Kæri RoyalFool.
(fyrir þá sem ekki eru ofangreindur herra væri eflaust þægilegt að setja bréfið í samhengi með því að lesa skilaboðin “Áhangendastráks röfl” hér á síðuni)

Elskan mín og ástarhnoðri, ég gæti barasta borðað þig litli kanilrass! mímímímí pípiru, eins og flengt rottubarn. Það vantar í þig alla ljóðrænu drengurinn minn, myndlíkingar og persónugervingar er það kallað. Ég veit. Að það gefur engin heilvita maður út raunverulega slímuga leikjatölvu. Og þó að hópar fólks séu yfirleitt langtum heimskari hverri einingu hans í einrúmi (samanber sífellt aukið vægi nefnda í hinum vestræna heimi og yfirvofandi hrun hagkerfisins), myndi jafnvel ég, ekki trúa Microsoft til að gera það. Var þetta of langt fyrir þig? nærðu þessu öllu? Það er nefnilega mikilvægt að lesa það til hlýtar sem maður ætlar svara (ef þú þá kýst að gera það). Meira um það síðar.
Með því að segja hana þunglamalega var ég vísa í hversu óreyndir MS eru á þessu sviði, þetta hálfkák tölvunar milli pc tölvu og leikjatölvu (getur auðveldlega endað, ja, ef ekki illa, ruglingslega) og hversu einhæf og ófrumleg mér þykir tölvan stefna í að verða, varðandi bæði leiki og óspennandi markmið MS með útgáfuni (í raun bara örvæntingarful l leið til að stemma stigu við samdrátt í sölu pc tölvna með því að gefa út “leikjatölvu” byggða á PC vél- og hugbúnaði. Microsoft hafa engan áhuga á hinni tölvuvæddu, gagnvirku afþreygingarbyltingu)
“Jussulega”: Markaðsetninginn á tölvuni, sú fáránlega upphæð sem þeir ætla að eyða í þetta, þessi ruddakraftur. Fáránleg typpstærðarkeppni og þröngsýni, verður auðvelt að negla hana,(og nei þá á ég ekki við með hamri, hvað þá síður nöglum kæri RoyalFool) á ógrynni af smáatriðum. “Brussuleg” hefði ef til vill verið heppilegra orðaval.

Svo sagði ég hana slímuga því hún er runnin undan rifjum fyrirtækis sem berst við að halda uppi einokun sinni á heimsmarkaði og er í eigu ríkustu ameríkana heimsins. Auður, þó hann sé ekki synd upp á sitt einsdæmi, spillir. Xboxið fæddist á sakaskrá.

“Hún er allavegana öflugri en PS2…” 45 kalíbera byssa er öflugri en Xbox. Þetta liggur allt í leikjunum, megahertz skipta engu.

Varðandi það sem ég sagði um Nintendinga, lemstrun þeirra og heimsku, þá átti ég við, eins og ég taldi fremur skýrt koma fram í máli mínu, fyrirtækið Nintendo, ekki áhengendur þess. Ég átti líka alls ekki við að ÉG hyggðist standa fyrir þessum ósköpum, heldur það að markaðurinn færi svona með Nintendo. Ég var nefnilega að tala í myndlíkingum. Ef þú lest þetta aftur skildi og vona að þú sæir þetta í mínu ljósi. Ástæðan fyrir bölspá minni, svo ég greini frá henni í örfáum orðum, er sú að GameCube hefur yfir að ráða fáum góðum leikjum, hefur selst illa bæði í Japan og Ameríku og slíkt gerir hana að áhættu í augum útgáfufyrirtækja = lítið úrval af leikjum.

En hver er þá ástæðan fyrir því að ég birti skoðanir mínar ekki bara í þessu formi upphaflega, heldur skrifaði torræðna grein um blóðugt stríð, gyðjur og fituhlussur? Af því þessi lesning er drulluleiðinleg.

Þitt einlægt fífl,DaC.