Já, það er tollur og svoleiðis, en hefur ekki verið mikið vesen af minni reynslu.

Þegar þú pantar eitthvað, þá færðu reikning í e-mail frá play-asia (eða hvaðan sem þú keyptir), þú passar þig á að geyma þennan tölvupóst. Dótið sem þú keyptir kemur á endanum til landsins og þá fer það í tollmiðlun og þeir hjá tollinum senda þér miða í pósti á heimili þitt. Á miðanum stendur að þú eigir sendingu, en þá vanti upplýsingar um verð o.fl, svo þeir geti reiknað út tollinn. Á miðanum er einnig tollnúmer eða eitthvað, sem lítur út eins og RV468744361DE (breytilegt eftir því hvaðan sendingin kemur o.fl).

Þú sendir e-mail til tollmidlun@postur.is, þú setur tollnúmerið í subject og ekkert annað, og copy-peistar e-mailið sem þú fékkst frá play-asia þegar þú pantaðir. Þetta hefur dugað fyrir mig og þeir reikna út tollinn og fleiri gjöld og senda draslið til pósthússins í nágrenni þínu. Svo færðu miða frá pósthúsinu (eða kannski senda þeir bíl til þín, held að þeir séu hættir því núna) og þú getur náð í pakkann á pósthúsið og borgar öll aukagjöldin þar.

Það er fast gjald fyrir að gera þetta sem breytist ekki þótt pakkinn sé lítill, það var um 700-1000 kall að mig minnir, þannig að það er betra að kaupa frekar mikið í einu heldur en lítið. Ég gerði einu sinni þau mistök að kaupa eitthvað sem kostaði rétt rúma 7 dollara og aukagjöldin voru meiri en það sem hluturinn kostaði! Passaðu þig líka á að núna er krónan í fokki og allt er miklu dýrara en það ætti að vera.

Bætt við 9. janúar 2010 - 00:31
Þetta fasta gjald leggst sem sagt ofan á tollinn og annað. Þannig að þú borgar toll sem er einhver prósenta af verðinu á hlutunum, plús þetta fasta gjald sem er bara fyrir þessa “vinnu” þeirra að reikna aukagjöldin út fyrir þig. Ég veit ekki hvort þú getir sleppt við það og reiknað tollinn sjálfur, en svona hef ég allavega gert þetta.