlega að fólk dragi þann dóm af þessum þræði og leiðindum mínum að a) ekki eru allir sem hafa húmor fyrir svona og b) best er að halda höndum að sér ef menn eru í vafa um að brandarinn hitti í mark.

Það gefur mér alveg nógu miklar upplýsingar til þess að draga þá ályktun að maðurinn hafi illa upplýsta skoðun á vélinni og búi þar af leiðandi yfir fordómum gagnvart leikjaúrvalinu. Hann reynir að gera grín að vélinni með því að beita sinni eigin “þekkingu” á leikjaúrvali hennar en fyrir þá sem eru betur upplýstir um hvað sé í boði fyrir tölvuna þá flýgur grínið hátt yfir markið og lendir í áhorfendastúkunni.

Ég vil þ.a.l. undirstrika það að ég sé á þeirri skoðun að grínið hafi langt frá því verið viðeigandi í þessum þræði og vil bæta því við að það hafi alls ekki í neinu samhengi við þann djók sem ég kom með.

Bætt við 27. september 2008 - 19:33
…og með þessu svari er ég farinn að sofa. Góða nótt. Eða gott kvöld öllu heldur fyrir þig.